ກອງປະຊຸມບໍ່ເປັນທາງການລັດຖະມົນຕີເສດຖະກິດອາຊຽນຄັ້ງທີ 32 ຈະຈັດຂຶ້ນຢູ່ ຟິລິບປິນ
ຂປລ.ວິທະຍຸໂທລະພາບສູນກາງຈີນ (CMG): ວັນທີ 13 ມີນາ, ກອງປະຊຸມ ບໍ່ເປັນທາງການ ຂອງ ລັດຖະມົນຕີ ເສດຖະກິດ ອາຊຽນ ຄັ້ງທີ 32 ຈະຈັດຂຶ້ນ ຢູ່ ຟິລິບປິນ, ທ່ານ ກາວກິມຮຸນ ເລຂາທິການໃຫຍ່ ອາຊຽນ ພ້ອມດ້ວຍຄະນະຜູ້ແທນ ເຂົ້າຮ່ວມກອງປະຊຸມ ດັ່ງກ່າວ.
ກອງປະຊຸມຄັ້ງນີ້ ຈະປຶກສາຫາລື ກ່ຽວກັບ ບັນຫາຕ່າງໆເຊັ່ນ: ທ່າອ່ຽງ ຂອງ ເສດຖະກິດໂລກ ແລະ ພາກພື້ນ, ວຽກງານບູລິມະສິດ ດ້ານເສດຖະກິດ ຂອງ ຟິລິບປິນ ໃນຖານະ ເປັນປະເທດ ປະທານ ໝູນວຽນ ອາຊຽນ, ການຕິດຕາມກວດກາ ຜົນງານ ຂອງ ປະຊາຄົມ ເສດຖະກິດ ອາຊຽນ, ລວມທັງການ ເຈລະຈາຂອບ ເສດຖະກິດດີຈີຕອນ ອາຊຽນ, ຂະບວນການເຂົ້າຮ່ວມ ສັນຍາເສດຖະກິດ ອາຊຽນ ພາຍຫລັງ ຕີມໍແລັດສະເຕ ເຂົ້າເປັນ ສະມາຊິກອາຊຽນ, ການພົວພັນ ເສດຖະກິດ ຕໍ່ຕ່າງປະເທດ ຂອງ ອາຊຽນ ແລະ ອື່ນໆ. ບັນດາລັດຖະມົນຕີ ຈະສົນທະນາກັບ ສະພາທີ່ປຶກສາທຸລະກິດ ອາຊຽນ, ສະຖາບັນຄົ້ນຄວ້າ ເສດຖະກິດອາຊຽນ ແລະ ອາຊີຕາເວັນອອກ ແລະ ທະນາຄານພັດທະນາອາຊີ./