ສປ ຈີນ ໃຊ້ໄຟຟ້າ ບັນລຸຫລາຍກວ່າ 10.000 ຕື້ກິໂລວັດໂມງ ເປັນຄັ້ງປະຫວັດສາດ
ຂປລ. ອີງຕາມຂ່າວ ໂທລະພາບ ສູນກາງຈີນ (CMG): ອົງການ ພະລັງງານ ແຫ່ງຊາດຈີນ ແຈ້ງໃຫ້ຮູ້ ໃນວັນທີ 17 ມັງກອນນີ້ວ່າ: ປີ 2025, ປະລິມານ ການໃຊ້ໄຟຟ້າ ໃນທົ່ວປະເທດຈີນ ບັນລຸເຖິງ 10.400 ຕື້ກິໂລວັດໂມງ, ເພີ່ມຂຶ້ນ 5% ເມື່ອທຽບໃສ່ ປີ 2024 ເປັນຄັ້ງປະຫວັດສາດ, ທັງເປັນ ຕົວເລກ ສະຖິຕິ ຄັ້ງທໍາອິດ ໃນປະເທດໜຶ່ງ ຂອງ ໂລກ, ເທົ່າກັບ ຫລາຍກວ່າ ສອງເທົ່າຕົວ ຂອງ ປະລິມານ ການນຳໃຊ້ ໄຟຟ້າ ທົ່ວປະເທດ ສ.ອາເມລິກາ ໃນໝົດປີ ແລະ ຫລາຍກວ່າ ຍອດປະລິມານ ການໃຊ້ໄຟຟ້າຕໍ່ປີ ລວມເຂົ້າກັນ ຂອງ ສະຫະພາບ ເອີຣົບ, ຣັດເຊຍ, ອິນເດຍ ແລະ ຍີ່ປຸ່ນ. ໂດຍສະເພາະ ເດືອນກໍລະກົດ ແລະ ເດືອນສິງຫາ ໃນປີ 2025 ຜ່ານມາ, ປະລິມານການໃຊ້ໄຟຟ້າ ປະຈຳເດືອນໃນທົ່ວປະເທດຈີນ ໄດ້ບັນລຸຫລາຍກວ່າ 1.000 ຕື້ກິໂລວັດໂມງ ເປັນສອງເດືອນຕິດຕໍ່ກັນ ແລະ ໄດ້ສ້າງສະຖິຕິສູງສຸດໃນປະຫວັດສາດ ຕາມລຳດັບ./