ຈີນ-ອາຊຽນ ເປັນຄູ່ການຄ້າໃຫຍ່ອັນດັບ1ໃນ 5 ປີຕິດຕໍ່ກັນ
ຂປລ.ວິທະຍຸ-ໂທລະພາບ ສູນກາງຈີນ, ປີນີ້ ແມ່ນຄົບຮອບ 15 ປີ ຂອງການສ້າງຕັ້ງ ເຂດການຄ້າເສລີ ຈີນ-ອາຊຽນ, ພາຍໃຕ້ ການຊຸກຍູ້ ຂອງນະໂຍບາຍ ການປອດພາສີ ແລະ ການອຳນວຍ ຄວາມສະດວກ ໃຫ້ແກ່ ການຄ້າ, ອຸດສາຫະກຳຈີນ-ອາຊຽນ ໄດ້ເສີມຂະຫຍາຍທ່າແຮງ ທີ່ຊ່ວຍຊູຍູ້ໜູນກັນ ຢ່າງເຕັມທີ່ ແລະ ໄດ້ສ້າງລະບົບການແບ່ງງານ ແລະ ການປະສານງານ ທີ່ເຊື່ອມໂຍງເຂົ້າກັນ ຢ່າງເລິກເຊິ່ງ. ຂະນະທີ່ຈີນ-ອາຊຽນ ເປັນຄູ່ການຄ້າໃຫຍ່ ອັນອັນດັບ 1 ຂອງກັນແລະກັນໃນ 5 ປີຕິດຕໍ່ກັນ, ການແລກປ່ຽນດ້ານເສດຖະກິດການຄ້າ ລະຫວ່າງ ສອງຝ່າຍ ຢ່າງມີຊີວິດ ຊີວາຢ່າງຕັ້ງໜ້າ. ອີງຕາມ ຕົວເລກສະຖິຕິ ຂອງດ່ານພາສີຈີນ, ປີ 2024, ຍອດມູນຄ່າການຄ້າສິນຄ້າ ລະຫວ່າງ ຈີນ-ອາຊຽນ ມີເຖິງ 982 ຕື້ກວ່າ ໂດລາສະຫະລັດ, ເປັນສະຖິຕິສູງສຸດຄັ້ງໃໝ່ ໃນປະຫວັດສາດ, ເພີ່ມຂຶ້ນ 16,9 ເທົ່າເມື່ອທຽບໃສ່ໄລຍະເລີ່ມຕົ້ນສ້າງເຂດການຄ້າເສລີຈີນ-ອາຊຽນ ເມື່ອປີ 2002. ໃນ 10 ເດືອນຕົ້ນປີນີ້, ຍອດມູນຄ່າການຄ້າລະຫວ່າງ ສປ ຈີນ-ອາຊຽນ ມີເຖິງ 862 ຕື້ 700 ລ້ານໂດລາສະຫະລັດ, ເພີ່ມຂຶ້ນ 8,2% ເມື່ອທຽບໃສ່ໄລຍະດຽວກັນ ຂອງປີກາຍ ເຊິ່ງໄດ້ສະແດງ ໃຫ້ເຫັນເຖິງ ກຳລັງແຮງບົ່ມຊ້ອນ ອັນໃຫຍ່ຫລວງ ຂອງການຮ່ວມມື ດ້ານເສດຖະກິດ ການຄ້າ ລະຫວ່າງສອງຝ່າຍ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ