ຂປລ. ສຳນັກຂ່າວ ຊິນຮວາຂອງ ສປຈີນ ລາຍງານ ຈາກ ນະຄອນຫລວງ ຈາກາຕາ ປະເທດ ອິນໂດເນເຊຍ ເມື່ອບໍ່ດົນມານີ້, ທ່ານ ອັບດຸລ ມູໄຮມິນ ອິສກັນດາ ລັດຖະມົນຕີ ກະຊວງປະສານງານເສີມສ້າງ ພະລັງເຂດຊຸມຊົນຂອງ ອິນໂດເນເຊຍ ເປີດເຜີຍວ່າ: ລັດຖະບານ ອິນໂດເນເຊຍ  ໄດ້ ກຳນົດ ເປົ້າໝາຍ ກຳຈັດ ຄວາມທຸກຍາກ ຂັ້ນຮຸນແຮງ ໃຫ້ໝົດໄປ ຈາກປະເທດ ໃນປີ 2026 , ໂດຍມີ ການປະຊຸມ ຮ່ວມກັບ ລັດຖະມົນຕີ ແລະ ໜ່ວຍງານຕ່າງໆ ຢ່າງຕໍ່ເນື່ອງ ເພື່ອປຶກສາຫາລື ແນວທາງ ເພື່ອຫລຸດຜ່ອນ ຄວາມທຸກຍາກ ຂັ້ນຮຸນແຮງ ຕາມຄຳສັ່ງຂອງ ທ່ານ ປຮາໂບໂວ ຊູບຽນໂຕ ປະທານາທິບໍດີ ອິນໂດເນເຊຍ.

ປັດຈຸບັນ ປະຊາກອນ ປະມານ 24,8 ລ້ານຄົນ ໃນອິນໂດເນເຊຍ ຫລື ກວມເອົາ 8,7% ຈັດເປັນ ຜູ້ທີ່ມີຖານະທຸກຍາກ. ສະນັ້ນ ລັດຖະບານ ອິນໂດເນເຊຍ ຈຶ່ງໄດ້ ຕັ້ງເປົ້າໝາຍ ຫລຸດອັດຕາ ຄວາມທຸກຍາກ ໃຫ້ເຫລືອ 4,5% ໃນປີ 2029 ຊຶ່ງເປັນ ໜຶ່ງໃນແຜນ ຍຸດທະສາດ ສຳຄັນ ຄື: ຄວາມຊັດເຈນ ໃນການ ກຳນົດ ຜູ້ໄດ້ຮັບ ຜົນປະໂຫຍດ ຈາກ ໂຄງການລັດ ຖະບານ ເຊັ່ນ: ການຊ່ວຍເຫລືອ ທາງສັງຄົມ ແລະ ເງິນອຸດໜູນ ດ້ານທີ່ພັກອາໄສ./.

KPL