10 ວິທີລ້ຽງລູກໃຫ້ມີຄວາມຄິດສ້າງສັນສະຫລາດ
*ລະດັບສະຕິປັນຍາຈະໜ້ອຍ ຫລື ຫລາຍ ສ່ວນໜ່ຶງແມ່ນຂຶ້ນກັບກຳມະພັນ ຫລື ເວົ້າໄດ້ງ່າຍໆວ່າຖ້າພໍ່ແມ່ສະຫລາດ ມີໂອກາດສູງທີ່ລູກຈະສະຫລາດໄດ້ແຕ່ກໍຍັງມີປັດໄຈອື່ນໆທີ່ພໍ່ແມ່ສາມາດສ້າງໃຫ້ລູກໄດ້ ເຊິ່ງເດັກຈະມີພຶດຕິກຳ ແລະ ນິໄສແນວໃດຂ້ຶນຢູ່ກັບການ ເບິ່ງແຍງຂອງພໍ່ແມ່ເປັນຫລັກ. ດັ່ງນັ້ນ, ການໃຫ້ຄວາມສໍາຄັນຂອງອີຄິວກັບລູກຕັ້ງແຕ່ນ້ອຍ ຈະຊ່ວຍໃຫ້ເດັກນ້ອຍຢູ່ໃນສັງຄົມພາຍໜ້າໄດ້ຢ່າງມີຄວາມສຸກທັງຕໍ່ຕົນເອງ ແລະ ຄົນອ້ອມຂ້າງ. ໃຫ້ຄວາມຮັກ: ເຊິ່ງມີຄວາມສຳຄັນຫລາຍ ແລະ ບໍ່ພຽງແຕ່ໃຫ້ຄວາມ ຮັກເທົ່ານັ້ນ, ພໍ່ແມ່ຕ້ອງສະແດງອອກຢ່າງເໝາະສົມອີກດ້ວຍ, ບາງຄົນຮັກລູກແຕ່ບໍ່ກ້າເວົ້າບໍ່ກ້າສະແດງອອກໃຫ້ລູກເຫັນ, ສະນັ້ນ ການຍ້ິມໃຫ້, ການສຳຜັດ, ການກອດ, ລ້ວນແລ້ວແຕ່ເປັນພາສາກາຍທີ່ບົ່ງບອກເຖິງຄວາມຮັກທີ່ພໍ່ແມ່ມີຕໍ່ລູກ. ຮູ້ ແລະ ເຂົ້າໃຈການພັດທະນາຂອງລູກ: ຕ້ອງທຳຄວາມເຂົ້າໃຈແລະປະຕິບັດຕໍ່ລູກໄດ້ຢ່າງຖືກຕ້ອງແລະເໝາະສົມ ເຊິ່ງພັດທະນາການແມ່ນຕັ້ງແຕ່ຍັງນ້ອຍຈົນເຖິງໄວລຸ້ນ.
ພໍ່ແມ່ມີສ່ວນຮ່ວມໃນການລ້ຽງລູກໃຫ້ຫລາຍທີ່ສຸດ: ຖ້າພໍ່ແມ່ຫາກມີວຽກທັງສອງກໍຄວນໃຫ້ເວລາກັບລູກໃນຍາມກາງຄືນເພ່ືອເຮັດໃຫ້ລູກມີຄວາມອົບອຸ່ນໃຈ. ສົ່ງເສີມໃຫ້ລູກມີຄວາມຮູ້ສຶກວ່າຕົນເອງມີຄ່າ: ເມື່ອລູກເຮັດດີ ຫລື ປະສົບຄວາມສຳເລັດພໍ່ແມ່ຕ້ອງ ຍ້ອງຍໍຊົມເຊີຍລູກ, ເມື່ອລູກທໍ້ຖອຍກໍຄວນໃຫ້ກຳລັງໃຈ.
ໃຫ້ອິດສະລະ ແລະ ໃຫ້ໂອກາດໃນການຕັດສິນໃຈ: ຈະຊ່ວຍໃຫ້ ລູກມີຄວາມຄິດສ້າງສັນ, ກ້າຄິດ, ກ້າເຮັດບໍ່ພະຍາຍາມບັງຄັບຄວາມຄິດລູກ.
ໃຫ້ລູກຮູ້ຈັກຄິດແບບມີເຫດຜົນ: ໂດຍສົ່ງເສີມໃນເລື່ອງທ່ີກ່ຽວຂ້ອງກັບ ຊີວິດປະຈຳວັນ ແລະ ເລື່ອງສຳຄັນ, ເປັນແບບຢ່າງທີ່ດີໃຫ້ກັບລູກ: ພ່ກັບແມ່ຕ້ອງເປັນໂຕຢ່າງທີ່ດີໃຫ້ກັບລູກເພື່ອເຮັດໃຫ້ລູກໄດ້ຮຽນຮູ້ຢ່າງອັດຕະໂນມັດ.
ໂດຍ: ມາລີດາ