ຂປລ.ວິທະຍຸ ສາກົນ ແຫ່ງ ສປ ຈີນ, ວັນ​ທີ 14 ມັງ​ກອນ​ນີ້, ສຳ​ນັກ​ງານ ກວ​ດ​ຄົນ​ເຂົ້າ-ອອກເມືອງ​ ແຫ່ງ​ຊາດ​ຈີນ​ ໄດ້​ຈັດ​ກອງ​ປະ​ຊຸມ​ ຖະ​ແຫລງ​ຂ່າວ​ ໂດຍ​ໄດ້​ເປີດ​ເຜີຍ ​ຂໍ້​ມູນ​ສຳ​ຄັນ ​ກ່ຽວ​ກັບ ​ວຽກ​ງານ ກວດ​ຄົນ​ເຂົ້າ-ອອກ ​ເມືອງ​ຂອງ​ ສປ ຈີນ​ໃນ​ປີ 2024.ຫລັງຈາກ ສຳ​ນັກ​ງານ ກວ​ດ​ຄົນ​ເຂົ້າ-ອອກ​ເມືອງ ທົ່ວ​ປະ​ເທດ​ຈີນ​ ໄດ້​ກວດ​ຄົນ​ເຂົ້າ-ອອກ​ເມືອງ 610 ລ້ານ​ເທື່ອ​ຄົນ, ເພີ່ມ​ຂຶ້ນ 43,9% ເມື່ອ​ທຽບ​ໃສ່​ໄລ​ຍະ​ດຽວ​ກັນ ​ຂອງ​ປີ 2023 ແລະ ໄດ້​ກວດກາພາ​ຫະ​ນະເຂົ້າ-ອອກ​ເມືອງ​ ລວມ​ທັງ​ໝົດ ຫລາຍກວ່າ 32 ລ້ານເທື່ອຄັ້ງ, ເພີ່ມ​ຂຶ້ນ 38,8% ເມື່ອ​ທຽບ​ໃສ່​​ປີ 2023. ຊາວ​ຕ່າງ​ປະ​ເທດ​ ທີ່​ເຂົ້າ​ເມືອງ​ຈີນ​ ໂດຍ​ຍົກ​ເວັ້ນ​ວີ​ຊາ​ ຫລາຍກວ່າ 20 ລ້ານ​ເທື່ອ​ຄົນ, ເພີ່ມ​ຂຶ້ນ 112,3% ເມື່ອ​ທຽບ​ໃສ່​​ປີ 2023./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL