ສສ ຫວຽດນາມ-ແຟງລັງ ເຊັນບົດບັນທຶນຊ່ວຍຈຳວ່າດ້ວຍການຮ່ວມມືດ້ານແຮງງານ
ຂປລ.ວິທະຍຸ ກະຈາຍສຽງ ຫວຽດນາມ, ສສ ຫວຽດນາມ ແລະ ແຟງລັງ ໄດ້ເຊັນບົດບັນທຶ ຊ່ວຍຈຳ ວ່າດ້ວຍ ການຮ່ວມມື ກ່ຽວກັບ ການຍົກຍ້າຍ ນັກຊ່ຽວຊານ, ແຮງງານທີ່ ມີສີມືດີ, ແຮງງານຕາມໄລຍະ ຂອງ ສສ ຫວຽດນາມ ໄປເຮັດວຽກຢູ່ ແຟງລັງ. ການເຄື່ອນໄຫວນີ້ ນອນໃນຂອບເຂດ ການຢ້ຽມຢາມ, ເຮັດວຽກຢູ່ ສສ ຫວຽດນາມ ຂອງ ທ່ານ ອາໂຕ ໂອລາວີ ສາໂຕເນັນ(Arto Olavi Satonen), ລັດຖະມົນຕີ ກະຊວງເສດຖະກິດ ແລະ ວຽກເຮັດງານທຳຂອງ ແຟງລັງ ແຕ່ວັນທີ 13 – 15 ມັງກອນຢູ່ ສສ ຫວຽດນາມ, ໃນບົດບັນທຶກຊ່ວຍຈຳ ສ້າງການພົວພັນ ຄູ່ຮ່ວມມື ກ່ຽວກັບ ການຍົກຍ້າຍແຮງງານລະຫວ່າງສອງຝ່າຍ, ບົນພື້ນຖານ ເຄົາລົບ ບັນດາຫລັກການ ແລະ ມາດຖານສາກົນ. ບົດບັນທຶກຊ່ວຍຈຳ ມີໄລຍະ 5 ປີ (2025 - 2030). ທ່ານ ດ່າວງອກຢຸງ, ລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ຫວຽດນາມ ໃຫ້ຮູ້ວ່າ: ນັບແຕ່ທ້າຍປີ 2023 ມາຮອດ ປັດຈຸບັນ, ກະຊວງແຮງງານ - ທະຫານເສຍອົງຄະ ແລະ ສັງຄົມ ຫວຽດນາມ ໄດ້ຕົກລົງ ຈົດທະບຽນ ຂອງວິສາຫະກິດ 3 ແຫ່ງ ທີ່ເຄື່ອນໄຫວ ການບໍລິການ ຫວຽດນາມ ທີ່ມີສັນຍາ ສະໜອງ ແຮງງານ 134 ຄົນ (ໃນນັ້ນມີຍິງ 65 ຄົນ) ໄປເຮັດວຽກຢູ່ ແຟງລັງ. ປັດຈຸບັນ, ມີແຮງງານ 55 ຄົນ ໄປເຮັດວຽກ ຢູ່ແຟງລັງ, ດ້ວຍລາຍຮັບ ເປັນປົກກະຕິແຕ່ 1.500 ຫາ 2.000 EUR/ເດືອນ, ເງື່ອນໄຂການເຮັດວຽກ ແລະ ສະຫວັດດີການ ສັງຄົມ ດີພໍສົມຄວນ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ