ຝຣັ່ງ-ອາຣັບບີຊາອຸດິດ ຍົກລະດັບຄວາມຮ່ວມມືສູ່ການເປັນຄູ່ຮ່ວມມືທາງຍຸດທະສາດ
ຂປລ.ສຳນັກຂ່າວຕ່າງປະເທດ, ເຈົ້າຊາຍ ໂມຮຳເໝັດບິນ ຊາລມານ(Mohammed bin Salman)ມົງກຸດຣາຊະກຸມາຣ ແລະນາຍົກລັດຖະມົນຕີ ແຫ່ງອາຣັບບີຊາອຸດິດ ໄດ້ຕ້ອນຮັບ ທ່ານ ເອັມມານູເອລມາຄຣົງ(Emmanuel Macron),ປະທານາທິບໍດີຝຣັ່ງຊຶ່ງເດີນທາງຢ້ຽມຢາມນະຄອນຫລວງຣີຢັດຢ່າງເປັນທາງການ, ໂດຍຖືເປັນຄັ້ງທຳອິດ ໃນຮອບ 18 ປີທີ່ຜູ້ນຳຝຣັ່ງ ເດີນທາງຢ້ຽມຢາມອາຣັບບີຊາອຸດິດ .ຊຶ່ງຜູ້ນໍາທັງສອງປະເທດ ໄດ້ລົງນາມ ຮ່ວມກັນໃນຂໍ້ຕົກລົງ ຍົກລະດັບຄວາມຮ່ວມມື ສູ່ການເປັນຄູ່ຮ່ວມມືທາງຍຸດທະສາດ ທັງໃນດ້ານ ປ້ອງກັນປະເທດ, ພະລັງງານ, ການປ່ຽນຜ່ານ ແລະ ການເຄື່ອນຍ້າຍ ໃນລະດັບ ທະວີພາຄີ. ຂະນະດຽວກັນ ເຈົ້າຊາຍ ໂມຮຳເໝັດບິນ ຊາລມານ ແລະ ທ່ານ ເອັມມານູເອລມາຄຣົງ ມີຄວາມເຫັນດີກັນ ໃນການຂັບເຄື່ອນ ຄວາມພະຍາຍາມ ຮ່ວມກັນໂດຍໃຊ້ ກົນໄກ ທາງການທູດ ເພື່ອບັນເທົ່າຄວາມເຄັ່ງຕຶງ ໃນພາກພື້ນຕາເວັນອອກກາງ ລວມເຖິງການເລືອກຕັ້ງ ປະທານາທິບໍດີ ຄັ້ງໃໝ່ໃນລີບັງ. ນອກນີ້ ຜູ້ນໍາທັງສອງຍັງເຫັນດີ ໃນຫລັກການກ່ຽວກັບ ການຍົກລະດັບ ຄວາມຮ່ວມມື ທາງເສດຖະກິດ ອີກດ້ວຍ./.