ໂອເປັກ + ເຫັນດີ ຮັກສາປະລິມານນ້ຳມັນ
ຂປລ.ວິທະຍຸກະຈ່າຍສຽງ ຫວຽດນາມ, ອົງການບັນດາປະເທດ ສົ່ງອອກນ້ຳມັນ ແລະ ປະເທດຄູ່ຮ່ວມມື (OPEC+) ໄດ້ແຈ້ງວ່າ 7 ປະເທດ ສະມາຊິກ (ລວມມີ: ຊາອຸດີ ອາຣາເບຍ, ອີຣັກ, ກູເວດ, ອານເຊຣີ, ກາຊັກສະຖານ, ໂອມານ ແລະ ລັດເຊຍ) ໄດ້ຕົກລົງຮັກສາ ລະດັບປະລິມານນ້ຳມັນ ສູງສຸດ ປະຈຸບັນໃນເດືອນ ພະຈິກ. ສິ່ງດັ່ງກ່າວ ໝາຍຄວາມວ່າ 7 ປະເທດນີ້ ຈະຮັກສາຍອດປະລິມານນ້ຳມັນ ຢູ່ລະດັບສູງສຸດ ຂຶ້ນເປັນ 31,01 ລ້ານຖັງ/ວັນ. ເຖິງຢ່າງໃດກໍ່ຕາມ, ປະລິມານນີ້ ຍັງບໍ່ທັນຄິດໄລ່ເຖິງ ແຜນການຊົດເຊີຍ ໃຫ້ແກ່ ປະລິມານການຂຸດຄົ້ນ ທີ່ເກີນລະດັບ, ໝາຍຄວາມວ່າ ປະລິ ມານ ນ້ຳມັນ ເຊິ່ງບັນດາສະມາຊິກ OPEC+ ຕ້ອງຫຼຸດການຂຸດຄົ້ນລົງ ເມື່ອທຽບໃສ່ ລະດັບທີ່ໄດ້ອະນຸຍາດ ຍ້ອນໄດ້ຂຸດຄົ້ນ ເກີນລະດັບກ່ອນແລ້ວ.ຄາດວ່າ ກຸ່ມບັນດາປະເທດເຫລົ່ານີ້ ຈະຈັດ ກອງປະ ຊຸມ ປະຈຳເດືອນ ຄັ້ງຕໍ່ ໄປໃນວັນທີ 1 ພະຈິກ ເພື່ອຕີລາຄາ ສະພາບ ການຕະຫລາດ ອີກຄັ້ງ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ