ໂດຍມີ ພະນັກງານຂອງທະນາຄານການ ຄ້າຕ່າງປະເທດລາວມະຫາຊົນ 4 ແຂວງພາກກາງ ປະກອບມີ: ແຂວງສະຫວັນນະເຂດ, ຄຳມ່ວນ, ບໍລິຄຳໄຊ ແລະ ແຂວງໄຊສົມບູນ ເຂົ້າຮ່ວມ. ການຝຶກອົບຮົມໄດ້ຈັດຂຶ້ນ ໂດຍການເປັນປະທານຂອງທ່ານ ເພັດພູວັນ ເຮືອງປັນຍາ ຫົວໜ້າ ທະນາຄານການຄ້າຕ່າງປະເທດ ລາວມະຫາຊົນ ສາຂາແຂວງສະ ຫວັນນະເຂດ ແລະ ທ່ານ ນາງ ອຸ່ນເຮືອນ ຮ່ວງສະຫວັນ ຮອງຫົວ ໜ້າພະແນກຈັດຕັ້ງ-ພະນັກງານ ທະນາຄານການຄ້າຕ່າງປະເທດ ລາວມະຫາຊົນ BCEL (ສໍານັກງານໃຫຍ່) ໂດຍການບັນຍາຍ ເອກະສານຂອງ ທ່ານ ຄໍາກອງ ທຳມະເທວາ ຫົວໜ້າກົມອົບຮົມ ຄະນະໂຄສະນາອົບຮົມສູນກາງ ພັກ ຊຶ່ງປະກອບມີ 3 ຫົວຂໍ້ ຄື: ຄຸນ ທາດການເມືອງ ແລະ ຄຸນສົມບັດ ສິນທຳປະຕິວັດ ຂອງພະນັກງານສະມາຊິກພັກ; ພະນັກງານນໍາພາ ຄຸ້ມຄອງຕ້ອງກຳແໜ້ນແບບເເຜນ ນໍາພາ ແລະ ວິທີເຮັດວຽກທີ່ຖືກກັບ ແນວທາງຂອງພັກ ແລະ ກົດໝາຍ ຂອງລັດ; ສັງຄົມສາມັກຄີປອງດອງ ແມ່ນບໍ່ເກີດເເຫ່ງກຳລັງແຮງຂອງ ການປົກປັກຮັກສາ ແລະ ພັດທະນາ ປະເທດຊາດ. ຈຸດປະສົງຂອງການຈັດຝຶກອົບ ຮົມນີ້, ເພື່ອເຮັດໃຫ້ພະນັກງານນໍາ ພາ-ຄຸ້ມຄອງຂອງທະນາຄານການ ຄ້າຕ່າງປະເທດລາວ ມະຫາຊົນ (BCEL) ໄດ້ຮັບຮູ້, ເຂົ້າໃຈກ່ຽວ ກັບແບບແຜນວິທີນຳພາ ແລະ ວິທີ ເຮັດວຽກທີ່ຖືກຕ້ອງກັບແນວທາງ ນະໂຍບາຍຂອງພັກ-ລັດ ແລະ ເພື່ອ ເປັນການເພີ່ມທະວີບົດບາດການ ນໍາພາ-ຊີ້ນໍາວຽກງານຂອງຕົນ ໃຫ້ມີປະສິດທິພາບ ແລະ ປະສິດທິ ຜົນສູງ; ມີຄຸນທາດການເມືອງ, ຄຸນສົມບັດສິນທຳປະຕິວັດຢ່າງໜັກ ແໜ້ນ, ຈົງຮັກພັກດີຕໍ່ອຸດົມການ ສັງຄົມນິຍົມ, ປະຕິບັດໜ້າທີ່ການ ເມືອງຂອງຕົນຢ່າງບໍລິສຸດສັດຊື່; ມີຄວາມສາມັກຄີເປັນປຶກເເຜ່ນ, ມີ ຄວາມເຊື່ອໝັ້ນຕໍ່ການນໍາພາຂອງ ພັກ; ເປັນເຈົ້າການປະກອບສ່ວນ ເຂົ້າໃນພາລະກິດປົກປັກຮັກສາ ແລະ ສ້າງສາພັດທະນາປະເທດຊາດ.

KPL