ຫວຽດນາມ-ສິງກະໂປ ເພີ່ມທະວີຮ່ວມມື ຢ່າງຮອບດ້ານ
ຂປລ. ວິທະຍຸກະຈາຍສຽງຫວຽດນາມ: ໃນຂອບເຂດ ການຢ້ຽມຢາມ ສິງກະໂປ ຂອງ ທ່ານ ໂຕເລິມ ເລຂາທິການໃຫຍ່, ປະທານປະເທດ ຫວຽດນາມ ພ້ອມດ້ວຍຄະນະ ເມື່ອວັນທີ 29 ພຶດສະພາ ທີ່ຜ່ານມາ. ທ່ານ ໂງວັນຕວັນ ລັດຖະມົນຕີ ກະຊວງການເງິນຫວຽດນາມ ໄດ້ເຮັດວຽກຮ່ວມກັບ ທ່ານ ຕັນ ຊີ ເລັງ (Tan See Leng) ລັດຖະມົນຕີ ກະຊວງຊັບພະຍາກອນມະນຸດ ທັງເປັນ ລັດຖະມົນຕີ ຮັບຜິດຊອບ ດ້ານພະລັງງານ ແລະ ວິທະຍາສາດ-ເຕັກໂນໂລຢີ ຂຶ້ນກັບ ກະຊວງ ການຄ້າ ແລະ ອຸດສາຫະກຳ ສິງກະໂປ.
ທ່ານ ໂງວັນຕວັນ ແລະ ທ່ານ ຕັນ ຊີ ເລັງ ໄດ້ເຮັດວຽກ ຮ່ວມກັນ, ໂດຍທັງສອງຝ່າຍ ໄດ້ເຫັນດີ ຊຸກຍູ້ບັນດາໂຄງການ ເຂດອຸດສາຫະກຳ ຫວຽດນາມ-ສິງກະໂປ (VSIP) ໃໝ່, ໂດຍສະເພາະ ແມ່ນ VSIP ຫາຍຟ່ອງ 2 ແລະ ບິ່ງເຢືອງ 4; ປຶກສາຫາລື ກ່ຽວກັບ ການພັດທະນາ ພະລັງງານ, ການເງິນ, ຫັນເປັນດີຈີຕອນ, ເສດຖະກິດສີຂຽວ, ນະວັດຕະກຳ ແລະ ກຳນົດທິດທາງ ການຮ່ວມມື ພັດທະນາ ລະບົບກໍາປັ່ນໃຕ້ດິນ ແລະ ເສັ້ນທາງລົດໄຟ ຕົວເມືອງ ຢູ່ຫວຽດນາມ. ສິງກະໂປ ຈະໜູນຊ່ວຍ ຫວຽດນາມ ໃນການສ້າງ ບັນດາ ມາດຕະການ ເຕັກນິກ ພື້ນຖນ ແລະ ຫັນຂັ້ນຕອນ ເຄື່ອນໄຫວ ບັນດາເສັ້ນທາງ ລົດໄຟ ຕົວເມືອງ ໃນອະນາຄົດ, ຍົກສູງລັກສະນະຄົບຊຸດ ແລະ ໃຊ້ຈ່າຍເງິນ ເປັນຢ່າງດີທີ່ສຸດ ໂດຍສະເພາະ ການຮ່ວມມື ພັດທະນາ ສູນການເງິນສາກົນ, ທ່ານ ຕັນ ຊີ ເລັງ ໃຫ້ຮູ້ວ່າ: ບັນດາ ບໍລິສັດ ໄດ້ເລີ່ມດຳເນີນທຸລະກິດ ຂອງ ຫວຽດນາມ ອາດຈະນຳໃຊ້ ຮູບແບບ ລະບົບ ນິເວດ ຂອງ ສິງກະໂປ ເພື່ອກໍ່ສ້າງ, ໜູນຊ່ວຍໃຫ້ແກ່ ວິສາຫະກິດ ຂອງຕົນ ເພື່ອຮຽກຮ້ອງ ການລົງທຶນ ແລະ ເຂົ້າຮ່ວມ ຕະຫລາດສາກົນ ຢ່າງເລິກເຊິ່ງຂຶ້ນຕື່ມອີກ. /.