KPL
ທາງການ ອິນໂດເນເຊຍ ເປີດເຜີຍວ່າ: ຍອດຜູ້ເສຍຊີວິດຈາກ ເຫດການ ລົດໄຟຕຳກັນ ໃກ້ກັບ ນະຄອນຫລວງ ຈາກາຕາ ປະເທດ ອິນໂດເນເຊຍ ເພີ່ມຂຶ້ນ ເປັນ 16 ຄົນ, ໂດຍທັງໝົດ ເປັນແມ່ຍິງ ແລະ ໄດ້ຮັບບາດເຈັບ 90 ຄົນ.
ຂປລ. ສຳນັກຂ່າວ ອິນໂຟເຄວສ: ວັນທີ 29 ເມສາ, ທາງການ ອິນໂດເນເຊຍ ເປີດເຜີຍວ່າ: ຍອດຜູ້ເສຍຊີວິດຈາກ ເຫດການ ລົດໄຟຕຳກັນ ໃກ້ກັບ ນະຄອນຫລວງ ຈາກາຕາ ປະເທດ ອິນໂດເນເຊຍ ເພີ່ມຂຶ້ນ ເປັນ 16 ຄົນ, ໂດຍທັງໝົດ ເປັນແມ່ຍິງ ແລະ ໄດ້ຮັບບາດເຈັບ 90 ຄົນ.
ເຫດການດັ່ງກ່າວ ເກີດຂຶ້ນ ເມື່ອວັນທີ 27 ເມສາ ໂດຍລົດໄຟທາງໄກ ໄດ້ຕຳເຂົ້າກັບ ຕູ້ໂດຍສານສຸດທ້າຍ ທີ່ເປັນຕູ້ ສຳລັບ ແມ່ຍິງ ໂດຍສະເພາະ ຂອງ ລົດໄຟ ທີ່ພວມຈອດ ຢູ່ໃກ້ກັບ ສະຖານນີ ເບກາຊີ ຕີມູຣ ສົ່ງຜົນໃຫ້ເຈົ້າໜ້າທີ່ ກູ້ໄພ ຕ້ອງໃຊ້ ເວລາກວ່າ 12 ຊົ່ວໂມງ ໃນການ ງັດຊາກຕູ້ໂດຍສານ ທີ່ພັງເສຍຫາຍ ເພື່ອຊ່ວຍເຫລືອ ຜູ້ປະສົບໄພ.ນອກຈາກນັ້ນ, ເຈົ້າໜ້າທີ່ ກ່ຽວຂ້ອງ ຍັງເປີດເຜີຍວ່າ: ສາເຫດຕົ້ນຄໍ ໃນຄັ້ງນີ້ ເກີດຂຶ້ນ ຈາກຈຸດຕັດທາງ ລົດໄຟທີ່ຂາດ ຄວາມປອດໄພ, ພ້ອມທັງ ສັ່ງການໃຫ້ ປັບປຸງ ຈຸດຕັດທາງລົດໄຟ ທົ່ວປະເທດ ໂດຍຕິດຕັ້ງ ປ້ອມຍາມ ຫລື ສ້າງທາງຂ້າມແຍກ./
KPL
