ຂປລ
ປາທູແມ່ນປາຊະນິດໜ່ຶງອາໃສໃນນໍ້າທະເລທີ່ມີຄຸນປະໂຫຍດ ແລະ ສານອາຫານທີ່ພຽງພໍຕໍ່ຮ່າງກາຍ ໂດຍເຊິ່ງການກິນປາທູພຽງ 1 ໂຕ ຈະໄດ້ຮັບສານອາຫານຫລາຍຊະນິດ.
*ປາທູແມ່ນປາຊະນິດໜ່ຶງອາໃສໃນນໍ້າທະເລທີ່ມີຄຸນປະໂຫຍດ ແລະ ສານອາຫານທີ່ພຽງພໍຕໍ່ຮ່າງກາຍ ໂດຍເຊິ່ງການກິນປາທູພຽງ 1 ໂຕ ຈະໄດ້ຮັບສານອາຫານຫລາຍຊະນິດດັ່ງນີ້: 1,ປາທູ ອຸດົມໄປດ້ວຍ EPAແລະ DHA ເຊິ່ງເປັນກົດໄຂມັນບໍ່ອີ່ມຕົວ ໂດຍສານທັງສອງຊະນິດນີ້ຈະເຮັດໜ້າທີ່ຫລຸດການຈັບຕົວຂອງເມັດເລືອດທີ່ຜິດປົກກະຕິ ໃນບາງຄົນຈິ່ງເຮັດໃຫ້ເປັນພາວະຫລອດເລືອດແຂງຕົວ ຫລື ພົບການອັກເສບ ນອກຈາກນີ້ທັງ EPA ແລະ DHA ຍັງມີສ່ວນຊ່ວຍໃນການຫລຸດລະດັບໄຂມັນຊະນິດທີ່ເຮັດໃຫ້ເກີດຫລອດເລືອດອຸດຕັນໄດ້. 2, ໃນປາທູ 1 ໂຕ ຈະໃຫ້ໂປຣຕິນສູງເຖິງ 20 ກຣາມຕໍ່ນ້ຳໜັກ 100 ກຣາມ ເຊິ່ງໂປຣຕິນທີ່ໄດ້ຈາກປາທູຈະເປັນໂປຣຕິນທີ່ຍ່ອຍງ່າຍ ຮ່າງກາຍສາມາດນຳໄປໃຊ້ປະໂຫຍດໄດ້ທັນທີ. 3, ສັບພະຄຸນຂອງປາທູມີແຄລຊຽມ ແລະ ຟອສຟໍຣັສ ໂດຍປະລິມານແຄລຊຽມໃນປາທູ ຈະສູງເຖິງ 170 ມິລລິກຣາມຕໍ່ປາທູສົດ 100 ກຣາມ. ນອກຈາກນີ້, ຍັງອຸດົມໄປດ້ວຍຟອສຟໍຣັສທີ່ຈຳເປັນຕໍ່ຮ່າງກາຍ ໂດຍສານອາຫານ ເຫລົ່ານີ້ຈະມີສ່ວນຊ່ວຍໃນການເສີມສ້າງຄວາມແຂງແຮງກະດູກ ແລະ ແຂ້ວ ໄດ້ເປັນຢ່າງດີໂດຍສະເພາະກັບເດັກນ້ອຍ ແລະ ຜູ້ສູງອາຍຸ. 4, ປະໂຫຍດຂອງປາທູອຸດົມໄປດ້ວຍໂອເມກາ 3 ແລະ 6 ທີ່ມີສ່ວນຊ່ວຍໃນການທຳງານຂອງລະບົບ ປະສາດ ແລະ ສະໝອງຍັງເປັນສ່ວນປະກອບຂອງເຍື່ອບຸຜະໜັງເຊລຊ່ວຍຫລຸດໄຂມັນຫລຸດຄວາມສ່ຽງ ທັງພະຍາດຫົວໃຈ ແລະ ຫລອດເລືອດ. ນອກຈາກນີ້, ໂອເມກາ 3 ແລະ 6 ໃນປາທູນີ້ ຍັງເປັນໂຄງສ້າງທີ່ສຳຄັນຂອງເນື້ອເຍື່ອບໍລິເວນປະ ສາດຕາ ຫລື retina ທີ່ຊ່ວຍໃນການ ເບິ່ງເຫັນໄດ້ດີ.
ໂດຍ: ມາລີດາ
KPL
