ແຂວງ ສາລະ​ວັນ

 ເນື້ອທີ: 10.691 ກິໂລຕາແມັດ
 ພົນລະເມືອງ: 397.000 ກວ່າຄົນ, ຍິງ: 201.300 ກວ່າຄົນ, ຊາຍ: 195.700 ກວ່າຄົນ ແລະ ຄວາມໜາແໜ້ນ 37 ຄົນ/ກິໂລຕາແມັດ
 (ສະຖິຕິ ປີ 2015)
 
 08 ເມືອງ: ​ເມືອງ​ສາລະ​ວັນ, ​ເມືອງຕາ​ໂອ້​ຍ, ​ເມືອງຕຸ້ມ​ລານ, ​ເມືອງນະຄອນເພັງ, ເມືອງວາປີ, ເມືອງຄົງເຊໂດນ, ເມືອງເລົ່າງາມ ແລະ ເມືອງສະມ້ວຍ







ແຂວງ​ສາລະ​ວັນ

ແຂວງສາລະ​ວັນ ​ເປັນ​ໜຶ່ງ​ໃນ​ສີ່​ແຂວງ​ພາກ​ໃຕ້ ຂອງ ສປປ ລາວ, ມີ​ເນື້ອທີ່ 10.691 ກມ2. ມີ 14 ເຜົ່າເຊັ່ນ: ເຜົ່າລາວລຸ່ມ, ກະຕາງ, ສ່ວຍ, ປະໂກະ, ຢົວ, ຕະໂອ້ຍ, ຜູ້ໄທ, ກຣຽງ. ອິນ, ຕົ້ງ, ກະໂດ, ຕະຕູ, ກາໃນ ແລະ ອາລັກ. ແຂວງສາລະ​ວັນ ​ແບ່ງ​ອອກ​ເປັນ 653 ບ້ານ, ມີ 8 ເມືອງ​ຄື: ​ເມືອງ​ສາລະ​ວັນ, ​ເມືອງຕາ​ໂອ້​ຍ, ​ເມືອງຕຸ້ມ​ລານ, ​ເມືອງນະຄອນເພັງ, ເມືອງວາປີ, ເມືອງຄົງເຊໂດນ, ເມືອງເລົ່າງາມ ແລະ ເມືອງສະມ້ວຍ. ເມືອງ ສາລະວັນ ເປັນທີ່ວ່າການແຂວງ. ທິດຕາເວັນອອກຂອງແຂວງ ຕິດກັບແຂວງ ເຊກອງ ແລະ ສສ.ຫວຽດນາມ. ທິດເໜືອ ຕິດກັບ ແຂວງສະຫວັນນະເຂດ. ທິດໃຕ້ ຕິດກັບແຂວງຈຳປາສັກ ແລະ ທິດຕາເວັນຕົກ ຕິດກັບແມ່ນ້ຳຂອງ ຊາຍແດນ ລະຫວ່າງ ສາລະວັນ ກັບ ຈັງຫວັດອຸບົນຣາຊະທານີ ຂອງໄທ. ກ່ອນໜ້ານີ້ ສາມສິບກວ່າປີ, ແຂວງສາລະວັນ ເປັນແຂວງໜຶ່ງທີ່ໄດ້ຮັບຄວາມເສຍຫາຍຢ່າງໜັກໜ່ວງຈາກ ສົງຄາມ. ຍ້ອນວ່າແຂວງມີພູພຽງບໍລະເວນ ຊຶ່ງເປັນພູເຂົາໄຟເກົ່າ ທີ່ຢູ່ສູງກວ່າລະດັບນ້ຳທະເລເຖິງ 1.000 ແມັດ, ຈຶ່ງເໝາະແກ່ການປູກພືດ ເຊັ່ນ: ກາເຟ, ໝາກແໜ່ງ, ທຸລຽນ, ນອກນີ້ ຍັງເໝາະແກ່ການລ້ຽງສັດ. ບໍ່ພຽງແຕ່ເທົ່ານັ້ນ ແຂວງສາລະວັນ ຍັງມີແມ່ນ້ຳລຳເຊ ທີ່ສາມາດສ້າງ ເຂື່ອນຜະລິດກະແສໄຟຟ້າໄດ້ເຊັ່ນ: ເຊເສັດ, ເຊໂປນ, ເຊໂດນ, ເຊລະນອງ. ແຂວງສາລະວັນ ຍັງມີແຮ່ທາດເຊັ່ນ: ຖ່ານຫີນ, ບໍ່ດິນໜຽວ, ທາດອາຍ ແກ໋ດ, ນ້ຳມັນ, ພູຫີນບູນ ແລະ ອື່ນໆ. ນອກນີ້ ແຂວງຍັງມີແຫລ່ງທ່ອງທ່ຽວ ທີ່ສວຍງາມ ອີກຫລາຍບ່ອນໃຫ້ນັກທ່ອງທ່ຽວ ໄດ້ມາທ່ຽວຊົມ.







 



 



 



 



 




  
ຜົ້ງສາລີ     |     ຫລວງນໍ້າທາ    |    ບໍແກ້ວ     |    ອຸດົມໄຊ     |    ຫລວງພະບາງ     |    ໄຊຍະບູລີ     |    ຊຽງຂວາງ     |    ຫົວພັນ     |    ໄຊສົມບຸນ     |    ວຽງຈັນ    
    ນະຄອນຫລວງວຽງຈັນ     |   ບໍລິຄໍາໄຊ     |    ຄໍາມ່ວນ    |   ສະຫວັນນະເຂດ     |    ສາລະວັນ     |   ເຊກອງ     |   ຈໍາປາສັກ   |    ອັດຕະປຶ    




Lao