ຂປລ
ເຈົ້າໜ້າທີ່ ກະຊວງ ກະສິກຳ ແລະ ຊົນນະບົດຈີນ ໃຫ້ຮູ້ວ່າ ນັບແຕ່ ການປະຕິບັດ ແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີຄັ້ງທີ 14 ເປັນຕົ້ນມາ
ຂປລ.ວິທະຍຸ-ໂທລະພາບ ສູນກາງຈີນ, ວັນທີ 16 ກັນຍານີ້, ເຈົ້າໜ້າທີ່ ກະຊວງ ກະສິກຳ ແລະ ຊົນນະບົດຈີນ ໃຫ້ຮູ້ວ່າ ນັບແຕ່ ການປະຕິບັດ ແຜນພັດທະນາ ເສດຖະກິດ-ສັງຄົມ ແຫ່ງຊາດ 5 ປີຄັ້ງທີ 14 ເປັນຕົ້ນມາ. ສປ ຈີນ ໄດ້ຖືເອົາ ການປະດິດສ້າງໃໝ່ ດ້ານວິທະຍາສາດ ເຕັກໂນໂລຊີ ກະສິກຳ ໄວ້ຢູ່ໃນຖານະທີ່ພົ້ນເດັ່ນ ແລະ ເພີ່ມທະວີ ການສະໜັບ ສະໜູນ ດ້ານນະໂຍບາຍ, ປັດຈຸບັນ, ການປະດິດສ້າງໃໝ່ ດ້ານວິທະຍາສາດເຕັກໂນໂລຊີ ກະສິກຳຂອງ ສປ ຈີນ ໄດ້ກ້າວເຂົ້າສູ່ ລະດັບແຖວໜ້າ ຂອງໂລກ. ສປ ຈີນ ມີສະຖາບັນ ແລະ ໂຮງຮຽນຄົ້ນຄວ້າ ວິທະຍາສາດ ເຕັກໂນໂລຊີ ດ້ານກະສິກຳ 800 ກວ່າແຫ່ງ, ມີນັກຄົ້ນຄວ້າ ວິທະຍາສາດ ທັງໝົດ 120.000 ກວ່າຄົນ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
