ຂປລ
ໃນກອງປະຊຸມ ຖະແຫລງຂ່າວ, ທ່ານ ລິນຈ້ຽນ ໂຄສົກກະຊວງ ການຕ່າງປະເທດ ໄດ້ແຈ້ງສະພາບການ ກ່ຽວກັບ ງານວາງສະແດງສິນຄ້າຈີນ-ອາຊຽນ ຄັ້ງທີ 22 ທີ່ໄຂຂຶ້ນຢູ່ນະຄອນ ນານນີງ ເຂດກວາງຊີຈີນ ໃນວັນທີ 17 ກັນຍານີ້.
ຂປລ.ວິທະຍຸ-ໂທລະພາບ ສູນກາງຈີນ, ໃນກອງປະຊຸມ ຖະແຫລງຂ່າວ, ທ່ານ ລິນຈ້ຽນ ໂຄສົກກະຊວງ ການຕ່າງປະເທດ ໄດ້ແຈ້ງສະພາບການ ກ່ຽວກັບ ງານວາງສະແດງ ສິນຄ້າຈີນ-ອາຊຽນ ຄັ້ງທີ 22 ທີ່ໄຂຂຶ້ນ ຢູ່ນະຄອນ ນານນີງ ເຂດກວາງຊີ ຂອງ ສປ ຈີນ ໃນວັນທີ 17 ກັນຍານີ້. ທ່ານ ລິນຈ້ຽນ ກ່າວວ່າ: ອາຊຽນ ແມ່ນທິດທາງ ບູລິມະສິດ ຂອງວຽກການຕ່າງປະເທດຈີນ ກັບປະເທດອ້ອມຂ້າງ ແລະ ພາກພື້ນສຳຄັນ ຂອງການຮ່ວມກັນສ້າງ “ໜຶ່ງແລວ ໜຶ່ງເສັ້ນທາງ” ດ້ວຍຄຸນນະພາບສູງ. ພາຍໃຕ້ການຊີ້ນຳ ນຳພາດ້ານຍຸດທະສາດ ຂອງຜູ້ນຳສອງຝ່າຍ, ການຮ່ວມມື ທີ່ຕິດແທດຕົວຈິງໃນຂົງເຂດຕ່າງໆລະຫວ່າງ ສປ ຈີນ ກັບອາຊຽນ ໄດ້ກ້າວສູ່ລວງເລິກ ຢ່າງບໍ່ຢຸດຢັ້ງ.ງານວາງສະແດງ ສິນຄ້າຈີນ-ອາຊຽນ ແມ່ນເວທີສຳຄັນ ແຫ່ງການລົງເລິກການຮ່ວມມື ສປ ຈີນ-ອາຊຽນ ແລະ ການຊຸກຍູ້ໃຫ້ເສດຖະກິດ ໃນພາກພື້ນເຊື່ອມໂຍງເຂົ້າກັນ. ສປ ຈີນ ຍິນດີຮ່ວມມື ກັບປະເທດ ສະມາຊິກອາຊຽນ ເສີມຂະຫຍາຍບົດບາດ ຢ່າງເຕັມທີ່ໃນເວທີຂອງງານວາງສະແດງ ສິນຄ້າຈີນ-ອາຊຽນ, ຖືການສ້າງເຂດການຄ້າເສລີ ສະບັບ 3,0 ເປັນໂອກາດ, ເປີດກວ້າງການຄ້າແລະ ການລົງທຶນ ເຊິ່ງກັນ ແລະ ກັນ ຕື່ມອີກ, ເສີມຂະຫຍາຍ ກຳລັງບົ່ມຊ້ອນ ແຫ່ງການຮ່ວມມື ທີ່ຕິດແທດຕິວຈິງ ໃນຂົງເຂດຕ່າງໆ, ເຕົ້າໂຮມຄວາມຮັບຮູ້ ທີ່ເປັນເອກະພາບກັນ ກ່ຽວກັບ ການປົກປ້ອງ ລັດທິຫລາຍຝ່າຍ ແລະ ການຄ້າເສລີ,ບັນລຸຕ່າງຝ່າຍຕ່າງ ໄດ້ຮັບຜົນປະໂຫຍດ ທີ່ມີລະດັບ ສູງກວ່າເກົ່າ ແລະ ຊຸກຍູ້ການສ້າງປະຊາຄົມ ຮ່ວມຊາຕາກຳ ຈີນ-ອາຊຽນ ທີ່ແໜ້ນແຟ້ນກວ່າເກົ່າ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
