ຂປລ
ທ່ານ ໂດນັນ ທຣຳ, ປະທານາທິບໍດີ ສ.ອາເມລິກາ ໄດ້ເອີ້ນ ວັນທີ 2 ເມສາ ເປັນວັນປົດປ່ອຍ ເມື່ອ ສ.ອາເມລິກາ ຈະຈັດວາງພາສີໂຕ້ຕອບຄືນ ທຸກຄູ່ຮ່ວມມື ທາງດ້ານການຄ້າ ຂອງປະເທດນີ້.
ຂປລ.ວິທະຍຸ ກະຈາຍສຽງ ຫວຽດນາມ, ທ່ານ ໂດນັນ ທຣຳ, ປະທານາທິບໍດີ ສ.ອາເມລິກາ ໄດ້ເອີ້ນ ວັນທີ 2 ເມສາ ເປັນວັນປົດປ່ອຍ ເມື່ອ ສ.ອາເມລິກາ ຈະຈັດວາງພາສີໂຕ້ຕອບຄືນ ທຸກຄູ່ຮ່ວມມື ທາງດ້ານການຄ້າ ຂອງປະເທດນີ້. ລາຍລະອຽດ ກ່ຽວກັບ ບັນດາ ອັດຕາພາສີນັ້ນ, ທ່ານ ໂດນັນ ທຣຳ ປະກາດ ວັນນີ້ ບັນດາອັດຕາພາສີໂຕ້ຕອບຂອງ ສ.ອາເມລິກາ ຈະມີຜົນສັກສິດ ພາຍຫລັງ ໂດນັນ ທຣຳ ປະກາດໃນທັນທີ, ໃນຂະນະນັ້ນ, ອັດຕາພາສີ 25% ສຳລັບລົດ ນຳເຂົ້າ ຈະມີຜົນສັກສິດ ນັບແຕ່ວັນທີ 3 ເມສາ ເປັນຕົ້ນໄປ.ສຳລັບ “ວັນທີ 2 ເມສາ ປີ 2025 ຈະແມ່ນໜຶ່ງ ໃນບັນດາວັນສຳຄັນ ທີ່ສຸດໃນປະຫວັດສາດ ຍຸກທັນສະໄໝ ອາເມລິກາ. ສ.ອາເມລິກາ ແມ່ນໜຶ່ງໃນບັນດາ ພື້ນຖານ ເສດຖະກິດ ເປີດທີ່ສຸດໃນໂລກ ແລະ ມີພື້ນຖານ ບໍລິໂພກ ອຸປະໂພກ ດີທີ່ສຸດ ໃນຂະນະ ທີ່ມີຫລາຍປະເທດ ຕ້ອງປິດປະຕູ ສຳລັບການສົ່ງອອກຂອງ ສ.ອາເມລິກາ. ສິ່ງດັ່ງກ່າວ ແມ່ນບໍ່ມີຄວາມຍຸຕິທຳ ແລະ ພາໄປເຖິງສະພາວະຂາດດຸນ ປະຈຳປີ ຖືກແກ່ຍາວ ສົ່ງຜົນກະທົບຕໍ່ ບັນດາຂະແໜງ ອຸດສາຫະກຳ ແລະ ກຳລັງແຮງງານ ອາເມລິກາ. ໂດຍຂໍ້ຕົກລົງຂອງ ທ່ານ ໂດນັນ ທຣຳ ຈະປົວແປງ ລັກສະນະ ແກ້ງແຍ້ງຂອງ ສ.ອາເມລິກາ ໃນທຸກຂະແໜງ ອຸດສາຫະກຳ, ຫລຸດຜ່ອນ ການຂາດດຸນ ການຄ້າ ແລະ ປົກປັກຮັກສາ ຄວາມໝັ້ນຄົງ ດ້ານເສດຖະກິດ ແລະ ຂອງປະເທດຊາດ ອາເມລິກາ”./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
