ຂປລ
ບໍລິສັດ ພະລັງງານ ຂອງແຟງລັງ ເຮເລນ ປິດໂຮງໄຟຟ້າ ຖ່ານຫີນ ແຫ່ງສຸດທ້າຍ ຂອງປະເທດແລ້ວ ຖືເປັນ ການເລີ່ມຕົ້ນ ຍຸກສິ້ນສຸດ ຖ່ານຫີນຢ່າງເປັນທາງການ. ໂຮງໄຟຟ້າ ຊັລມິຊາອາຣີ ຊຶ່ງຕັ້ງຢູ່ໃນກາງ ນະຄອນຫລວງ ແຮນຊິງກິ້
ຂປລ.ສຳນັກຂ່າວ ເອເອຟພີ,ວັນທີ2ເມສານີ້, ບໍລິສັດ ພະລັງງານ ຂອງແຟງລັງ ເຮເລນ ປິດໂຮງໄຟຟ້າ ຖ່ານຫີນ ແຫ່ງສຸດທ້າຍ ຂອງປະເທດແລ້ວ ຖືເປັນ ການເລີ່ມຕົ້ນ ຍຸກສິ້ນສຸດ ຖ່ານຫີນຢ່າງເປັນທາງການ. ໂຮງໄຟຟ້າ ຊັລມິຊາອາຣີ ຊຶ່ງຕັ້ງຢູ່ໃນກາງ ນະຄອນຫລວງ ແຮນຊິງກິ້ ຜະລິດ ຄວາມຮ້ອນ ແລະ ໄຟຟ້າ ສຳລັບ ເມືອງຫລວງ ຂອງປະເທດ ແຕ່ການປ່ອຍອາຍແກັສ ຄາບອນ ໄດອອກໄຊ ປະລິມານຫລາຍ ກໍ່ໃຫ້ເກີດ ການປ່ຽນແປງ ສະພາບ ອາກາດ ທີ່ຮ້າຍແຮງ ຫລັງຈາກ ໂຮງໄຟຟ້າປິດໂຕລົງ ປະລິມານ ການປ່ອຍ ອາຍແກັສ ຄາບອນໄດອອກໄຊ ຫລຸດລົງ ປະມານ 50% ເມື່ອທຽບໃສ່ປີ2024.ຂະນະທີ່ ອັດຕາ ການປ່ອຍຄາບອນ ໄດອອກໄຊ ຂອງນະຄອນຫລວງ ແຮນຊິງກິ້ ຈະຫລຸດລົງ30% ແລະ ອັດຕາໂດຍລວມ ຂອງປະເທດ ຈະຫລຸດລົງ ເກືອບ2%.ການປ່ອຍ ມົນລະພິດຂອງບໍລິສັດ ໃນປີນີ້ ຈະເທົ່າກັບ 20% ຂອງການປ່ອຍມັນລະພິດ ທັງໝົດ ເມື່ອປີ1990 ແຕ່ຢ່າງໃດກໍ່ຕາມ ຍັງມີການສຳຮອງຖ່ານຫີນໄວ້ ໃນສາງ ເພື່ອນຳມາໃຊ້ ຫາກມີຄວາມຈຳເປັນ ໃນຕໍ່ໜ້າ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
