ປະເທດ ຍີ່ປຸ່ນ

04/03/2025 13:26

Email Print 3097

ຂປລ ມີນະຄອນຫລວງຊື່ວ່າ: ໂຕກຽວ(Tokyo)ແລະ ປະເທດ ສປປລາວໄດ້ສ້າງຕັ້ງສາຍພົວພັນທາງການທູດ ຮ່ວມກັນ ນັບແຕ່ວັນທີ 5.3.1955 ເປັນຕົ້ນມາ ຈາກນັ້ນ ທັງສອງປະເທດ ໄດ້ຮ່ວມກັນພັດທະນາ ເສີມສ້າງສາຍພົວພັນ ການຮ່ວມມືໃຫ້ນັບມື້ ແໜ້ນແຟ້ນຂຶ້ນ.

ປະເທດ ຍີ່ປຸ່ນ(Japan) ຫລືມີຊື່ ທາງການຄື ປະເທດ ຍີ່ປຸ່ນ, ມີນະຄອນຫລວງຊື່ວ່າ: ໂຕກຽວ(Tokyo)ແລະ ປະເທດ ສປປລາວໄດ້ສ້າງຕັ້ງສາຍພົວພັນທາງການທູດ ຮ່ວມກັນ ນັບແຕ່ວັນທີ 5.3.1955 ເປັນຕົ້ນມາ ຈາກນັ້ນ ທັງສອງປະເທດ ໄດ້ຮ່ວມກັນພັດທະນາ ເສີມສ້າງສາຍພົວພັນ ການຮ່ວມມືໃຫ້ນັບມື້ ແໜ້ນແຟ້ນຂຶ້ນ. ນອກນີ້ສອງປະເທດ ຍັງເພີ່ມທະວີ ສາຍພົວພັນ ການຮ່ວມມືດ້ານການຄ້າ ແລະ ອຸດສາຫະກຳ ເພື່ອຊຸກຍູ້ສົ່ງເສີມ ການລົງທຶນ ແລະ ການທ່ອງທ່ຽວ ຂອງສອງປະເທດ ກໍ່ຄືສ້າງໂອກາດ ອັນດີງາມໃຫ້ແກ່ນັກທຸລະກິດ ໂດຍສະເພາະ ນັກທຸ ລະກິດ ຂະໜາດກາງ ແລະ ຂະໜາດນ້ອຍ.

ຍີ່ປຸ່ນ ເປັນປະເທດໝູ່ເກາະໃນພາກພື້ນ ອາຊີຕາເວັນອອກ ຕັ້ງຢູ່ໃນມະຫາສະໝຸດ ປາຊີຟິກ, ທາງທິດຕາເວັນຕົກຕິດກັບ ແຫລມມະຫາສະໝຸດ ເກົາຫລີ ແລະ ຈີນ, ໂດຍມີ ທະເລ ຍີ່ປຸ່ນກັ້ນ, ສ່ວນທິດເໜືອຕິດກັບ ຣັດເຊຍ. ມີເນື້ອທີ່ 377.930 ກວ່າກິໂລຕາແມັດ, ກວມເອົາປະຊາກອນປະມານ 124,34 ລ້ານຄົນ(ໃນປີ 2023); ປະຊາຊົນ ສ່ວນໃຫຍ່ນັບຖື ສາສະໜາພຸດ ແລະ ສາສະໜາ ຊິນໂຕ, ກວມເອົາ 84%; ໃຊ້ພາສາ ຍີ່ປຸ່ນ ເປັນທາງການ; ຫົວໜ່ວຍສະກຸນເງິນເຢນ. ສ່ວນວັນຊາດແມ່ນວັນທີ 11 ກຸມພາ.

ປັດຈຸບັນ, ເສດຖະກິດ ຍີ່ປຸ່ນ ຈັດເປັນອັນດັບ 3 ຂອງ ໂລກຖັດຈາກ ສ.ອາເມລິກາ ແລະ ຈີນ ແລະ ອັນດັບ 2 ໃນກຸ່ມປະເທດພັດທະນາ.ຍີ່ປຸ່ນ ມີກຳລັງການຜະລິດສູງ ແລະ ເປັນປະເທດຕົ້ນກຳເນີດດ້ານເຕັກໂນໂລຊີໃນອຸດ ສາຫະກຳຕ່າງໆເຊັ່ນ ລົດໃຫຍ່, ອຸປະກອນ ເອເລັກໂຕນິກ, ເຄື່ອງຈັກ ແລະ ອື່ນໆ. ລວມຍອດຜະລິດ ຕະພັນພາຍໃນ(GDP) ບັນລຸ 4.230.000 ລ້ານໂດລາສະຫະລັດ(ໃນປີ 2023), ອັດຕາສະເລ່ຍຕໍ່ຫົວຄົນ 33.950 ໂດລາສະຫະລັດຕໍ່ປີ, ສ່ວນອັດຕາການຈະເລີນເຕີບໂຕ ທາງດ້ານເສດຖະກິດ 2% ຕໍ່ປີ. ສິນຄ້າທີ່ສົ່ງອອກເປັນຕົ້ນ ລົດໃຫຍ່, ອຸປະກອນ ແລະ ສ່ວນປະກອບ ອີເລັກໂຕຣນິກ, ຊິ້ນສ່ວນຍານພາຫະນະລົດ, ເຫລັກ ແລະ ເຫລັກກ້າ. ສ່ວນສິນຄ້າທີ່ນຳເຂົ້າເຊັ່ນ: ນໍ້າມັນດີບ, ແກັສທຳ ມະຊາດ , ເສື້ອຜ້າ ແລະ ເຄື່ອງນຸ່ງຫົ່ມ , ຢາ ແລະ ອຸປະກອນສື່ສານ. ປະເທດຄູ່ຮ່ວມມື ການຄ້າທີ່ສຳຄັນຄື: ສປຈີນ, ສ.ອາເມລິກາ, ສ.ເກົາຫລີ, ໄທ, ອົດສະຕຣາລີ ແລະ ອື່ນໆ ຕາມລຳດັບ. ນອກຈາກນີ້ ຍັງມີສະຖານທີ່ ທ່ອງທ່ຽວສວຍງາມ ຫລາຍແຫ່ງຄື: ນະຄອນຫລວງ ໂຕກຽວ ມີ: ພາຣາສະວັງອີມພິຣຽນ, ໂຕກຽວ ພາວເວີ ຫໍຄອຍຂະ ໜາດໃຫຍ່ທີ່ສວຍງາມທີ່ສຸດ, ວັດທະນາທຳ, ຮ້ານສັບພະສິນຄ້າ; ເມືອງໂອສະກ້າ ເປັນເມືອງໃຫຍ່ອັນດັບສອງຂອງປະເທດ ແລະ ອື່ນໆ./.

ໂດຍ: ດາວັນ

KPL

ອາຊຽນ ASEAN
ສປປ ລາວ ຮ່ວມສະເຫລີມສະຫລອງ ວັນສັງຄົມສົງເຄາະອາຊຽນ
3/27/2025 5:01:34 PM
ຂປລ. ສປປ ລາວ ໄດ້ຮ່ວມກັບບັນດາປະເທດສະມາຊິກອາຊຽນ ສະເຫລີມສະຫລອງວັນສັງຄົມສົງເຄາະອາຊຽນ (15 ມີນາ) ເພື່ອຍົກສູງບົດບາດອັນສໍາຄັນ ຂອງນັກສັງຄົມສົງເຄາະ ແລະ ບຸກຄະລາກອນສັງຄົມສົງເຄາະ ໃນການຫລຸດຜ່ອນຄວາມສ່ຽງ ຈາກໄພພິບັດ ແລະ ການສ້າງຄວາມທົນທານຕໍ່ ການປ່ຽນແປງສະພາບ ດິນຟ້າອາກາດ ໃນວັນທີ 25 ມີນາ 2025 ທີ່ນະຄອນຫລວງວຽງຈັນ ໂດຍມີພະນັກງານຈາກພາກລັດ, ສະຖາບັນການສຶກສາ, ຄູ່ຮ່ວມພັດທະນາ ແລະ ນັກສຶກສາທີ່ໜຸ່ມນ້ອຍ ຈາກພາກວິຊາສັງຄົມສົງເຄາະ ແລະ ການພັດທະນາ ຄະນະວິທະຍາສາດສັງຄົມ ເຂົ້າຮ່ວມ.
ອາຊຽນ ASEAN
ປະເທດ ບັງກລາເທດ
3/24/2025 6:23:08 PM
ເນື່ອງໃນໂອກາດ ວັນຊາດຂອງປະເທດ ບັງກລາເທດ(Bangladesh) ຫລື ຊື່ທາງການຄື ສາທາລະນະລັດປະຊາຊົນ ບັງກລາເທດ (People’s Republic Of Bangladesh) ໃນວັນທີ 24 ມີນາ, ຊຶ່ງເປັນ ປະເທດ ໃນອາຊີໃຕ້, ມີຊາຍແດນທິດເໜືອ, ທິດຕາເວັນຕົກ ແລະ ທິດຕາເວັນອອກ ຕິດກັບ ອິນເດຍ ສ່ວນທິດໃຕ້ຕິດກັບ ອ່າວເບງກອນ ແລະ ຕາເວັນອອກສ່ຽງໃຕ້ ຕິດກັບ ມຽນມາ.
ອາຊຽນ ASEAN
ປະເທດ ແອັດສະປາຍ
3/20/2025 12:40:06 PM
ປະເທດ ແອັດສະປາຍ(Spain) ຫລື ຊື່ທາງການຄື ລາຊະອານາຈັກ ແອັດສະປາຍ(Kingdom of Spain), ນະຄອນຫລວງ ຊື່ວ່າ ມາດຣິດ (Madrid). ແອັດສະປາຍ ເປັນປະເທດໜຶ່ງ ຕັ້ງຢູ່ທິດຕາເວັນຕົກສ່ຽງໃຕ້ ຂອງທະວີບ ເອີຣົບ, ຢູ່ເທິງແຫລມມະຫາສະໝຸດ ໄອບີເຣຍ ຮ່ວມກັບ ປອກຕຸຍການ ແລະ ອັງໂດຣາ, ມີຊາຍແດນ ຕິດກັບ ຝຣັ່ງ ທາງທິດຕາເວັນອອກ ສ່ຽງເໜືອລຽບຕາມພູ ພິເຣນີສ.
ອາຊຽນ ASEAN
ຫາລືການນຳໃຊ້ປັນຍາປະດິດ ເຂົ້າໃນວຽກງານລັດທະສະພາ
3/12/2025 2:45:54 PM
ຂປລ. ກອງປະຊຸມກໍາມາທິການວຽກງານສະມາຊິກລັດຖະສະພາ ຂອງສະມັດຊາລັດຖະສະພາ ຝຣັ່ງໂກໂຟນີ (APF) ຈັດຂຶ້ຍລະຫວ່າງວັນທີ 12-14 ມີນາ 2025 ຢູ່ນະຄອນຫລວງວຽງຈັນ ພາຍໃຕ້ການເປັນປະທານຮ່ວມ ລະຫວ່າງ ສະພາແຫ່ງຊາດ ແຫ່ງ ສປປ ລາວ ແລະ ສະມັດຊາລັດຖະສະພາ ຝຣັ່ງໂກໂຟນີ (APF) ເຊິ່ງມີຄະນະຜູ້ແທນລັດຖະສະພາ 11 ປະເທດ ແລະ ເຂດແຄວ້ນ, ກອງເລຂາ APF ແລະ ສູນລັດຖະສະພາອາຊີ (PCAsia) ເຂົ້າຮ່ວມ.
ອາຊຽນ ASEAN
ບຣູໄນ ເລີ່ມຍົກເວັ້ນວີຊາຕໍ່ພົນລະເມືອງຈີນ
3/8/2025 10:48:45 PM
ນັບແຕ່ ວັນທີ 8 ມີນານີ້ ເປັນຕົ້ນໄປ, ລັດຖະບານ ບຣູໄນ ຈະເລີ່ມດໍາເນີນ ນະໂຍບາຍ ການເຂົ້າເມືອງ ໂດຍຍົກເວັ້ນວີຊາ ສໍາລັບ ພົນລະເມືອງຈີນ ທີ່ມີໜັງສື ຜ່ານແດນ ທໍາມະດາ ຢ່າງເປັນທາງການ.