ຂປລ
ລັດຖະບານ ອິນເດຍ ແລະ ສປຈີນ ໄດ້ບັນລຸ ຂໍ້ຕົກລົງ ກ່ຽວກັບ ຫລັກການທົ່ວໄປ ທີ່ຈະໃຫ້ບໍລິການຖ້ຽວບິນ ໂດຍກົງ ລະຫວ່າງ ສອງປະເທດ ອີກຄັ້ງ, ຫລັງຈາກ ຢຸດຕິ ມາເປັນເວລາ ເກືອບ 5 ປີ
ຂປລ. ສຳນັກຂ່າວ ເອເອຟພີ ລາຍງານ ຈາກ ນະຄອນຫລວງ ນີວແດນລີ ປະເທດ ອິນເດຍ ເມື່ອວັນທີ 28 ມັງກອນ 2025, ລັດຖະບານ ອິນເດຍ ແລະ ສປຈີນ ໄດ້ບັນລຸ ຂໍ້ຕົກລົງ ກ່ຽວກັບ ຫລັກການທົ່ວໄປ ທີ່ຈະໃຫ້ບໍລິການຖ້ຽວບິນ ໂດຍກົງ ລະຫວ່າງ ສອງປະເທດ ອີກຄັ້ງ, ຫລັງຈາກ ຢຸດຕິ ມາເປັນເວລາ ເກືອບ 5 ປີ ເນື່ອງຈາກການແພ່ລະບາດ ຂອງ ພະຍາດໂຄວິດ-19 ແລະ ຄວາມເຄັ່ງຕຶງ ທາງດ້ານການເມືອງ.
ການປະກາດ ດັ່ງກ່າວ ມີຂຶ້ນ ຫລັງຈາກ ການຢ້ຽມຢາມ ນະຄອນຫລວງປັກກິງ ຂອງ ທ່ານ ວິກຳ ມີສີຣີ ຫົວໜ້າ ກະຊວງ ການຕ່າງປະເທດ ອິນເດຍ. ນີ້ຖືເປັນ ສັນຍາຫລັກ ຫລ້າສຸດ ໄດ້ສະແດງໃຫ້ ເຫັນວ່າ ຄວາມສຳພັນລະຫວ່າງ ອິນເດຍ ກັບ ສປຈີນ ເລີ່ມມີທ່າອຽງດີຂຶ້ນ. ໃນຂະນະດຽວກັນ ກະຊວງ ການຕ່າງປະເທດ ອິນເດຍ ລະບຸໃນຖະແຫລງການວ່າ ການເດີນທາງຢ້ຽມຢາມ ນະຄອນ ຫລວງປັກກິງ ຂອງ ທ່ານ ທ່ານ ວິກຳ ມີສີຣີ ມິຄຣິ ເຮັດໃຫ້ເກີດການບັນລຸ ຂໍ້ຕົກລົງ ໃນຫລັກການ ທົ່ວໄປ. ດັ່ງນັ້ນ ໜ່ວຍງານ ດ້ານເຕັກນິກ ທີ່ກ່ຽວຂ້ອງ ຂອງ ທັງສອງຝ່າຍ ຈະພົບປະເຈລະຈາ ກອບການ ເຮັດວຽກ ເພື່ອປັບປຸງໃໝ່ ກ່ຽວກັບ ເປົ້າໝາຍເບື້ອງຕົ້ນ ໃນໄວໆນີ້./
KPL
