ຂປລ
ລັດຖະບານ ເຊັນຂ້ໍຕົກລົງຮັບຮອງ ແລະ ປະກາດໃຊ້ແຜນແມ່ບົດພັດທະນາ ແລະ ຄຸ້ມຄອງເຂດການທ່ອງທ່ຽວລະດັບຊາດ ເມືອງວັງວຽງ ແລະ ບໍລິເວນອ້ອມຮອບ ສຳລັບປີ 2025 – 2035.
*ລັດຖະບານ ເຊັນຂ້ໍຕົກລົງຮັບຮອງ ແລະ ປະກາດໃຊ້ແຜນແມ່ບົດພັດທະນາ ແລະ ຄຸ້ມຄອງເຂດການທ່ອງທ່ຽວລະດັບຊາດ ເມືອງວັງວຽງ ແລະ ບໍລິເວນອ້ອມຮອບ ສຳລັບປີ 2025 – 2035. ການສ້າງແຜນແມ່ບົດສະບັບດັ່ງກ່າວແມ່ນເປັນການປະສານສົມທົບກັນ ລະຫວ່າງ ກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວ, ກະຊວງໂຍທາທິການ ແລະ ຂົນສົ່ງ, ກະຊວງຊັບພະຍາກອນທຳມະຊາດ ແລະ ສິ່ງແວດລ້ອມສົມທົບກັບອົງການປົກຄອງແຂວງວຽງຈັນ, ອົງການປົກຄອງເມືອງວັງວຽງ, ບໍລິສັດ Hansen partnership ແລະ ບໍລິສັດ Archineer.
ຈຸດປະສົງຂອງການສ້າງແຜນ ແມ່ບົດແມ່ນເພື່ອເປັນບ່ອນອີງໃຫ້ແກ່ພາກລັດ, ພາກທຸລະກິດ ແລະ ພາກສ່ວນກ່ຽວຂ້ອງຕ່າງໆ ໃນການພັດທະນາເພື່ອບໍ່ໃຫ້ສົ່ງຜົນກະທົບຕໍ່ສະພາບແວດລ້ອມຂອງ ເມືອງທ່ອງທ່ຽວ ແລະ ຮັບປະກັນຄວາມຍືນຍົງ. ແຜນແມ່ບົດສະບັບນີ້, ໄດ້ກວມເອົາເນ້ືອທ່ີທັງໝົດ 23.456 ເຮັກຕາປະກອບດ້ວຍຕົວເມືອງວັງວຽງ ແລະ ພູມສັນຖານບໍລິເວນອ້ອມຮອບລຽບຕາມຮ່ອມພູ ແລະ ເຂດລ່ອງສາຍນ້ຳຊອງ. ໃນນ້ີ, ພ້ືນທ່ີຂອບເຂດໃຈກາງຕົວເມືອງ ແລະ ບໍລິເວນອ້ອມຮອບມີເນື້ອທີ່ທັງໝົດ 6.553 ເຮັກຕາ, ກວມເອົາ 15 ບ້ານ ແລະ ພື້ນທີ່ ໃຈກາງຕົວເມືອງ ກວມເອົາເນື້ອທີ່ປະມານ 185 ເຮັກຕາ.
ແຫລ່ງຂ່າວ:ແຫລ່ງຂ່າວ:
ກົມພັດທະນາການທ່ອງທ່ຽວກົມພັດທະນາການທ່ອງທ່ຽວ
KPL
