ຂປລ
ອິນໂດເນເຊຍ ໄດ້ກາຍເປັນ ປະເທດ ສະມາຊິກ ຂອງກຸ່ມ ບຣິກສ ຢ່າງເປັນທາງການ.
ຂປລ.ວິທະຍຸ ສາກົນ ແຫ່ງ ສປ ຈີນ, ເມື່ອບໍ່ດົນມານີ້, ກະຊວງ ການຕ່າງປະເທດ ອິນໂດເນເຊຍ ອອກຖະແຫລງການ ໂດຍລະບຸວ່າ: ອິນໂດເນເຊຍ ໄດ້ກາຍເປັນ ປະເທດ ສະມາຊິກ ຂອງກຸ່ມ ບຣິກສ ຢ່າງເປັນທາງການ. ນີ້ສະແດງ ໃຫ້ເຫັນວ່າ: ອິນໂດເນເຊຍ ມີຖານະບົດບາດ ຕັ້ງໜ້າ ນັບມື້ ນັບຫລາຍຂຶ້ນ ໃນວຽກງານສາກົນ ແລະ ຈະສຸມກຳລັງ ເຂົ້າໃນການເພີ່ມທະວີ ການຮ່ວມມື ຫລາຍຝ່າຍ, ສ້າງລະບຽບໂລກ ທີ່ກວມລວມ ກວ່າເກົ່າ ແລະ ຍຸຕິທຳກວ່າເກົ່າ. ຖະແຫລງການ ລະບຸຕື່ມວ່າ: ອິນໂດເນເຊຍ ຈະເພີ່ມທະວີ ການຮ່ວມມືກັບ ກຸ່ມເສດຖະກິດ ຈະເລີນໃໝ່ອື່ນໆ, ປະຕິບັດ ຕາມຫລັກການ ທີ່ສະເໝີພາບ, ເຄົາລົບນັບຖື ເຊິ່ງກັນ ແລະ ກັນ ພ້ອມທັງ ພັດທະນາ ແບບຍືນຍົງ, ສ້າງໂລກ ທີ່ຍຸຕິທຳ, ສັນຕິພາບ ແລະ ຈະເລີນຮຸ່ງເຮືອງ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
