ຂປລ
ການສົ່ງອອກ-ນຳເຂົ້າ ແມ່ນຂີດ ໝາຍອັນພົ້ນເດັ່ນ ແລະ ແມ່ນໜຶ່ງ ໃນບັນດາ ກຳລັງໜູນ ຕົ້ນຕໍ ຂອງການເຕີບ ໂຕ ເສດຖະກິດ ດ້ວຍຍອດວົງເງິນ ໝົດປີ2024 ບັນລຸເກືອບ 800 ຕື້ໂດລາສະຫະລັດ, ເພີ່ມຂຶ້ນ 15,4% ເມື່ອທຽບໃສ່ ປີ2023. ພິເສດ, ການສົ່ງອອກ ບັນລຸກວ່າ 405 ຕື້ໂດລາສະຫະລັດ
ຂປລ.ວິທະຍຸ ກະຈາຍສຽງ ຫວຽດນາມ,ເມື່ອບໍ່ດົນມານີ້, ກະຊວງ ອຸດສາຫະກຳ ແລະ ການຄ້າ ຫວຽດນາມ ໄດ້ຈັດກອງປະຊຸມ ຖະແຫລງຂ່າວ ນັດສາມັນປະຈຳ ໄຕມາດ IV 2024. ໂດຍລະບຸວ່າ: ການສົ່ງອອກ-ນຳເຂົ້າ ແມ່ນຂີດ ໝາຍອັນພົ້ນເດັ່ນ ແລະ ແມ່ນໜຶ່ງ ໃນບັນດາ ກຳລັງໜູນ ຕົ້ນຕໍ ຂອງການເຕີບໂຕ ເສດຖະກິດ ດ້ວຍຍອດວົງເງິນ ໝົດປີ2024 ບັນລຸເກືອບ 800 ຕື້ໂດລາສະຫະລັດ, ເພີ່ມຂຶ້ນ 15,4% ເມື່ອທຽບໃສ່ ປີ2023. ພິເສດ, ການສົ່ງອອກ ບັນລຸກວ່າ 405 ຕື້ໂດລາສະຫະລັດ; ວົງເງິນສົ່ງອອກ ໄປຍັງ ບັນດາຕະຫລາດ, ຄູ່ຮ່ວມມື ການຄ້າໃຫຍ່ຂອງ ສສ ຫວຽດນາມ ລ້ວນແຕ່ ໄດ້ຮັບການຟື້ນຕົວ ຢ່າງຕັ້ງໜ້າ ແລະ ບັນລຸ ລະດັບເຕີບໂຕສູງ.ໃນກອງປະຊຸມ ຖະແຫລງຂ່າວ, ກ່ຽວຂ້ອງ ເຖິງການສະເໜີ ດັດປັບ ລາຄາໄຟຟ້າ, ທ່ານ ຫງວຽນເຖຫືວ, ຮອງຫົວໜ້າກົມ ດັດປັບພະລັງງານໄຟຟ້າ, ກະຊວງອຸດສາຫະກຳ ແລະ ການຄ້າ ຫວຽດນາມ ໃຫ້ຮູ້ວ່າ: ປັດຈຸບັນ, ກະຊວງ ອຸດສາຫະກຳ ແລະ ການຄ້າ ພວມມອບໃຫ້ ກົມດັດປັບ ພະລັງງານ ໄຟຟ້າ ສ້າງດຳລັດ ວ່າດ້ວຍ ກົນໄກດັດປັບ ລາຄາຂາຍຍ່ອຍ ກໍຄື ກຳນົດເວລາດັດປັບ. ດຳລັດດັ່ງກ່າວແມ່ນ ໜຶ່ງໃນບັນດາ ດຳລັດໃໝ່ ທີ່ຈະໄດ້ຮັບ ການປະກາດໃຊ້ ພ້ອມກັບ ຈຸດເວລາ ທີ່ກົດໝາຍ ວ່າດ້ວຍ ພະລັງງານ ໄຟຟ້າ ສະບັບ ປັບປຸງ ທີ່ສະພາແຫ່ງຊາດ ຫາກໍ່ ຮັບຮອງເອົາ ມີຜົນສັກສິດ ນັບແຕ່ ວັນທີ 1 ກຸມພາ 2025. ສຳລັບ ປີ 2025, ຂະແໜງ ອຸດສາຫະກຳ ແລະ ການຄ້າ ເປັນເຈົ້າການ ສຳຫລວດ ກວດຄືນ ແລະ ສະເໜີ ຍົກລະດັບ ບັນດາ ຄາດໝາຍ ການເຕີບໂຕ ໃນຂົງເຂດ ອຸດສາຫະກຳ ແລະ ການຄ້າ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
