ຂປລ
ຂປລ. ພິທີເຊັນບົດບັນທຶກຄວາມເຂົ້າໃຈ ເພື່ອສຶກສາຄວາມເປັນໄປໄດ້ ໃນການຮ່ວມມືດ້ານວິຊາການ ກ່ຽວ ກັບການກວດກາ, ກັກກັນ, ວິໄຈ ແລະ ຢັ້ງຢືນຄຸນນະພາບຂອງຜະລິດຕະພັນພືດ ແລະ ສັດ ລະຫວ່າງ ກະຊວງກະສິກຳ ແລະ ປ່າໄມ້ ຕາງໜ້າໂດຍກົມແຜນການ ແລະ ການຮ່ວມມື ແລະ ບໍລິສັດກວດກາ ກັກກັນ ແລະ ວິໄຈພະຍາດສັດ ຈຳກັດ ແລະ ບໍລິສັດເພັດດາລາ ກະສິກຳການຄ້າ ແລະ ບໍລິການ ຈຳກັດຜູ້ດຽວ ຈັດຂຶ້ນໃນວັນທີ 27 ທັນວາ 2024 ຜ່ານມາ
ຂປລ. ພິທີເຊັນບົດບັນທຶກຄວາມເຂົ້າໃຈ ເພື່ອສຶກສາຄວາມເປັນໄປໄດ້ ໃນການຮ່ວມມືດ້ານວິຊາການ ກ່ຽວ ກັບການກວດກາ, ກັກກັນ, ວິໄຈ ແລະ ຢັ້ງຢືນຄຸນນະພາບຂອງຜະລິດຕະພັນພືດ ແລະ ສັດ ລະຫວ່າງ ກະຊວງກະສິກຳ ແລະ ປ່າໄມ້ ຕາງໜ້າໂດຍກົມແຜນການ ແລະ ການຮ່ວມມື ແລະ ບໍລິສັດກວດກາ ກັກກັນ ແລະ ວິໄຈພະຍາດສັດ ຈຳກັດ ແລະ ບໍລິສັດເພັດດາລາ ກະສິກຳການຄ້າ ແລະ ບໍລິການ ຈຳກັດຜູ້ດຽວ ຈັດຂຶ້ນໃນວັນທີ 27 ທັນວາ 2024 ຜ່ານມາ, ຢູ່ນະຄອນຫລວງວຽງຈັນ ໂດຍມີ ທ່ານ ນາງ ຈັນທະຄອນ ບົວລະພັນ ຮອງລັດຖະມົນ ຕີກະຊວງກະສິກຳ ແລະ ປ່າໄມ້, ບັນດາຫົວໜ້າກົມ, ຮອງກົມ, ຫ້ອງການ ແລະ ຂະແໜງການກະຊວງທີ່ ກ່ຽວຂ້ອງເຂົ້າຮ່ວມ.
ຕາງໜ້າກະຊວງກະສິກຳ ແລະ ປ່າໄມ້ຮ່ວມລົງນາມ ມີ ທ່ານ ບຸນເດດ ສຸດທະວິໄລ ຫົວໜ້າກົມແຜນການ ແລະ ການຮ່ວມມື, ທ່ານ ກາວີພອນ ພຸດທະວົງ ຫົວໜ້າກົມລ້ຽງສັດ ແລະ ການປະມົງ ແລະ ທ່ານ ວັນທ່ຽງ ພົມມະສຸລິນ ຮອງຫົວໜ້າກົມປູກຝັງ ແລະ ຕາງໜ້າບໍລິສັດ ມີ ທ່ານ ໂກວ ຊຽວຈຸນ ປະທານບໍລິສັດກວດກາ ກັກກັນ ແລະ ວິໄຈພະຍາດສັດ ຈຳກັດ, ທ່ານ ນາງ ເມັດຄຳ ລໍເບຣຍຢາວ ປະທານບໍລິສັດເພັດດາລາ ກະສິກຳການ ຄ້າ ແລະ ບໍລິການ ຈຳກັດຜູ້ດຽວ, ທ່ານ ພານ ລົງຊີ ຮອງປະທານບໍລິສັດ ເພັດດາລາກະສິກຳການຄ້າ ແລະ ບໍລິການ ຈຳກັດຜູ້ດຽວ. ທັງນີ້, ກໍເພື່ອຮ່ວມມືທາງດ້ານວິຊາການ, ເພື່ອສຶກສາ ຄວາມເປັນໄປໄດ້ໃນການຮ່ວມມື ກ່ຽວກັບການ ກວດກາ, ກັກກັນ, ວິໄຈ ແລະ ຢັ້ງຢືນພະຍາດ, ສານຕົກຄ້າງໃນພືດ, ຜະລິດຕະພັນພືດ, ຜະລິດຕະພັນສັດ ແລະ ສັດນໍ້າໃນ ສປປ ລາວ, ຮ່ວມກັນສ້າງລະບົບກວດກາ, ກັກກັນ, ວິໄຈ ແລະ ຢັ້ງຢືນຄຸນນະພາບໃນຜະລິດຕະພັນພືດ ແລະ ສັດ.
ພາຍຫລັງທີ່ສອງຝ່າຍ ໄດ້ເຊັນບົດບັນທຶກກັນແລ້ວ, ໜ້າວຽກ ທີ່ຈະເຮັດດຳເນີນສຶກສາຄວາມເປັນໄປໄດ້ໃນ ການລົງສຳຫລວດກວດກາພື້ນທີ່ໂຄງການ ເປັນຕົ້ນ ແມ່ນສະຖານທີ່ສຳລັບຫ້ອງວິໄຈ ແລະ ປັບປຸງພື້ນຖານໂຄງລ່າງ, ສ່ວນສະຖານທີ່ລົງສຳຫລວດ ແລະ ດຳເນີນການຈັດຕັ້ງປະຕິບັດ ໃນເບື້ອງຕົ້ນ ແມ່ນຢູ່ດ່ານສາກົນບໍ່ເຕ່ນ, ແຂວງ ຫລວງນໍ້າທາ ແລະ ທີ່ຕັ້ງສຳນັກງານຫ້ອງການປະສານງານ ຢູ່ນະຄອນຫລວງພະບາງ ແຂວງຫລວງພະບາງ, ແລກ ປ່ຽນບົດຮຽນກັບຕ່າງປະເທດ (ສປ ຈີນ) ແລະ ການຈັດສຳມະນາຕ່າງໆ, ທົດສອບ ແລະ ພັດທະນາລະບົບການຈັດ ການ ເອກະສານຢັ້ງຢືນໃຫ້ສະດວກວ່ອງໄວ ແລະ ອື່ນໆ.
KPL
