ຂປລ
ຂປລ. ກອງພັນນັກຮຽນທີ 1 ໂຮງຮຽນວັດທະນະທຳຊົນເຜົ່າກອງທັບ (ຮວຜທ) ສະຫລຸບວຽກງານຮອບດ້ານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2024 ໃນ ວັນທີ 12 ກັນຍາ 2024 ໂດຍການເປັນປະທານຂອງ ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ໂຮງຮຽນວັດທະນະທຳຊົນເຜົ່າກອງທັບ, ມີຄະນະຫ້ອງ 4 ຫ້ອງ, 2 ກອງພັນ, ກອງ ຮ້ອຍ ແລະ ນ້ອງນັກຮຽນທົ່ວກອງພັນທີ 1 ເຂົ້າຮ່ວມ.
ຂປລ. ກອງພັນນັກຮຽນທີ 1 ໂຮງຮຽນວັດທະນະທຳຊົນເຜົ່າກອງທັບ (ຮວຜທ) ສະຫລຸບວຽກງານຮອບດ້ານ 6 ເດືອນຕົ້ນປີ ແລະ ທິດທາງແຜນການ 6 ເດືອນທ້າຍປີ 2024 ໃນ ວັນທີ 12 ກັນຍາ 2024 ໂດຍການເປັນປະທານຂອງ ສະຫາຍ ພັນເອກ ເພັດສະໝອນ ວິລະວອນ ຫົວໜ້າການທະຫານ ໂຮງຮຽນວັດທະນະທຳຊົນເຜົ່າກອງທັບ, ມີຄະນະຫ້ອງ 4 ຫ້ອງ, 2 ກອງພັນ, ກອງ ຮ້ອຍ ແລະ ນ້ອງນັກຮຽນທົ່ວກອງພັນທີ 1 ເຂົ້າຮ່ວມ.
ສະຫາຍ ພັນໂທ ແສນ ດວງມີໄຊ ຫົວໜ້າການທະຫານ ກອງພັນນັກຮຽນທີ 1 ໄດ້ສະຫລຸບຄືນວຽກງານການເຄື່ອນໄຫວໃນໄລຍະຜ່ານມາ ໂດຍຍົກໃຫ້ເຫັນຫລາຍດ້ານທີ່ພົ້ນເດັ່ນ ໃນການຄຸ້ມຄອງ ນຳພາ-ຊີ້ນຳ, ສຶກສາອົບຮົມ ແລະ ນຳພານັກຮຽນປະຕິບັດ ບັນດາຂໍ້ກຳນົດກົດລະບຽບ 7 ລະບອບ 18 ວຽກຂອງກອງທັບ ກໍຄື ໂຮງຮຽນວາງອອກໄດ້ຢ່າງເຂັ້ມງວດ, ເອົາໃຈໃສ່ສຶກສາອົບຮົມ ການເມືອງນຳພາແນວຄິດ ຖືເປັນສຳຄັນສອດຫ້ອຍເຂົ້າໃນທຸກຂົງເຂດ ວຽກງານຂອງກົມກອງ, ຕິດ ຕາມການເຄື່ອນໄຫວ ຂອງນັກຮຽນເວລາຂຶ້ນຫ້ອງ, ລົງຫ້ອງ. ຈາກນີ້, ຍັງໄດ້ເອົາໃຈໃສ່ປ້ອງກັນເວນ ຍາມຂອບເຂດຮັບຜິດຊອບ ມີຄວາມສະຫງົບປອດໄພ 100%, ພ້ອມທັງປຸກລະດົມໃຫ້ພະນັກງານ-ນັກຮົບເອົາໃຈໃສ່ຢ່າງຕັ້ງໜ້າ ໃນການອອກແຮງເພີ່ມພູນ ຜະລິດຜົນຕາມທິດ 4 ປູກ 4 ລ້ຽງຂອງກົມໃຫຍ່ພະລາທິການວາງອອກ ໄດ້ຢ່າງເຂັ້ມງວດ. ໃນນີ້, ນັກຮຽນ ປູກຜັກຊະນິດຕ່າງໆໄດ້ທັງໝົດ 170 ກິໂລກຣາມ, ເປັນເງິນ 680.000 ກີບ, ຄຽງຄູ່ກັນນີ້ ຍັງໄດ້ປະຕິບັດນະໂຍບາຍ ຕໍ່ພະນັກງານ-ນັກຮົບ ທີ່ເຈັບເປັນອື່ນໆ, ປັບປຸງບູລະນະກົມກອງໃຫ້ມີຄວາມຮັບປະກັນ, ສະອາດຈົບງາມ ແລະ ວຽກງານປີ່ນອ້ອມຂອງ ກົມກອງກໍມີຜົນສຳເລັດສູງ.
ພ້ອມນີ້, ກອງປະຊຸມ ຍັງໄດ້ພ້ອມກັນປະກອບຄຳຄິດ-ຄຳເຫັນໃສ່ບົດສະຫລຸບ ແລະ ທິດທາງແຜນການໃນຕໍ່ໜ້າ ຢ່າງກົງໄປກົງມາ, ພ້ອມທັງ ມອບຂອງຂວັນໃຫ້ບຸກຄົນດີເດັ່ນທາງດ້ານການຮ່ຳຮຽນ ປະເພດ 1 ຈຳນວນ 8 ສະຫາຍ, ປະເພດ 2 ຈຳນວນ 14 ສະຫາຍ.
ໂອກາດນີ້, ສະຫາຍ ພັນເອກ ເພັດສະໝອນ ວິລະວອນ ໄດ້ສະແດງຄວາມຊົມເຊີຍຕໍ່ຜົນ ງານໃນໄລຍະຜ່ານມາ ແລະ ຍັງໄດ້ຮຽກຮ້ອງໃຫ້ຄະນະບັນຊາກອງພັນ, ກອງຮ້ອຍຕ້ອງໄດ້ເອົາໃຈໃສ່ໃກ້ຊິດຕິດແທດອ້າຍນ້ອງຂອງຕົນ ນຳພາ-ຊີ້ນຳເຄື່ອນໄຫວໜ້າທີ່ວຽກງານຢູ້ພາຍໃນກົມກອງ, ຊຸກຍູ້ນັກຮຽນໃຫ້ມີຄວາມກະຕືລືລົ້ນ, ຫ້າວຫັນໃນການສຶກສາຄົ້ນຄວ້າຮໍ່າຮຽນ, ມີຄວາມສາມັກຄີພາຍໃນໃຫ້ແໜ້ນແຟ້ນ, ເອົາໃຈໃສ່ໃນການປະຕິບັດ ຂໍ້ກຳນົດກົດລະບຽບ 7 ລະບອບ 18 ວຽກຂອງກອງ ທັບໃຫ້ມີຄວາມເຂັ້ມງວດເຂັ້ມແຂງ, ເອົາໃຈໃສ່ປະກອບສ່ວນ ຢ່າງຕັ້ງໜ້າເຂົ້າໃນຂະບວນການຕ່າງໆ ຂອງກົມກອງ ກໍຄື ຂອງໂຮງຮຽນຈັດຂຶ້ນ, ພ້ອມກັນຍົກສູງສະຕິຕໍ່ການຈັດຕັ້ງ, ຕ້ານສະກັດກັ້ນປະກົດການຫຍໍ້ທໍ້ຕ່າງໆ ໃຫ້ທັນກັບສະພາບການ, ພ້ອມກັນສ້າງກົມກອງໃຫ້ກາຍເປັນກົມກອງ 3 ປອດ ຄື: ປອດໃສ, ປອດໄພ, ປອດຄະດີ ແລະ ກົມກອງວັດທະນະທຳ-ນັກຮົບ ວັດທະນະທຳ.
ຂ່າວ: ໂອລິນ ມີ່ງມີໄຊ
KPL
