*ບ້ານລາດຄວາຍ ເມືອງໄຊທານີ ກໍ່ແມ່ນອີກບ້ານໜຶ່ງທີ່ມີດິນດອນຕອນຫຍ້າ ເໝາະສົມແກ່ການຜະລິດພືດຜັກຕ່າງໆເປັນສິນຄ້າ ແລະ ດ້ວຍຄວາມເອົາໃຈໃສ່ສົ່ງເສີມຂອງອຳນາດການປົກຄອງບວກໃສ່ ການຕື່ນຕົວຕໍ່ແນວທາງຂອງພັກ-ລັດຖະບານ ໂດຍສະ ເພາະຫັນການຜະລິດແບບປະຖົມປະຖານໄປສູ່ການຜະລິດທັນສະໄໝໃຫ້ກາຍເປັນສິນຄ້າ ອັນສາມາດຕອບສະໜອງພືດຜັກຕ່າງໆໃຫ້ແກ່ບັນດາຕະຫລາດ ພາຍໃນນະຄອນຫລວງວຽງຈັນປະມານ 3-5 ໂຕນຕ່ໍມ້ື, ເຊ່ິງໄດ້ສ້າງລາຍຮັບເຂົ້າຄອບຄົວປະຊາຊົນ ບ້ານໃນແຕ່ລະມື້ບໍ່ໜ້ອຍ.

   ທ່ານ ຂັນໄຊ ແກ້ວພັນຄຳ ຮອງ ເລຂາພັກຮາກຖານກຸ່ມທ່າງ່ອນ, ເລ ຂາໜ່ວຍພັກ, ນາຍບ້ານລາດຄວາຍ ໄດ້ຍົກໃຫ້ເຫ ັນວ່າ: ບ້ານລາດຄວາຍ ແມ່ນບ້ານໜຶ່ງຢູ່ໃນຈໍານວນ 11 ບ້ານ ຂອງກຸ່ມທ່າງ່ອນ ແລະ 1 ໃນ 104 ບ້ານຂອງເມືອງໄຊທານີ ແບ່ງອອກເປັນ 07 ຄຸ້ມ, ມີ 75 ໜ່ວຍ, ມີ 1.065 ຫລັງຄາ, ມີ 1.094 ຄອບ ຄົວ, ມີພົນລະເມືອງ ກວ່າ 4.400 ຄົນ, ໃນນີ້ປະກອບມີ ເຜົ່າມົ້ງ, ເຜົ່າ ກຶມມຸ ແລະ ເຜົ່າລາວ ໂດຍປະຊາຊົນ 3 ຊົນເຜົ່າລ້ວນແລ້ວແຕ່ມີຄວາມ ສາມັກຄີກັນຢ່າງແໜ້ນໜາ, ການ ປະກອບອາຊີບຂອງປະຊາຊົນພາຍໃນບ້ານມີຫລາກຫລາຍອາຊີບ ແຕກຕ່າງກັນຄື: ອາຊີບເຮັດການກະສິກຳປູກຝັງ-ລ້ຽງສັດ ກວມເອົາ 60%, ອາຊີບກຳມະກອນ 12%, ອາຊີບຄ້າຂາຍ-ບໍລິການ 7%, ອາຊີບພະນັກງານ 4%, ອາຊີບນັກຮຽນ-ນັກສຶກສາ ແລະ ອື່ນໆ 17%. ຢ່າງໃດກໍ່ດີໜ່ວຍພັກ-ອົງການປົກຄອງບ້ານລາດຄວາຍກໍ່ໄດ້ເອົາໃຈໃສ່ຕິດຕາມຢ່າງໃກ້ສິດໃນການປະຕິບັດ ແຜນການຈັດເກັບລາຍຮັບ ເຂົ້າງົບປະມານສົ່ງຂັ້ນເທິງໄດ້ຕາມແຜນການ.

    ສຳລັບສົກປີ 2023 ປະຕິບັດ ຈັດເກັບໄດ້ລື່ນແຜນການທີ່ຂັ້ນເທິງວາງໃຫ້ (ໃນແຜນການ 60.374.000 ກີບ), ປະຕິບັດຕົວຈິງ ໄດ້ 77.879.281 ກີບ, ເທົ່າກັບ 129%. ພ້ອມກັນນີ້,  ກໍ່ໄດ້ເອົາໃຈໃສ່ສົ່ງເສີມປະຊາຊົນທຳການຜະລິດ ໂດຍສະເພາະກຸ່ມການຜະລິດເຂົ້າແນວພັນລຸ້ນ 3 ແລະ ຜະລິດເຂົ້າເປັນສິນຄ້າມີສະມາຊິກ 27 ຄອບຄົວທັງໄດ້ຊຸກຍູ້ສົ່ງເສີມໃຫ້ປະຊາຊົນບັນດາເຜົ່າແຕ່ລະຄອບຄົວປູກພືດຜັກ-ປູກຫອມຕ່າງໆຂາຍເປັນສິນຄ້າຕະຫລອດປີ ອັນສາມາດສົ່ງພືດຜັກ-ຫອມປ້ອນຕະຫລາດທົ່ວນະຄອນຫລວງໄດ້ 3-5 ໂຕນ/ມື້ ເຮັດໃຫ້ແຕ່ລະຄອບຄົວມີລາຍຮັບປະຈໍາວັນ, ປະຈຳອາທິດ ແລະ ປະຈຳເດືອນສະເລ່ຍ 50-80 ລ້ານ ກີບ/ປີ. ດ້ວຍການເອົາໃຈໃສ່ຂອງອຳນາດການປົກຄອງບ້ານ, ເມືອງບວກໃສ່ການຕື່ນຕົວຂອງປະຊາຊົນ ເຮັດໃຫ້ພາຍໃນບ້ານມີການພັດທະນາດີຂຶ້ນທາງດ້ານວັດຖຸ ແລະ ຈິດໃຈ, ຄວາມທຸກຍາກໄດ້ຮັບການແກ້ໄຂຢ່າງຕໍ່ເນື່ອງມາ ແລະ ນັບມື້ຫລຸດລົງເປັນກ້າວໆ.