ປະເທດສາທາລະນະລັດ ອິຕາລີ

08/12/2023 10:01
Email Print 697
ຂປລ ປະເທດອິຕາລີ ຫລືຊື່ເອີ້ນ ຢ່າງເປັນທາງການວ່າ: ສາທາລະນະລັດ ອິຕາລີ (Italian Republic), ເປັນປະເທດ ໃນພາກພື້ນ ເອີຣົບໃຕ້ ແລະ ຍັງເປັນສ່ວນໜຶ່ງຂອງ ເອີຣົບ ຕາເວັນຕົກ ຕັ້ງຢູ່ແຫລມ ມະຫາສະໝຸດ ອິຕາລີ ແລະ ກັ້ນດ້ວຍພູແອລ ທາງພາກເໜືອ, ອິຕາລີ ເປັນລັດດຽວ ຊຶ່ງປົກຄອງດ້ວຍ ຮູບແບບ ສາທາລະນະລັດ ລະບົບລັດ ຖະສະພາ.

ປະ​ເທດ​ອິຕາ​ລີ ຫລືຊື່​ເອີ້ນ​ ຢ່າງ​ເປັນ​ທາງ​ການ​ວ່າ:​ ສາ​ທາລະນະ​ລັດ ອິຕາ​ລີ (Italian Republic), ​ເປັນ​ປະ​ເທດ ​ໃນ​ພາກ​ພື້ນ ເອີຣົບ​ໃຕ້ ​ແລະ ຍັງ​ເປັນ​ສ່ວນ​ໜຶ່ງ​ຂອງ ​ເອີຣົບ ຕາ​ເວັນ​ຕົກ ຕັ້ງ​ຢູ່​ແຫລມ ​ມະຫາ​ສະໝຸດ ອິຕາ​ລີ ​ແລະ ກັ້ນ​ດ້ວຍ​ພູແອ​ລ ທາງ​ພາກ​ເໜືອ, ອິຕາ​ລີ ​ເປັນ​ລັດ​ດຽວ ຊຶ່ງ​ປົກຄອງ​ດ້ວຍ ຮູບ​ແບບ ສາທາລະນະລັດ ລະບົບ​ລັດ ຖະສະພາ. ມີນະຄອນຫລວງ ຊື່ວ່າ ​ໂຣມ(Rome), ມີ​ເນື້ອ​ທີ່ 301.340 ກິ​ໂລ​ຕາ​ແມັດ, ມີ​ຊາຍ​ແດນ ຕິດກັບປະເທດ ຝຣັ່ງ, ​ສະວິດ,ໂອຕຣິດ, ສະໂລວາກີ. ມີ​ປະຊາກອນ 62.390.364 ​ຄົນ ​(​ໃນ​ປີ 2021), ​ໃຊ້​ພາສາ​ ທາງ​ການ ອິຕາ​ລີ; ນໍາ​ໃຊ້​ສະກຸນ​ເງິນ ​ເອີ​ໂຣ (Euro); ປະຊາຊົນ​ ສ່ວນ​ໃຫຍ່ ນັບຖື​ສາສະໜາ ຄຣິສ ນິກາຍ​ໂຣມັນ​ ຄາ​ທໍ​ລິກ 80,8%, ມຸສລິ​ມ 4,9% ​ແລະ ສາສະໜາ​ອື່ນໆ. ສ່ວນ​ວັນຊາດ​ແມ່ນ ວັນ​ທີ 25 ​ເມສາ.

ປະ​​ເທດ ສາ​ທາ​ລະນະ​ລັດ ອິຕາ​ລີ ​ແລະ ​ປະ​ເທດ ສປປລາວ ​ໄດ້​ສ້າງ​ຕັ້ງ​ສາຍ​ ພົວພັນ​ທາງ​ການ​ທູດ ຮ່ວມ​ກັນ​ ໃນ​ວັນ​ທີ 7.12.1965 ​ເປັນ​ຕົ້ນ​ມາ ຈາກ​ນັ້ນ ທັງສອງ​ຝ່າຍ​ ໄດ້ມີ​ການ​ພົວພັນ ຮ່ວມມື ຢ່າງຮອບດ້ານ ແລະ ແລກປ່ຽນ​ ປະສົບ​ການ​ ຢ່າງ​ຕໍ່​ເນື່ອງ ເຮັດໃຫ້ປະເທດ ຈະເລີນເຕີບໃຫຍ່ ກ້າວຂຶ້ນໄປສູ່ ລະດັບໃໝ່ໃນຕໍ່ໜ້າ.

ອິຕາ​ລີ ມີ​ຂະໜາດ​ ເສດຖະກິດ ​ໃຫຍ່​ເປັນອັນ​ດັບ 8 ຂອງ​ໂລກ ​ແລະ ​ໃຫຍ່​ເປັນອັນ​ດັບ 4 ຂອງ​ເອີ​ຣົບ, ມີ​ລະບົບ ​ເສດຖະກິດ ​ແບບ​ທຶນ​ນິຍົມ ທີ່​ມີ​ອຸດສາຫະກຳ ​ເປັນ​ພື້ນຖານ , ​ໂດຍ​ທຸລະ​ກິດ​ ຂະໜາດ​ກາງ ​ແລະ ຂະໜາດ​ນ້ອຍ (SMEs) ​ເປັນ​ແກນ ຂັບ​ເຄື່ອນ​ຫລັກ​ຂອງ ອຸດສາຫະກຳ  ສິນຄ້າ​ຂອງອິຕາ​ລີ ​ໄດ້​ຮັບ​ການ​ ຍອມຮັບ​ວ່າ ມີ​ຄຸນ​ນະພາ​ບສູງ ຈົນ​ສາມາດ ​ແຂ່ງຂັນ​ໄດ້ ​ໃນ​ຕະຫລາດ​ລະດັບ​ສູງ. ​ໂດຍ​ລວມຍອດ​ ຜະລິດ​ຕະພັນ​ ພາຍ​ໃນ​ປະ​ເທດ (ຈີ​ດີ​ພີ) 2,1 ພັນ​ຕື້​ໂດ​ລາ​ ສະຫະລັດ (​ໃນ​ປີ 2021); ອັດຕາ​ສະ​ເລ່ຍ ຕໍ່​ຫົວ​ຄົນ 35.551 ກວ່າ​ໂດ​ລາ ​ສະຫະລັດ ຕໍ່​ປີ; ສ່ວນ​ອັດຕາ ​ການ​ເຕີບ​ໂຕ​ ທາງ​ເສດຖະກິດ 6,6% ຕໍ່​ປີ. ສິນຄ້າ​ທີ່​ສົ່ງ​ອອກ ​ເປັນ​ຕົ້ນ​ແມ່ນ ​ເຄື່ອງ​ກົນ​ຈັກ ​ແລະ ສ່ວນ​ປະກອບ ຜະລິດ​ ຕະພັນ​ເຄມີ, ​ເຄື່ອງ​ຈັກ​ໄຟຟ້າ ​ແລະ ​ເຄື່ອງ​ປະກອບ, ຜະລິດ​ຕະພັນ​ ໂລຫະ​ອື່ນໆ. ສິນຄ້າ​ທີ່​ນໍາ​ເຂົ້າ ​ໂດຍ​ສະ​ເພາະ​ແມ່ນ: ລົດ​ໃຫຍ່, ອຸປະກອນ ​ແລະ ສ່ວນ​ປະກອບ, ​ເຄື່ອງ​ປັບ​ອາກາດ, ສ່ວນ​ປະກອບ, ອາຫານ, ຜະລິດຕະພັນ ຢາງພາລາ ອື່ນໆ. ສ່ວນ​ຄູ່ ການ​ຄ້າ​ທີ່​ສຳ​ຄັນ​ ແມ່ນ ​ເຢຍລະ​ມັນ, ຝຣັ່ງ, ​ແອັດ​ສະ​ປາຍ, .ອາ​ເມ​ລິ​ກາ ​ແລະ ຈີນ ຕາມ​ລຳດັບ.

ນອກ​ນີ້ ອິຕາ​ລີ ຍັງ​ມີເມືອງ​ສຳຄັນ ​ແລະ ​ແຫ​ລ່ງທ່ອງ​ທ່ຽວ ​ເປັນ​ຕົ້ນ​ແມ່ນ ນະຄອນຫລວງ ​ໂຣມ ​ເປັນ​ເມືອງ​ໃຫຍ່​ສຸດ​ຂອງ ​ແຄວ້ນ​ຊີ​ໂອ ​ແລະ ປະ​ເທດ​ ອິຕາ​ລີ ຕັ້ງ​ຢູ່​ທາງ​ພາກ​ກາງ ຂອງ​ປະ​ເທດ ມີ​ປະຫວັດ​ສາດ​ ອັນ​ຍາວ​ນານ​ ກວ່າ 2.800 ປີ ​ແລະ ​ເປັນ​ທີ່​ຕັ້ງຂອງ ນະຄອນ ​ລັດ​ວາ​ຕິ​ກັນ ຊຶ່ງ​ເປັນ​ດິນ​ແດນ​ ປະ​ທັບ​ຂອງ ພະ​ສັນຕະປາປາ​ແຫ່ງ ສາສະໜາ​ຄຣິສດ ນິກາຍ​ໂຣມັນ​ຄາ​ທໍ​ລິກ ອິກດ້ວຍ; ​ໂຄ​ລໍ​ສຊຽມ (Colloseum) ​ເປັນ​ສະໜາມກິລາ ​ກາງ​ແຈ້ງ ຂະໜາດ​ໃຫຍ່ ຕັ້ງ​ຢູ່​ໃຈກາງ ນະຄອນຫລວງ​ໂຣມ ຊຶ່ງ​ໄດ້​ຄັດ​ເລືອກ​ ໃຫ້​ເປັນ 1​ໃນ7​ ສິ່ງ​ມະຫັດສະຈັນ​ ຂອງ​ໂລກ​ຍຸດ​ໃໝ່; ພະຣາສະ​ວັງ ວາ​ຕິ​ກັນ(Vatican Palace); ນໍ້າພຸ​ເທວີ(Trevi Fountain) ​ແລະ ​ແຫ່ງ​ອື່ນໆ.

ໂດຍ:ດາວັນ

KPL

ຂ່າວອື່ນໆ

ads
ads

Top