ຂປລ
ປະເທດສະມາຊິກ ກຸ່ມໂອເປກພລັສ ຊຶ່ງເປັນ ການລວມຕົວຂອງປະເທດ ຜູ້ສົ່ງອອກ ນໍ້າມັນ ຫລື ໂອເປກ ແລະ ປະເທດ ນອກໂອເປກ ໄດ້ພາກັນ ສະແດງ ຄວາມສະໜັບ ສະໜູນ ການຕັດສິນໃຈ ຂອງກຸ່ມ ກ່ຽວກັບ ການຫລຸດກຳລັງ ການຜະລິດ ນໍ້າມັນລົງ ຢ່າງຫລວງຫລາຍ.
![](https://kpl.gov.la/Media/Upload/News/Thumb/2022/10/18/1666001437_347603-tnamcot-685x360.jpg)
ຂປລ.ອ້າງຕາມຂ່າວ ຕ່າງປະເທດ, ປະເທດສະມາຊິກ ກຸ່ມໂອເປກພລັສ ຊຶ່ງເປັນ ການລວມຕົວຂອງປະເທດ ຜູ້ສົ່ງອອກ ນໍ້າມັນ ຫລື ໂອເປກ ແລະ ປະເທດ ນອກໂອເປກ ໄດ້ພາກັນ ສະແດງ ຄວາມສະໜັບ ສະໜູນ ການຕັດສິນໃຈ ຂອງກຸ່ມ ກ່ຽວກັບ ການຫລຸດກຳລັງ ການຜະລິດ ນໍ້າມັນລົງ ຢ່າງຫລວງຫລາຍ. ໂດຍ ລັດຖະມົນຕີ ກະຊວງ ພະລັງງານ ສະຫະນະຄອນ ເອເມເຣັດ ອາຣັບ ໄດ້ປະກາດ ຊັດເຈນວ່າ ການຕັດສິນໃຈ ຫລ້າສຸດ ຂອງ ກຸ່ມໂອເປກ ເມື່ອບໍ່ດົນມານີ້ ເລື່ອງການຫລຸດ ກຳລັງ ການຜະລິດລົງ ວັນລະ 2 ລ້ານຖັງ ໄດ້ຮັບຄວາມ ເຫັນດີ ດ້ວຍມະຕິເອກະສັນ ເປັນການຕັດສິນໃຈ ທາງດ້ານເຕັກນິກ ຢ່າງແທ້ຈິງ. ໃນຂະນະທີ່ ບໍລິສັດ ການຕະຫລາດ ນໍ້າມັນ ແຫ່ງຊາດ ຂອງ ອີຣັກ ຖະແຫລງວ່າ ໂອເປກ ພາລັສ ມີຄວາມ ເປັນເອກະສັນ ຢ່າງສົມບູນ ຊຶ່ງເປັນວິທີດີທີ່ສຸດ ໃນການຮັບມືກັບ ຕະຫລາດນໍ້າມັນ ໃນໄລຍະເວລາ ທີ່ບໍ່ແນ່ນອນ ແລະ ຂາດຄວາມຊັດເຈນ ແລະ ອື່ນໆ./.
KPL