ຂປລ
*ເຊນ້ຳນ້ອຍຂຶ້ນຊື່ ແຫລ່ງຊັບ ພະຍາກອນປ່າໄມ້ອັນອຸດົມສົມບູນ ທີ່ເຕັມໄປດ້ວຍສັດສາວາສິ່ງ, ຊີວະນາໆພັນ ແລະ ແຫລ່ງອາຫານ ປະເພດເຄື່ອງປ່າຂອງດົງ ຢ່າງຫລວງຫລາຍ ທີ່ໜ້າສົນໃຈ ຍ້ອນແນວນັ້ນ ເຊນໍ້ານ້ອຍ ບໍ່ເປັນພຽງ ຄວາມອຸດົມສົມບູນ ຄື ດັ່ງຫລາຍທ່ານກ່າວອ້າງ ເທົ່ານັ້ນຫາກທໍາມະຊາດ ແລະ ສາຍນໍ້າ ນ້ອຍ-ໃຫຍ່ ໄດ້ກັດເຊາະຜາລານ ຫີນ ແລະ ໂງ່ນຫີນ ທີ່ມີຢູ່ມາແຕ່ດຶກດໍາບັນ ຈົນເປັນແຫລ່ງ ທ່ອງທ່ຽວ ທີ່ໜ້າມະຫັດສະຈັນຄືດັ່ງ “ຕາດແຝກ” .
*ເຊນ້ຳນ້ອຍຂຶ້ນຊື່ ແຫລ່ງຊັບ ພະຍາກອນປ່າໄມ້ອັນອຸດົມສົມບູນ ທີ່ເຕັມໄປດ້ວຍສັດສາວາສິ່ງ, ຊີວະນາໆພັນ ແລະ ແຫລ່ງອາຫານ ປະເພດເຄື່ອງປ່າຂອງດົງ ຢ່າງຫລວງຫລາຍ ທີ່ໜ້າສົນໃຈ ຍ້ອນແນວນັ້ນ ເຊນໍ້ານ້ອຍ ບໍ່ເປັນພຽງ ຄວາມອຸດົມສົມບູນ ຄື ດັ່ງຫລາຍທ່ານກ່າວອ້າງ ເທົ່ານັ້ນຫາກທໍາມະຊາດ ແລະ ສາຍນໍ້ານ້ອຍ-ໃຫຍ່ ໄດ້ກັດເຊາະຜາລານ ຫີນ ແລະ ໂງ່ນຫີນ ທີ່ມີຢູ່ມາແຕ່ດຶກດໍາບັນ ຈົນເປັນແຫລ່ງທ່ອງທ່ຽວ ທີ່ໜ້າມະຫັດສະຈັນຄືດັ່ງ “ຕາດແຝກ” ຕັ້ງຢູ່ຊາຍແດນ ລະຫວ່າງແຂວງເຊກອງ ແລະ ແຂວງອັດຕະປື ໄດ້ກາຍແຫລ່ງທ່ອງທ່ຽວ ຍອດນິນົມສໍາ ລັບແຂກພາຍໃນ ແລະ ຕ່າງປະເທດ. ຄວາມຈິ່ງຖ້າທ່ານໃດຕ້ອງການ ໄປຢ້ຽມຢາມທີ່ນັ້ນ ສາມາດເດີນທາງໄປໄດ້ 2 ເສັ້ນທາງຄື: ຈາກແຂວງເຊກອງ ມາຕາມເສັ້ນທາງ ເລກທີ 16 ທິດໃຕ້ 15 ກິໂລແມັດ ແລ້ວແວ່ກ້ຳຊ້າຍມືເຂົ້າໄປອີກ 2 ກິໂລແມັດ, ສ່ວນອີກເສັ້ນທາງທີ 2 ແມ່ນມາແຕ່ແຂວງອັດຕະປ ເມື່ອ ກາຍສົ້ນຂົວເຊນ້ອຍ 30-40 ແມັດ ແລ້ວແວ່ກໍ້າຂວາມື ເຂົ້າໄປ 3-4 ກິ ໂລແມັດ.
ຕາດແຝກ ເກີດຈາກເຊ ນໍ້ານ້ອຍກັດໂງ່ນຫີນ ແລະ ຜາລານ ຫີນຂະຫນາດໃຫຍ່ ຈົນກາຍເປັນຮູບຂັ້ນໄດ ສູງຕໍ່າແຕກກັນອອກໄປໃນນັ້ນ ມີບາງບ່ອນກາຍເປັນ ນໍ້າຕົກຕາດຂະໜາດໃຫຍ່ ຍາວຢຽດຈາກຝັ່ງນໍ້າເບື້ອງຂວາ ຫາເບື້ອງຊາຍ ເຊິ່ງໄດ້ກາຍເປັນແຫລ່ງ ທ່ອງທ່ຽວ ທີ່ງຽບສະຫງົບ, ຮົ່ມເຢັນກັບບັນຍາກາດ ສຽງນົກ, ນໍ້າຕົກຕາດ ແລະ ກິນອາຍ ຄວາມເປັນທໍາມະຊາດ ເອື້ອອໍານວຍໃຫ້ແກ່ ນັກທ່ອງທ່ຽວມາ ພັກຜ່ອນຢ່ອນອາລົມ. ໃນເຂດແຫລ່ງທ່ອງທ່ຽວດັ່ງກ່າວ ມີສາລາອະເນກປະສົງ ຊົມທິວທັດທຳມະຊາດ ສາມາດແນມເຫັນ ນໍ້າໄຫລແຮງ ທີ່ມີຄວາມກວ້າງ ຂອງໜ້ານ້ຳໂຕນຕາດ 50 ແມັດຂຶ້ນໄປ, ພ້ອມຍັງ ຈະແນມເຫັນເຫວ, ຄັນຄູຫີນເປັນ ແກ້ງຍາວຢຽດ ຂວາງແລວນ້ຳ ເປັນເກາະແກ້ງ ຄ້ອຍຕໍ່າລັ່ນຕໍ່ກັນ ລົງມາໃສ່ເຂດຫົວເຫວ ແລ້ວເຮັດໃຫ້ ສາຍນໍ້າໄຫລເປັນ 2 ແລວຄູ່ຂະໜານກັນ ເຊິ່ງໜ້າຈະເປັນຊື່ ຂອງຕາດກໍເປັນໄດ້ ແລະ ມັນກໍໄດ້ກໍ່ໃຫ້ເກີດ ຄວາມສວຍງາມ ຈາກສາຍນ້ຳໄຫລຄູ່ກັນນັ້ນເອງ. ເລື້ອຍໆເມື່ອມີບຸນປະເພນີ ຫລື ມື້ພັກມື້ຜ່ອນ ໃນວັນສຳຄັນຂອງພັກ, ຂອງຊາດ ແລະ ວັນເສົາ-ອາ¬ ທິດພົບວ່າ ມີຄົນຈໍານວນຫລາຍ ຫລັ່ງໄຫລເຂົ້າມາຫລິ້ນ ແລະ ແວ່ຊົມ ເຊິ່ງແຫລ່ງທ່ອງທ່ຽວ ດັ່ງກ່າວບໍ່ພຽງແຕ່ ກາຍເປັນສິ່ງດຶງດູດ ນັກທ່ອງທ່ຽວເທົ່ານັ້ນ ຫາກຍັງໄດ້ເປັນບ່ອນ ສ້າງລາຍໄດ້ ແລະ ສ້າງວຽກເຮັດງານທໍາ ໃຫ້ພໍ່ແມ່ປະຊາຊົນຢ່າງ
ແທ້ຈິງ.
ໂດຍ: ເກີດຂວັນໃຈ ມາລີຈັນສີ
KPL
