ຂປລ. ສຳນັກຂ່າວ ຊິນຮວາ ລາຍງານ ຈາກນະຄອນຫລວງ ຮ່າໂນ້ຍຂອງ ຫວຽດນາມ ເມື່ອບໍ່ດົນມານີ້ວ່າ:​ຫວຽດນາມ ຈະຫ້າມຈຳໜ່າຍ ຢາສູບເອເລັກໂຕຣນິກ ແລະ ຢາສູບໄຟຟ້າ ແບບໃຫ້ ຄວາມຮ້ອນ ນັບຕັ້ງແຕ່ ວັນທີ 1 ມີນາ 2026 ນີ້ ພາຍໃຕ້ກົດໝາຍ ວ່າດ້ວຍການລົງທຶນ ສະບັບປັບປຸງ  ໂດຍຜ່ານການອະນຸມັດ ຈາກ ສະພາແຫ່ງຊາດ. ໃນນັ້ນລາຍຊື່ ພາກສ່ວນທຸລະກິດຕ້ອງຫ້າມ, ລວມເຖິງ ການຄວບຄຸມການຄ້າ ສານເສບຕິດ, ສານເຄມີ ແລະ ແຮ່ທາດບາງຊະນິດ, ພືດປ່າ ແລະ ສັດປ່າ ທີ່ມີແຫລ່ງທີ່ມາ ຈາກທຳມະຊາດ ແລະ ການຄ້າປະເວນີ./

KPL