ເອຢິບ ຄົ້ນພົບແຫລ່ງແກັສທຳມະຊາດແຫ່ງໃໝ່ໃນນທະເລຊາຍຕາເວັນຕົກ
ຂປລ. ສຳນັກຂ່າວ ຊິນຮວາ ລາຍງານ ຈາກນະຄອນຫລວງ ເລີແກ ປະເທດ ເອຢິບ ເມື່ອບໍ່ດົນມານີ້ວ່າ: ກະຊວງ ປິໂຕຣລ່ຽມ ຂອງ ເອຢິບ ລາຍງານວ່າ: ຄັລຄາ ປິໂຕຣລ່ຽມ ຄອມປານີ (ເຄພີຊີ) ຊຶ່ງເປັນ ບໍລິສັດ ຂະໜາດໃຫຍ່ ໃຂະແໜງທຸລະກິດ ພະລັງງານຂອງ ເອຢິບ ໄດ້ຄົ້ນພົບ ແຫລ່ງແກັສ ທຳມະຊາດແຫ່ງໃໝ່ ໃນທະເລຊາຍຕາເວັນຕົກ ຊຶ່ງຜົນການທົດລອງ ເບື້ອງຕົ້ນ ໄດ້ລະບຸວ່າ ມີຜົນຜະລິດ ປະມານ 36 ລ້ານແມັດກ້ອນ ຕໍ່ວັນຕາມມາດຕະຖານ.
ຄຽງຄູ່ກັນນັ້ນ ຍັງໄດ້ ຂຸດເຈາະ ບໍ່ສຳຫລວດ ໂກມານາ-1 (Gomana-1) ຫລັງຈາກນັ້ນ ເຄື່ອງມື ວັດຄ່າ ຄວາມຕ້ານທານ ໄຟຟ້າ ໂດຍບົ່ງຊີ້ຈຸດ ທີ່ມີແກັສທຳມະຊາດ ຢູ່ປະລິມານຫລວງຫລາຍ . ການຄົ້ນພົບ ດັ່ງກ່າວ ເປັນໜຶ່ງໃນການຄົ້ນພົບ ຮອບຫລ້າສຸດ ຂອງ ຄັລຄາ ແລະ ຫຸ້ນສ່ວນຕ່າງປະເທດ ເຊັ່ນ: ອາປາເຊ ຄອບປໍເຣຊັນ ໂດຍຈະສືບຕໍ່ພັດທະນາ ແຫລ່ງທຳມະຊາດ ແລະ ນໍ້າມັນ ໃນພື້ນທີ່ທະເລ ຕາເວັນຕົກ. ນອກຈາກນັ້ນ, ກະຊວງປິໂຕຣລ່ຽມ ຂອງ ເອຢິບ ໄດ້ສະແດງ ຄວາມເຊື່ອໝັ້ນວ່າ: ຜົນຜະລິດ ເພີ່ມເຕີມ ຈະຊ່ວຍສະໜັບ ສະໜູນ ຍຸດທະສາດ ເພື່ອຊຸກຍູ້ ສັກກາຍະພາບ ການຜະລິດ ພາຍໃນປະເທດ ໃຫ້ກ້າວໄປສູ່ ລະດັບສູງສຸດ ແລະ ເສີມສ້າງບົດບາດ ການເປັນ ສູນກາງ ລະດັບ ພາກພື້ນ ຂອງ ເອຢິບ./