ລາຄາຄຳ-ເງິນໃນຕະຫລາດໂລກ ຫລຸດລົງຢ່າງວ່ອງໄວ
ຂປລ.ວິທະຍຸ-ໂທລະພາບ ສູນກາງຈີນ,ວັນທີ 21 ຕຸລານີ້, ຍ້ອນໄດ້ຮັບ ຜົນກະທົບ ຈາກຫລາຍປັດໄຈ, ໄດ້ເຮັດໃຫ້ລາຄາ ໃນຕະຫລາດໂລກ ຫລດລົງເກີນ 6% ໃນຊົ່ວໄລຍະໜຶ່ງ, ຄິດເປັນມູນຄ່າ ຕ່ຳລົງເຖິງ 4.100 ໂດລາສະຫະລັດ ຕໍ່ອອນ ເຊິ່ງເປັນຈຳນວນ ຫລຸດລົງ ຫລາຍທີ່ສຸດຕໍ່ມື້ ໃນຮອບ 12 ປີຜ່ານມາ; ສ່ວນລາຄາເງິນ ໃນຕະຫລາດໂລກ ໄດ້ຫລຸດລົງເກີນ 8% ໃນຊົ່ວໄລຍະໜຶ່ງ, ຄິດເປັນມູນຄ່າຫລຸດຕ່ຳລົງເຖິງ 48 ໂດລາຕໍ່ອອນ, ເຊິ່ງເປັນຈຳນວນຫລຸດລົງ ຫລາຍທີ່ສຸດຕໍ່ມື້ ຫລັງຈາກ ປີ 2021 ເປັນຕົ້ນມາ. ນັບແຕ່ເຂົ້າສູ່ປີ 2025 ເປັນຕົ້ນມາ, ລາຄາຄຳ ໄດ້ເພີ່ມຂຶ້ນເກີນ 50%, ແລະ ລາຄາເງິນ ກໍໄດ້ເພີ່ມຂຶ້ນເກືອບ 70% ໃນຕະຫລາດໂລກ. ນັກວິເຄາະ ຊີ້ໃຫ້ເຫັນ ວ່າ: ສະພາບການສາກົນ ທີ່ເຄັ່ງຕຶງ ໃນກ່ອນໜ້ານີ້ ແລະ ສາເຫດອື່ນໆ ເຮັດໃຫ້ຜູ້ລົງທຶນ ກ້າວເຂົ້າສູ່ ຕະຫລາດ ໂລຫະ ມີຄູ່ສາກົນ ເພື່ອຫລີກລ່ຽງ ຄວາມສ່ຽງ. ຖ້າຫາກສະພາບ ເໜັງຕີງຮ້າຍແຮງ ໃນຕະຫລາດ ຜ່ອນຄາຍລົງ, ລາຄາໂລຫະມີຄ່າ ອາດຈະຖືກປັບໃຫ້ ຫລຸດລົງ ຕາມລຳດັບ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ