ສປ ຈີນ ຈັດງານຕະຫລາດນັດສິນຄ້າຂາເຂົ້າ-ອອກ ຄັ້ງທີ 137
ຂປລ.ວິທະຍຸ ສາກົນ ແຫ່ງ ສປ ຈີນ, ງານຕະຫລາດນັດ ສິນຄ້າ ຂາເຂົ້າ-ຂາອອກ ຂອງ ສປ ຈີນ ຄັ້ງທີ 137 ໄລຍະທີສອງໄດ້ສຳເລັດລົງ ເມື່ອບໍ່ດົນມານີ້, ຕາມຂໍ້ມູນ ຈາກສູນການຄ້າ ກັບຕ່າງປະເທດຂອງ ສປ ຈີນ ເຊິ່ງເປັນຝ່າຍ ຮັບຜິດຊອບ ຈັດງານດັ່ງກ່າວ ສະແດງໃຫ້ເຫັນວ່າ: ຮອດທ້າຍເດືອນເມສານີ້, ໄດ້ມີຜູ້ຊື້ຈາກຕ່າງປະເທດ 224.372 ຄົນ ທີ່ມາຈາກ 219 ປະເທດ ແລະ ເຂດແຄວ້ນທົ່ວໂລກ ໄດ້ເຂົ້າຮ່ວມງານດັ່ງກ່າວ ເຊິ່ງເປັນຈຳນວນຫລາຍທີ່ສຸດ ໃນປະຫວັດສາດ.ງານຕະຫລາດນັດ ສິນຄ້າ ຂາເຂົ້າ-ຂາອອກ ຂອງ ສປ ຈີນ ຄັ້ງນີ້ ພາຍໃຕ້ຫົວຂໍ້ວ່າ "ການຜະລິດ ທີ່ກ້າວໜ້າ" "ເຄື່ອງເຟີນີເຈີແລະ ການປະດັບເຮືອນ ທີ່ມີຄຸນນະພາບ" ແລະ "ຊີວິດທີ່ດີງາມ". ການວາງສະແດງຢູ່ໜ້າຮ້ານ ຫລື ອອຟລາຍ ໃນໄລຍະທີສອງ ທີ່ມີຫົວຂໍ້ວ່າ"ເຄື່ອງເຟີນີເຈີ ແລະ ການປະດັບເຮືອນ ທີ່ມີຄຸນນະພາບ" ມີເນື້ອທີ່ 515.000 ຕາແມັດ, ຈຳນວນຮ້ານວາງສະແດງມີ 24.735 ຮ້ານ, ວິສາຫະກິດ ເຂົ້າຮ່ວມງານມີ 10.313 ແຫ່ງ, ຫລາຍກວ່າ ຄັ້ງຜ່ານມາ 273 ແຫ່ງ, ວິສາຫະກິດດີເດັ່ນ ທີ່ມີເອກະລັກ ພິເສດ ທີ່ເຂົ້າຮ່ວມງານມີ 2.400 ກວ່າແຫ່ງ ທຽບໃສ່ ຄັ້ງຜ່ານມາ, ເພີ່ມຂຶ້ນ 100 ແຫ່ງເມື່ອທຽບໃສ່ ຄັ້ງຜ່ານມາ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ