ຂປລ.ວິທະຍຸ ກະຈາຍສຽງ ຫວຽດນາມ, ສະຖານີ ໂທລະພາບ ແຫ່ງລັດ ອີຣານ ໃຫ້ຮູ້ວ່າ: ຮອບເຈລະຈາ ຂັ້ນສູງ ຄັ້ງທີ 3 ກ່ຽວກັບ ບັນຫາ ນິວເຄຣຍ ລະຫວ່າງ ສ.ອາເມລິກາ ແລະ ອີຣານ ໄດ້ສິ້ນສຸດລົງຢູ່ Muscat, Oman  ພາຍຫລັງ ປຶກສາຫາລື ເປັນເວລາຫລາຍກວ່າ 7 ຊົ່ວໂມງ.  ທ່ານ ແອບບາສ ອາຣາຊິ(Abbbas Araqchi),  ລັດຖະມົນຕີ ການຕ່າງປະເທດ ອີຣານ ໄດ້ສະແດງຄວາມພໍໃຈ ຕໍ່ວິວັດທະນາການ ແລະ ຄວາມຄືບໜ້າ ເຈລະຈາ ນິວເຄຣຍ ກັບ ສ.ອາເມລິກາ, ພ້ອມທັງ ໃຫ້ຮູ້ວ່າ: ທັງສອງຝ່າຍ ລ້ວນແຕ່ສະແດງ “ຄວາມຈິງຈັງ ແລະ ຕັດສິນໃຈ”. ເຖິງວ່າ ການເຈລະຈາຄັ້ງນີ້ ໄດ້ດຳເນີນຢ່າງຈິງຈັງກວ່າເມື່ອທຽບໃສ່ ຄັ້ງກ່ອນໆ ກໍຕາມ, ແຕ່ສອງຝ່າຍ ຍັງຄົງມີຄວາມບໍ່ລົງລອຍ ກັນຫລາຍຢ່າງ, ໃນນັ້ນ ມີບັນຫາ ຄວາມສາມາດ ປ້ອງກັນ ແລະ ລູກສອນໄຟຂອງ ອີຣານ./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL