ຂປລ.ວິທະຍຸ ສາກົນແຫ່ງ ສປ ຈີນ, ວັນທີ 24 ມັງກອນນີ້, ທ່ານ ວາລາດີເມຍ ປູຕິນ, ປະທານາທິບໍດີ ຣັດເຊຍ ກ່າວວ່າ: ຣັດເຊຍ ໄດ້ກຽມຄວາມພ້ອມແລ້ວ ໃນການດຳເນີນ ການເຈລະຈາ ກ່ຽວກັບ ບັນຫາ ອູແກຣນ ແຕ່ກໍຍັງມີ ບາງບັນຫາ ຕ້ອງໃຫ້ຄວາມສົນໃຈ.  ເຖິງວ່າ ຣັດເຊຍ ຍິນດີດຳເນີນ ການເຈລະຈາ ໃນບັນຫາ ອູແກຣນ ແຕ່ວ່າ ຜູ້ນຳຄົນ ປັດຈຸບັນ ຂອງອຳນາດ ການປົກຄອງກຽບ ເຄີຍ ປະກາດ ລັດຖະດຳລັດ ທີ່ຫ້າມ ການເຈລະຈາ ສະບັບໜຶ່ງ, ສະນັ້ນ, ຖ້າວ່າ ຣັດເຊຍ ແລະ ອູແກຣນ ເລີ່ມດຳເນີນ ການເຈລະຈາ ພາຍໃຕ້ ຂອບກົດໝາຍ ທີ່ນຳໃຊ້ ໃນປັດຈຸບັນ ເວົ້າຢ່າງເຄັ່ງຄັດແລ້ວ ການເຈລະຈາ ເຫລົ່ານີ້ ຈະເປັນສິ່ງທີ່ຜິດກົດໝາຍ ເຊິ່ງໝາຍຄວາມວ່າ ຜົນຂອງການເຈລະຈາ ເຫລົ່ານີ້ ຈະຖືກປາກາດວ່າ ເປັນຜົນທີ່ຜິດກົດໝາຍ ກໍເປັນໄດ້. ທ່ານ ວາລາດີເມຍ ປູຕິນ ເຫັນວ່າ ອຳນາດການປົກຄອງຊຸດ ປັດຈຸບັນ ຂອງກຽບ ບໍ່ຮີບຮ້ອນ ທີ່ຈະຍົກເລີກ ລັດຖະດຳລັດ ການຫ້າມ ການເຈລະຈາ, ກ່ອນທີ່ລັດຖະດຳລັດ ດັ່ງກ່າວ ຖືກຍົກເລີກ, ການເຈລະຈາ ທີ່ຈິງຈັງ ກໍຈະດຳເນີນໄປ ຢ່າງຫຍຸ້ງຍາກຫລາຍ./.

KPL