ວາງກະຕ່າດອກໄມ້ ລະນຶກ ວັນເກີດຂອງ ວິລະຊົນແຫ່ງຊາດກູບາ
ຂປລ. ໃນວັນທີ 28 ມັງກອນ 2025 ນີ້, ສະມາຄົມມິດຕະພາບ ລາວ-ກູບາ ຮ່ວມກັບ ສະຖານເອກອັກຄະລັດຖະທູດ ແຫ່ງ ສ ກູບາ ປະຈໍາ ສປປ ລາວ ພິທີວາງກະຕ່າດອກໄມ້ ເພື່ອລະນຶກວັນຄ້າຍວັນເກີດ ຂອງ ທ່ານ ໂຮ່ເຊ ມາຣຕີ ວິລະຊົນແຫ່ງຊາດກູບາ ຄົບຮອບ 172 ປີ (28/1/1853-28/1/2025) ທີ່ໂຮງຮຽນ ມສ ດົງບັງມິດຕະພາບ ລາວ-ກູບາ ເມືອງໄຊທານີ ນະຄອນຫລວງວຽງຈັນ ໂດຍມີ ທ່ານ ນາງ ບັນດິດ ປະທຸມວັນ ອະດີດຮອງປະທານສູນກາງສະຫະພັນແມ່ຍິງລາວ, ຮອງປະ ທານສະມາຄົມມິດຕະພາບ ລາວ-ກູບາ, ທ່ານ ນາງ ແອນນາ ເອັດເຕ ວຽງ ວາເດສ (Enna Esther Viant Valdes) ເອກອັກຄະລັດຖະທູດວິສາມັນຜູ້ມີອຳນາດເຕັມ ແຫ່ງ ສ ກູບາ ປະຈໍາ ສປປ ລາວ ພ້ອມດ້ວຍຄະນະ ແລະ ພາກສ່ວນ ທີ່່ກ່ຽວຂ້ອງ ເຂົ້າຮ່ວມ.
ການຈັດພິທີຄັ້ງນີ້, ສະແດງເຖິງຄວາມເຄົາລົບຮັກ, ຮູ້ບຸນຄຸນອັນໃຫຫຍ່ຫລວງຕໍ່ ທ່ານ ໂຮ່ເຊ ມາຣຕີ ວິລະຊົນແຫ່ງຊາດກູບາ ຜູ້ທີ່ໄດ້ເສຍສະຫລະເພື່ອການປະຕິວັດຂອງກູບາ, ເພື່ອສະເຫລີມສະຫລອງ ວັນສ້າງຕັ້ງສາຍພົວພັນການທູດ ລາວ-ກູບາ ຄົບຮອບ 50 ປີ, ທັງເປັນການປະກອບສ່ວນ ຮັດແໜັນສາຍພົວພັນມິດຕະພາບ ແລະ ການຮ່ວມມືທີ່ມີມູນເຊື້ອອັນດີງາມ ລະຫວ່າງ 2 ພັກ, 2 ລັດ ແລະ ປະຊາຊົນ 2 ຊາດ ລາວ-ກູບາ ໃຫ້ນັບມື້ມີບາດກ້າວໃໝ່, ທັງເຮັດໃຫ້ນັກຮຽນ-ນັກສຶກສາ, ປະຊາຊົນລາວ ຮັບຮູ້ ແລະ ເຂົ້າໃຈເຖິງປະຫວັດສາດແຫ່ງການຕໍ່ສູ້ ອັນກ້າແກ່ນເປັນຈິດໜຶ່ງໃຈດຽວ ຂອງປະຊາ ຊົນກູບາ ແລະ ຮຽນຮູ້ກ່ຽວກັບຊີວິດ ການເຄື່ອນໄຫວປະຕິວັດຂອງ ທ່ານ ໂຮ່ເຊ ມາຣຕີ ວິລະຊົນແຫ່ງຊາດກູບາ.
ຂ່າວ-ພາບ: ຄຕພ