ຂປລ.ວິທະຍຸ ສາກົນ ແຫ່ງ ສປ ຈີນ, ເມື່ອ​ບໍ່​ດົນ​ມາ​ນີ້, ວາ​ລະ​ຕົ້ນ​ຕໍ ​ຂອງກອງ​ປະ​ຊຸ​ມ ​ສະ​ມັດ​ຊາ​ໃຫຍ່ ​ອົງ​ການ ສະ​ຫະ​ ປະ​ຊາ​ຊາດ ​ສະ​ໄໝ​ ທີ 79 ໄດ້​ສຳ​ເລັດ​ ລົງ​ແລ້ວ ໂດຍ​ໄດ້​ອະ​ນຸ​ມັດ ​ໃຫ້​ເພີ່ມ​ງົບ​ປະ​ມານ ​ປົກ​ກະ​ຕິ ​ປະ​ຈຳ​ປີ 2025 ​ຂອງ ສ​ປ​ຊ ໃຫ້​ເປັນ 3,72 ຕື້​ໂດ​ລາ ສະຫະລັດ.ງົບປະ​ມານ ​ປົກ​ກະ​ຕິ ​ຈະ​ໃຊ້​ເຂົ້າ​ໃນ​ ການ​ສະ​ໜັບ​ ສະ​ໜູນ ​ໂຄງ​ການ​ ຂອງ ສ​ປ​ຊ ໃນ​ຂົງ​ເຂດ ​​ແກນ​ກາງ​ຕ່າງໆ ເຊັ່ນ​: ວຽກ​ງານ​ການ​ເມືອງ, ຄວາມ​ຍຸ​ຕິ​ທຳ ແລະ ກົດ​ໝາຍ ​ສາ​ກົນ, ການ​ພັດ​ທະ​ນາ ແລະ ການ​ຮ່ວມ​ມື ​ໃນ​ພາກ​ພື້ນ, ວຽກ​ງານ ​ດ້ານ​ສິດ​ທິ​ມະ​ນຸດ ແລະ ມະ​ນຸດ​ສະ​ທຳ, ຂໍ້​ມູນ ​ຂ່າວ​ສານ​ ສາ​ທາ​ລະ​ນະ ແລະ ​ອື່ນໆ. ສ​ປ​ຊ ຍັງ​​ມີ​ງົບ​ປະ​ມານ ​ສະ​ເພາະ​ກິດ ​ເພື່ອ​ໃຊ້​ເຂົ້າ​ ໃນ​ການ​ເຄື່ອນ​ໄຫວ ​ຮັກ​ສາ​ສັນ​ຕິ​ພາບ.ນອກ​ນີ້, ກອງ​ປະ​ຊຸມສະ​ມັດ​ຊາ​ໃຫຍ່ ສ​ປ​ຊ ຍັງ​ໄດ້​ຮັບ​ຮອງ ເອົາແຜນ​ການ ​ດຳ​ເນີນ​ງານ ​ໄລ​ຍະ 10 ປີ 2024-2034 ຂອງ​ປະ​ເທດ ພວມ​ພັດ​ທະ​ນາ​ ທີ່​ບໍ່​ມີ​​ ທາງ​ອອກ ​ສູ່ທະ​ເລ ເພື່ອ​ຮັບ​ມື​ກັບ​ ສິ່ງ​ທ້າ​ທາຍ ​ພິ​ເສດ​ ຂອງ​ປະ​ເທດ ​ເຫລົ່າ​ນີ້./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL