ຂປລ.ສຳນັກຂ່າວ ຊິນຮວາຂອງ ສປຈີນ, ເມື່ອບໍ່ດົນມານີ້, ທ່ານ ເຕັງກູ ຊາຟຣຸລ ອັບດູລ ອາຊິສ ລັດຖະມົນຕີ ກະຊວງການລົງທຶນ ການຄ້າ ແລະ ອຸດສາຫະກຳ ຂອງມາເລເຊຍ ເປີດເຜີຍວ່າ: ມາເລເຊຍ ຕັ້ງເປົ້າ  ໝາຍ ດຶງດູດ ກຸ່ມຜູ້ຜະລິດ ລົດໄຟຟ້າ (EV) ເພີ່ມຫລາຍຂື້ນ ທ່າມກາງຄວາມ ຕັ້ງໃຈ ຜັນຂະຫຍາຍ ເປັນສູນກາງ ລະດັບ ພາກພື້ນ ຂອງສະມາຄົມ ປະຊາຊາດ ແຫ່ງ ອາຊີ ຕາເວັນອອກ ສຽງໃຕ້ ຫລື ອາຊຽນ.

ທ່ານ ເຕັງກູ ຊາຟຣຸລ ອັບດູລ ອາຊິສ ກ່າວວ່າ: ມາເລເຊຍ ມີເງື່ອນໄຂ ອັນຊຸກຍູ້ ຄວາມພະຍາຍາມ ເປັນສູນກາງ ລະດັບ ພາກພື້ນ ຂອງກຸ່ມບໍລິສັດ ຂ້າມປະເທດ ຜູ້ຜະລິດ ຍານພາຫະນະ ໄຟຟ້າ .ນອກຈາກນີ້ ຕະຫລາດ ຍານພາຫະນະ ໄຟຟ້າ ຂອງພາກພື້ນ ຄາດວ່າ ຈະເຕີບໂຕ ດ້ວຍອັດຕາ ຕໍ່ໄປປະມານ 33% ຈາກປະມານ 500 ລ້ານໂດລາ ສະຫະລັດ ໃນປີ 2021 ມາຢູ່ທີ 2,7 ຕື້ໂດລາ ສະຫະລັດ ພາຍໃນປີ 2027./.

KPL