KPL
ທ່ານ ເຊເລນຊະກີ, ປະທານາທິບໍດີ ອູແກຣນ ໄດ້ລົງນາມໃນກົດໝາຍ ກ່ຽວກັບ ການອະນຸມັດ “ສັນຍາ ວ່າດ້ວຍການສ້າງຕັ້ງ ກອງທຶນ ການລົງທຶນ ເພື່ອສ້າງສາຄືນໃໝ່ ລະຫວ່າງ ອູແກຣນ-ສ.ອາເມລິກາ”.
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 12 ພຶດສະພານີ້, ເວັບໄຊ ປະທານາທິບໍດີ ອູແກຣນ ເປີດເຜີຍ ໃຫ້ຮູ້ວ່າ: ທ່ານ ເຊເລນຊະກີ, ປະທານາທິບໍດີ ອູແກຣນ ໄດ້ລົງນາມໃນກົດໝາຍ ກ່ຽວກັບ ການອະນຸມັດ “ສັນຍາ ວ່າດ້ວຍການສ້າງຕັ້ງ ກອງທຶນ ການລົງທຶນ ເພື່ອສ້າງສາຄືນໃໝ່ ລະຫວ່າງ ອູແກຣນ-ສ.ອາເມລິກາ”.ໃນທ້າຍເດືອນເມສາ ຜ່ານມາ ສ.ອາເມລິກາ ແລະ ອູແກຣນ ໄດ້ຮ່ວມກັນ ລົງນາມ “ສັນຍາ ວ່າດ້ວຍ ການສ້າງຕັ້ງ ກອງທຶນ ການລົງທຶນ ເພື່ອສ້າງສາ ຄືນໃໝ່ ລະຫວ່າງ ສ.ອາເມລິກາ-ອູແກຣນ”, ນັ້ນຄື ອັນທີ່ວົງການຕ່າງໆ ເອີ້ນວ່າ “ສັນຍາບໍ່ແຮ່”. ວັນທີ 8 ພຶດສະພານີ້, ສະພາລາດາສູງສຸດ ຫລື ລັດຖະສະພາ ອູແກຣນ ສະໜັບ ສະໜູນ ອະນຸມັດ ສັນຍາ ດັ່ງກ່າວ ໂດຍເຫັນດີ 338 ຄະແນນສຽງ.ເຖິງວ່າ ສ.ອາເມລິກາ ແລະ ອູແກຣນ ລົງນາມ “ສັນຍາບໍ່ແຮ່” ທີ່ໂລກ ພາຍນອກ ເຫັນວ່າ ເປັນສັນຍານ ເພື່ອຜ່ອນຜັນ ສາຍພົວພັນ ລະຫວ່າງ ສອງປະເທດ ດັ່ງກ່າວ ກໍຕາມ, ແຕ່ປະສິດທິຜົນ ຕົວຈິງ ຍັງຕ້ອງສັງເກດຢູ່./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
