KPL
ຂປລ. ທ່ານ ພັນເອກ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ ພົບປະໂອ້ລົມພະນັກງານ-ນັກຮົບຫ້ອງສຶກສາ ໃນວັນທີ 25 ມີນາ 2025 ໂດຍມີ ທ່ານ ພັນໂທ ວິຄຳ ສັງໂຄມະລາດ ຮອງຫົວໜ້າຫ້ອງສຶກສາ, ຄະນະພັກ-ຄະນະບັນຊາ, ຄູ-ອາຈານ ແລະ ພະນັກງານ-ນັກຮົບທົ່ວຫ້ອງສຶກສາ ເຂົ້າຮ່ວມ.
ຂປລ. ທ່ານ ພັນເອກ ສະແຫວງ ແດນນາມົນ ຫົວໜ້າການເມືອງ ໂຮງຮຽນວັດທະນະທຳຊົນເຜົ່າກອງທັບ ພົບປະໂອ້ລົມພະນັກງານ-ນັກຮົບຫ້ອງສຶກສາ ໃນວັນທີ 25 ມີນາ 2025 ໂດຍມີ ທ່ານ ພັນໂທ ວິຄຳ ສັງໂຄມະລາດ ຮອງຫົວໜ້າຫ້ອງສຶກສາ, ຄະນະພັກ-ຄະນະບັນຊາ, ຄູ-ອາຈານ ແລະ ພະນັກງານ-ນັກຮົບ ທົ່ວຫ້ອງສຶກສາ ເຂົ້າຮ່ວມ.
ໃນໂອກາດນີ້, ທ່ານ ພັນເອກ ສະແຫວງ ແດນນາມົນ ໄດ້ສະແດງຄວາມຍ້ອງຍໍຊົມເຊີຍຕໍ່ຜົນງານໃນໄລຍະຜ່ານມາ ພ້ອມທັງເນັ້ນໃຫ້ຄະນະພັກ-ຄະນະບັນຊາ, ຄູ-ອາຈານ, ພະນັກງານ-ນັກຮົບທົ່ວຫ້ອງສຶກສາ ເອົາໃຈໃສ່ຊຸກຍູ້ຂະບວນການຂໍ່ານັບຮັບຕ້ອນວັນສໍາຄັນຕ່າງໆ ຂອງຊາດ, ຂອງພັກ, ຂອງກອງທັບ ໃຫ້ເປັນຂະບວນ ການຟົດຟື້ນ, ສຸມໃສ່ເຮັດໃຫ້ສະພາບພາຍໃນມີຄວາມສະຫງົບໜັກແໜ້ນ, ສຶກສາອົບຮົມການເມືອງ-ນໍາພາແນວຄິດ ເຮັດໃຫ້ພະນັກງານ-ນັກຮົບ ມີແນວຄິດອຸ່ນອຽນທຸ່ນທ່ຽງ, ເຊື່ອໝັ້ນຕໍ່ການນໍາພາຂອງພັກ, ຫັນເອົາກົມກອງເຂົ້າສູ່ລະບຽບແບບແຜນ ແລະ ຈັດຕັ້ງປະຕິບັດ 7 ລະບອບ 18 ວຽກຂອງກອງທັບ ໃຫ້ເຂັ້ມງວດ, ປັບປຸງໂຄງການຫລັກສູດການຮຽນ-ການສອນ ເພື່ອໃຫ້ສອດຄ່ອງກັບແຕ່ລະເປົ້າໝາຍ, ເພີ່ມທະວີຄວາມສາມັກຄີ, ມີຄວາມຕັດສິນໃຈສູງ, ຍົກສູງຄວາມຮັບຜິດຊອບຂອງຕົນ, ຊ່ວຍເຫລືອເຊິ່ງກັນ ແລະ ກັນ ເພື່ອເຮັດໃຫ້ການຮຽນ-ການສອນ ບັນລຸໄດ້ຈຸດປະສົງ ຄາດໝາຍທີ່ວາງໄວ້, ເອົາໃຈໃສ່ກໍ່ສ້າງພັກ-ພະນັກງານ ຕິດພັນກັບ ການສ້າງໜ່ວຍພັກປອດໃສ ເຂັ້ມແຂງ ໜັກແໜ້ນ, ກອງ 3 ປອດ ແລະ ກອງວັດທະນະທໍາ ໃຫ້ມີຄຸນນະພາບ, ເອົາໃຈໃສ່ປັບປຸງແບບແຜນວິທີເຮັດວຽກໃຫ້ມີວິທະຍາສາດ, ທັນສະໄໝ ບົນພື້ນຖານເຄົາລົບຫລັັກການ ລວມສູນປະຊາທິປະໄຕ, ເຮັດວຽກເປັນໝູ່ຄະນະ ແລະ ແບ່ງໃຫ້ບຸກຄົນຮັບຜິດຊອບຢ່າງລະອຽດຈະແຈ້ງ ສອດຄອງກັບສະພາບຄວາມເປັນຈິງຂອງກົມກອງ.
ພ້ອມນີ້, ໃຫ້ເອົາໃຈໃສ່ສຶກສາອົບຮົມ ການເມືອງ-ນຳພາແນວຄິດ ໃຫ້ພະນັກງານສະມາຊິກພັກ-ນັກຮົບ ໃຫ້ມີຄວາມໜັກແໜ້ນທາງດ້ານຄຸນທາດການເມືອງ, ເຂັ້ມແຂງທາງດ້ານການຈັດຕັ້ງ, ຍົກສູງຄວາມຮັບຜິດຊອບຕໍ່ໜ້າທີ່ ການເມືອງໃຫ້ສູງຂຶ້ນກວ່າເກົ່າ, ຝຶກຝົນຫລໍ່ຫລອມຕົນເອງ ທາງດ້ານຄຸນສົມບັດສິນທຳປະຕິວັດ, ເພີ່ມທະວີຄວາມສາມັກຄີໃຫ້ແໜ້ນແຟ້ນ, ດຸໝັ່ນຂະຫຍັນພຽນເພີ່ມພູນຜະລິດຜົນສາມາດເພິ່ງຕົນເອງ, ກຸ້ມຕົນເອງ ແລະ ສ້າງຄວາມເຂັ້ມແຂງດ້ວຍຕົນເອງ, ຍົກສູງສະຕິລະວັງຕົວ ຕໍ່ກົນອຸບາຍຫັນປ່ຽນໂດຍສັນຕິຂອງກຸ່ມຄົນບໍ່ວັງດີ, ພ້ອມກັນກຳແໜ້ນ ນຳເອົາເນື້ອໃນ ແລະ ທິດຊີ້ນຳ ນຳໄປຈັດຕັ້ງຜັນຂະຫຍາຍ ຢູ່ໃນກົມກອງໃຫ້ມີຜົນສຳເລັດສູງຂຶ້ນກວ່າເກົ່າ.
ຂ່າວ: ໂອລິນ ມິ່ງມີໄຊ
KPL
