KPL
ງານແລກປ່ຽນ ແລະ ອ່ານປຶ້ມ “ສີຈິ້ນຜິງ： ແນວຄິດ ການບໍລິຫານປະເທດ” ເຫລັ້ມ 5 ສະບັບ ພາສາ ແອັດສະປາຍ ໄດ້ຈັດຂຶ້ນຢູ່ ນະຄອນຫລວງ ມາດຣິດ ປະເທດແອັດສະປາຍ, ໂດຍພາຍໃຕ້ຫົວຂໍ້ “ ການສົນທະນາ ດ້ານອະລິຍະທຳ ຊຸກຍູ້ຄວາມກ້າວໜ້າ ຮ່ວມກັນ
ຂປລ.ວິທະຍຸ ໂທລະພາບ ສູນກາງຈີນ, ວັນທີ 6 ຕຸລານີ້, ງານແລກປ່ຽນ ແລະ ອ່ານປຶ້ມ “ສີຈິ້ນຜິງ： ແນວຄິດ ການບໍລິຫານປະເທດ” ເຫລັ້ມ 5 ສະບັບ ພາສາ ແອັດສະປາຍ ໄດ້ຈັດຂຶ້ນຢູ່ ນະຄອນຫລວງ ມາດຣິດ ປະເທດແອັດສະປາຍ, ໂດຍພາຍໃຕ້ຫົວຂໍ້ “ ການສົນທະນາ ດ້ານອະລິຍະທຳ ຊຸກຍູ້ຄວາມກ້າວໜ້າ ຮ່ວມກັນ: ໂອກາດ ແລະ ການຈ້ອງມອງ ຂອງການແລກປ່ຽນ ລະຫວ່າງ ສປ ຈີນ-ແອັດສະປາຍ”, ຜູ້ຕາງໜ້າ 60 ກວ່າຄົນ ທີ່ມາຈາກ ລັດຖະບານ, ໂຮງຮຽນຊັ້ນສູງ, ສື່ມວນຊົນ ແລະ ວົງການອື່ນໆ ລະຫວ່າງ ສປ ຈີນ-ແອັດສະປາຍ ໄດ້ເຂົ້າຮ່ວມ. ແຂກຜູ້ມີກຽດຮ່ວມງານ ເຫັນວ່າ: ປຶ້ມ “ສີ ຈິ້ນ ຜິງ： ແນວຄິດ ການບໍລິຫານປະເທດ” ເຫລັ້ມ 5 ສະບັບ ພາສາ ແອັດສະປາຍ ໄດ້ເປີດປ່ອງຢ້ຽມ ສຳຄັນ ດ້ານແນວຄິດ ໃຫ້ແກ່ ຜູ້ອ່ານແອັດສະປາຍ ໃນການຮັບຮູ້ ປະເທດຈີນ ໃນຍຸກໃໝ່, ເຂົ້າໃຈ ຄວາມທັນສະໄໝ ແບບຈີນ. ສອງຝ່າຍ ຄວນຫັນແນວຄິດ ທີ່ເປັນເອກະພາບກັນ ເປັນການກະທຳຕົວຈິງ, ລົງເລິກການຮ່ວມມື ໃນຂົງເຂດຕ່າງໆ ເຊັ່ນ: ເສດຖະກິດການຄ້າ, ການອະນຸລັກສິ່ງແວດລ້ອມ, ດິຈິຕອນ, ວັດທະນະທຳ ແລະອື່ນໆ, ເຮັດໃຫ້ໝາກຜົນ ຫລາຍກວ່າເກົ່າ ນຳເອົາຜົນປະໂຫຍດມາໃຫ້ ປະຊາຊົນສອງປະເທດ./.
(ບັນນາທິການຂ່າວ: ຕ່າງປະເທດ) ຮຽບຮຽງ ຂ່າວໂດຍ: ສະໄຫວ ລາດປາກດີ
KPL
