KPL
ຂປລ. ຕອນແລງວັນທີ 22 ເມສາ 2025 ຜ່ານມາ, ກ້ອນກໍາລັງສວນສະໜາມ ກອງທັບປະຊາ ຊົນລາວ ນຳໂດຍ ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານກອງພັນໃຫຍ່ 11, ຫົວໜ້າຄະນະຊີ້ນຳກ້ອນກຳລັງສວນສະໜາມ ກອງທັບປະຊາຊົນລາວ ພ້ອມຄະນະ ໄດ້ນຳພາກ້ອນ ກຳລັງສວນສະໜາມ ກອງທັບປະຊາຊົນລາວ ຝຶກຊ້ອມເດີນຂະບວນສວນສະໜາມຕົວຈິງ ຢູ່ຕົວເມືອງ ນະ ຄອນ ໂຮ່ຈີ່ມິງ ສສ ຫວຽດນາມ ເພື່ອກຽມຄວາມພ້ອມເຂົ້າຮ່ວມໃນພິທີສະເຫລີມສະຫລອງ ວັນປົດປ່ອຍພາກໃຕ້ຫວຽດນາມ ຄົບຮອບ 50 ປີ
ຂປລ. ຕອນແລງວັນທີ 22 ເມສາ 2025 ຜ່ານມາ, ກ້ອນກໍາລັງສວນສະໜາມ ກອງທັບປະຊາ ຊົນລາວ ນຳໂດຍ ສະຫາຍ ພັນເອກ ສົມແພງ ແກ້ວສີລາ ຫົວໜ້າການທະຫານກອງພັນໃຫຍ່ 11, ຫົວໜ້າຄະນະຊີ້ນຳກ້ອນກຳລັງສວນສະໜາມ ກອງທັບປະຊາຊົນລາວ ພ້ອມຄະນະ ໄດ້ນຳພາກ້ອນ ກຳລັງສວນສະໜາມ ກອງທັບປະຊາຊົນລາວ ຝຶກຊ້ອມເດີນຂະບວນສວນສະໜາມຕົວຈິງ ຢູ່ຕົວເມືອງ ນະ ຄອນ ໂຮ່ຈີ່ມິງ ສສ ຫວຽດນາມ ເພື່ອກຽມຄວາມພ້ອມເຂົ້າຮ່ວມໃນພິທີສະເຫລີມສະຫລອງ ວັນປົດປ່ອຍພາກໃຕ້ຫວຽດນາມ ຄົບຮອບ 50 ປີ.
ການຝຶກຕົວຈິງຄັ້ງນີ້, ໃນທ່າມກາງບັນຍາກາດຟົດຟື້ນ ທີ່ມີປວງຊົນຊາວຫວຽດນາມ ຈຳນວນຫລວງຫລາຍ ລໍຖ້າຮັບຊົມການເດີນສວນສະໜາມ ຂອງບັນດາກ້ອນກຳລັງກອງທັບປະຊາຊົນລາວ, ກ້ອນກຳລັງສວນສະໜາມກອງທັບຫວຽດນາມ ແລະ ກ້ອນກໍາລັງສວນສະໜາມ ກອງທັບກຳປູເຈຍ ເຊິ່ງການຝຶກຊ້ອມຄັ້ງນີ້, ກໍເພື່ອເປັນການເຮັດໃຫ້ກ້ອນກຳລັງສວນສະໜາມ ຂອງບັນດາກອງທັບດັ່ງກ່າວ ມີຄວາມຊິນເຄີຍກັບສະໜາມຫັດແອບຕົວຈິງ, ທັງເປັນການຝຶກກຳລັງແຮງກາຍ, ແຮງໃຈ, ເຮັດໃຫ້ກ້ອນກຳລັງກອງທັບປະຊາຊົນລາວ ຮັບປະກັນຄວາມພ້ອມ ໃນການເດີນສວນສະໜາມ ເຂົ້າຮ່ວມ ໃນພິທີສະເຫລີມສະຫລອງ ວັນປົດປ່ອຍພາກໃຕ້ຫວຽດນາມຄົບຮອບ 50 ປີ ໃນວັນທີ 30 ເມສາ 2025 ທີ່ຈະມາເຖິງນີ້ ໃຫ້ມີຄຸນະພາບ ແລະ ໄດ້ຮັບໝາກຜົນສູງ.
ຂ່າວ-ພາບ: ມິກກີ້ ແກ້ວສຸວັນ
KPL
