ຂປລ
ຂປລ. ໃນວັນທີ 27 ມັງກອນ 2025 ນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ຕ້ອນຮັບ ທ່ານ ລຽງ ເຈີນຢິງ ຮອງປະທານທີ່ປຶກສາການເມືອງ ປະຊາຊົນທົ່ວປະເທດຈີນ, ປະທານກອງທຶນມູນນິທິ ແບ່ງປັນຮ່ວມກັນ ແຫ່ງ ສປ ຈີນ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ.
ຂປລ. ໃນວັນທີ 27 ມັງກອນ 2025 ນີ້, ທ່ານ ສອນໄຊ ສີພັນດອນ ນາຍົກລັດຖະມົນຕີ ໄດ້ຕ້ອນຮັບ ທ່ານ ລຽງ ເຈີນຢິງ ຮອງປະທານທີ່ປຶກສາການເມືອງ ປະຊາຊົນທົ່ວປະເທດຈີນ, ປະທານກອງທຶນມູນນິທິ ແບ່ງປັນຮ່ວມກັນ ແຫ່ງ ສປ ຈີນ ພ້ອມດ້ວຍຄະນະ ໃນໂອກາດເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ.
ໂອກາດດັ່ງກ່າວ, ທ່ານ ສອນໄຊ ສີພັນດອນ ໄດ້ສະແດງຄວາມຍິນດີຕ້ອນຮັບ ແລະ ຕີລາຄາສູງ ຕໍ່ ທ່ານ ລຽງ ເຈີນຢິງ ທີ່ໄດ້ນຳພາຄະນະເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃນຄັ້ງນີ້, ເຊິ່ງເປັນການປະກອບສ່ວນສຳຄັນ ເຂົ້າໃນການຮັດແໜ້ນ ການພົວພັນຮ່ວມມືໃນດ້ານຕ່າງໆ ໂດຍສະ ເພາະ ດ້ານສາທາລະນະສຸກ ລະຫວ່າງສອງປະເທດ ລາວ-ຈີນ ໃຫ້ໄດ້ຮັບການພັດທະນາ ແລະ ແຕກດອກ ອອກຜົນຂຶ້ນໄປເລື້ອຍໆ. ພ້ອມນີ້, ທ່ານຍັງໄດ້ສະແດງຄວາມຊົມເຊີຍ ແລະ ຕີລາຄາສູງ ກອງທຶນມູນນິທິແບ່ງປັນຮ່ວມກັນ ແຫ່ງ ສປ ຈີນ ທີ່ໄດ້ໃຫ້ການສະໜັບສະໜູນ ຊ່ວຍເຫລືອດ້ານສາທາລະນະສຸກ ແກ່ ສປປ ລາວ, ພ້ອມທັງສະແດງຄວາມຊົມເຊີຍ ຕໍ່ການຈັດຕັ້ງປະຕິບັດວຽກງານ ຂອງມູນນິທິດັ່ງກ່າວ ກໍຄື ການຈັດຕັ້ງປະຕິບັດ ໂຄງການຮ່ວມມືກັບຝ່າຍລາວ ໂດຍສະເພາະ ໂຄງການຕ້ານການລະບາດ ຂອງພະຍາດ ໄຂ້ຍຸງລາຍ ແລະ ໂຄງການຜ່າຕັດແກ່ນຕາຂຸ້ນ ທີ່ດຳເນີນໄປດ້ວຍຜົນສຳເລັດ ເຊິ່ງເປັນການປະກອບສ່ວນເຮັດໃຫ້ວຽກງານສາທາລະນະສຸກ ຂອງ ສປປ ລາວ ໄດ້ຮັບການພັດທະນາຂຶ້ນໄປເລື້ອຍໆ ກໍຄື ເຮັດໃຫ້ ປະຊາຊົນລາວ ມີສຸຂະພາບດີຂຶ້ນ, ເຮັດໃຫ້ພະຍາດແກ່ນຕາຂຸ້ນຫລຸດລົງ ແລະ ການລະ ບາດຂອງະຍາດໄຂ້ຍຸງກໍຫລຸດລົງ ແລະ ອື່ນໆ.
ທ່ານ ລຽງ ເຈີນຢິງ ກໍໄດ້ສະແດງຄວາມຂອບໃຈ ມາຍັງ ທ່ານ ສອນໄຊ ສີພັນດອນ ທີ່ໄດ້ໃຫ້ການຕ້ອນຮັບ ຢ່າງອົບອຸ່ນໃນຄັ້ງນີ້, ພ້ອມທັງ ແຈ້ງຈຸດປະສົງ ຂອງການເດີນທາງມາຢ້ຽມຢາມ ແລະ ເຮັດວຽກ ຢູ່ ສປປ ລາວ ໃຫ້ທ່ານນາຍົກລັດຖະມົນຕີຮັບຊາບ ແລະ ໄດ້ລາຍງານກ່ຽວກັບ ການພົວພັນຮ່ວມມື ໃນດ້ານຕ່າງໆ ໂດຍສະເພາະ ດ້ານສາທາລະນະສຸກ ກັບຂະແໜງການທີ່ກ່ຽວຂ້ອງ ຂອງ ສປປ ລາວ ໃນໄລຍະຜ່ານມາ, ພ້ອມທັງຢືນຢັນວ່າ ຈະສືບຕໍ່ໃຫ້ການສະໜັບສະໜູນ ແລະ ຮ່ວມມືກັບ ສປປ ລາວ ກໍຄື ກະຊວງສາທາລະນະສຸກ ຕື່ມອີກໃນອະນາຄົດ.
ຂ່າວ-ພາບ: ທະນູທອງ
KPL
