ຂປລ
ຂປລ. ສານປະຊາຊົນສູງສຸດ ຈັດພິທີປະກາດການແຕ່ງຕັ້ງ ຜູ້ພິພາກສາ ຊັ້ນສີ່ ຂອງສານປະຊາ ຊົນ ຈຳນວນ 21 ສະຫາຍ ໃນວັນທີ 21 ມັງກອນ 2025 ຜ່ານມາ ໂດຍການເປັນປະທານຂອງ ສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ, ມີຄະນະພັກ-ຄະນະນໍາ ສານປະຊາຊົນສູງສຸດ ເຂົ້າຮ່ວມ.
ຂປລ. ສານປະຊາຊົນສູງສຸດ ຈັດພິທີປະກາດການແຕ່ງຕັ້ງ ຜູ້ພິພາກສາ ຊັ້ນສີ່ ຂອງສານປະຊາ ຊົນ ຈຳນວນ 21 ສະຫາຍ ໃນວັນທີ 21 ມັງກອນ 2025 ຜ່ານມາ ໂດຍການເປັນປະທານຂອງ ສະຫາຍ ນາງ ວຽງທອງ ສີພັນດອນ ຄະນະເລຂາທິການສູນກາງພັກ, ເລຂາຄະນະບໍລິຫານງານພັກ, ປະທານສານປະຊາຊົນສູງສຸດ, ມີຄະນະພັກ-ຄະນະນໍາ ສານປະຊາຊົນສູງສຸດ ເຂົ້າຮ່ວມ.
ໂອກາດນີ້, ສະຫາຍ ນາງ ວຽງທອງ ສີພັນດອນ ໄດ້ມີຄຳເຫັນໂອລົມ ໂດຍເນັ້ນໃຫ້ບັນດາສະຫາຍ ທີ່ໄດ້ຮັບການແຕ່ງຕັ້ງໃນຄັ້ງນີ້, ພ້ອມກັນສືບຕໍ່ເອົາໃຈໃສ່ບາງບັນຫາ ເປັນຕົ້ນ ໃຫ້ເອົາໃຈໃສ່ສຶກສາອົບຮົມ ການເມືອງ-ແນວຄິດ ອ້າຍນ້ອງພະນັກງານສານ ໃຫ້ມີນໍ້າໃຈຮັກຊາດ ຮັບໃຊ້ປະຊາຊົນ ແລະ ມີຄວາມຈົງຮັກພັກດີຕໍ່ ພັກ-ລັດ; ເອົາໃຈໃສ່ຄົ້ນຄວ້າພິຈາລະນາ ຕັດສິນຄະດີໃຫ້ຖືກຕ້ອງ, ເປັນທໍາ, ເຮັດໃຫ້ສານປະຊາຊົນ ເປັນທີ່ເພິ່ງທີ່ໄວ້ເນື້ອເຊື່ອໃຈທີ່ສຸດ ຂອງປະຊາຊົນ ເພາະສານເຂດ, ສານແຂວງ ເຮັດໜ້າທີ່ຕັດສິນຄະດີເປັນຂັ້ນຕົ້ນ ເຊິ່ງແມ່ນຂັ້ນທຳອິດ ເປັນປະຕູດ່ານທຳອິດ ໃນການບໍລິການຮັບໃຊ້ປະ ຊາຊົນ ເຊິ່ງຕິດພັນກັບຫລາຍເຫດການ ຫລື ບັນຫາຂໍ້ຄັດແຍ່ງທີ່ເກີດຂຶ້ນ, ທັງຕິດພັນກັບປະຊາຊົນ (ຄູ່ຄວາມ), ຕິດພັນກັບບ້ານ, ກຸ່ມບ້ານໂດຍກົງ. ສະນັ້ນ, ການບໍລິການຕ້ອງເຮັດດີ, ການແກ້ໄຂຄະດີຕ້ອງວ່ອງໄວ, ໂປ່ງໃສ, ຖືກຕ້ອງ ແລະ ຮັບປະກັນຄວາມຍຸຕິທຳ ໝາຍວ່າເຮັດແນວໃດ (ເຮັດໃຫ້ນ້ຳໃສໄຫລມາແຕ່ຕົ້ນນ້ຳ), ສູ້ຊົນແກ້ໄຂຄະດີໃຫ້ໄດ້ 85% ຂຶ້ນໄປ ເຮັດໃຫ້ການຂໍອຸທອນບໍ່ເກີນ 15% ເລືອກໃຫ້ໄດ້ຜູ້ພິພາກສາດີເກັ່ງ ໃຫ້ໄດ້ 25% ຂຶ້ນໄປ ຂອງຜູ້ພິພາກສາທັງໝົດ ໃນສານປະຊາຊົນ ຂອງຕົນຕາມມາດຖານກຳນົດ ແລະ ຕາມແຜນການທີ່ສະພາຮັບຮອງບໄວ້; ໃຫ້ເອົາໃຈໃສ່ພົວພັນປະສານສົມທົບ ກັບບັນດາຂະແໜງການທີ່ກ່ຽວຂ້ອງ ກັບການດຳເນີນຄະດີ ຂະບວນຍຸຕິທຳ ແລະ ພາກສ່ວນທີ່ກ່ຽວຂ້ອງ ອື່ນໆ, ລາຍງານ ແລະ ພົວພັນຍາດແຍ່ງຄຳຄິດເຫັນ ຈາກການນຳຂອງແຂວງ, ເມືອງ ບ່ອນທີ່ສານຕັ້ງຢູ່ ເປັນປົກກະຕິ; ເອົາໃຈໃສ່ຫັນລົງຮາກຖານຕາມສາຍຕັ້ງ ແລະ ສາຍຂວາງ ຮ່ວມກັບຂະບວນການຂອງແຂວງ, ຂອງເມືອງ, ລົງຮາກຖານຕາມສາຍຕັ້ງ ຕິດພັນກັບການຕັດສິນຄະດີ 3 ຂັ້ນ ຂອງສານປະຊາ ຊົນ.
ສ່ວນຢູ່ສານທ້ອງຖິ່ນ ສະເໜີໃຫ້ຄະນະພັກແຂວງ, ເມືອງ ກໍຄື ການຈັດຕັ້ງທຸກພາກສ່ວນ ທັງສູນກາງ ແລະ ທ້ອງຖິ່ນ ຈົ່ງໃຫ້ການຮ່ວມມືປະສານສົມທົບ ຊ່ວຍສຶກສາອົບຮົມ, ບຳລຸງ, ຊຸກຍູ້, ຕິດ ຕາມ, ກວດກາສານປະຊາຊົນ ຕາມສາຍຂວາງ, ສາຍຕັ້ງ ທາງດ້ານວິຊາສະເພາະ, ວິຊາການທາງກົດໝາຍ, ສານປະຊາຊົນສູງສຸດ ຈະຮັບຜິດຊອບ ໂດຍການພົວພັນປະສານສົມທົບແໜ້ນ ເຊິ່ງກັນ ແລະ ກັນ.
ຂໍ້ມູນ-ພາບ: ຕຸໄລເພັດ
KPL
