ຂປລ. ວິທະຍຸໂທລະພາບ ສູນກາງຈີນ (CMG), ວັນ​ທີ 12 ມັງ​ກອນ​ນີ້, ກະ​ຊວງ​ນິ​ເວດ ແລະ ​ສະ​ພາບ​ແວດ​ລ້ອມ​ຈີນ ​ເປີດ​ເຜີຍ​ໃຫ້​ຮູ້​ວ່າ: ເມື່ອຮອດ​ປີ 2027, ຈີນ​ຈະ​ສ້າງ “​ຕົວ​ເມືອງ​ ປອດ​ສິ່ງ​ເສດ​ເຫລືອ” ​ກວມ​ເອົາ 60% ຂອງ​ ທົ່ວ​ປະ​ເທດ.

ຕາມ​ຂ່າວ​ລາຍ​ງານ​ວ່າ, ໃນ​ໄລ​ຍະ​ຈັດ​ຕັ້ງ​ ປະ​ຕິ​ບັດ ​ແຜນ​ພັດ​ທະ​ນາ ​ເສດ​ຖະ​ກິດ-ສັງ​ຄົມ ​ແຫ່ງ​ຊາດ​ຈີນ 5 ປີ ​ຄັ້ງ​ທີ XIV ຄື: ລະ​ຫວ່າງ​ປີ 2021-2025, ກະ​ຊວງ ​ນິ​ເວດ ແລະ​ ສະ​ພາບ​ແວດ​ລ້ອມ​ຈີນ​ ໄດ້​ຊຸກ​ຍູ້​ ໃຫ້ 113 ຕົວ​ເມືອງ ແລະ 8 ເຂດ​ພິ​ເສດ​ ໃນ​ທົ່ວ​ປະ​ເທດ​ ດຳ​ເນີນ ​ການ​ສ້າງ “​ຕົວ​ເມືອງ​ ປອດ​ສິ່ງ​ເສດ​ເຫລືອ” ໂດຍ​ໄດ້​ດຳ​ເນີນ ໂຄງ​ການ​​ກຳ​ຈັດ​ສິ່ງ​​ເສດ​ເຫລືອ​​ ທາດ​ແຂງ ປະ​ເພດ​ຕ່າງໆ 3.000 ກວ່າໂຄງ​ການ​.  ສະນັ້ນ ໃນ​ໄລ​ຍະ​ຈັດ​ຕັ້ງ​ ປະ​ຕິ​ບັດ​ ແຜນ​ພັດ​ທະ​ນາ ​ເສດ​ຖະ​ກິດ-ສັງ​ຄົມ ​ແຫ່ງ​ຊາດ​ຈີນ 5 ປີ​ ຄັ້ງ​ທີ XV ຄື: ລະ​ຫວ່າງ ​ປີ 2026-2030, ຈະ​ສ້າງ​ເປັນ “​ຕົວ​ເມືອງ​ປອດ​ສິ່ງ​ເສດ​ເຫລືອ” 200 ແຫ່ງ. ຮອດ​ປີ 2035, ຈະ​ບັນ​ລຸ “​ຕົວ​ເມືອງ ​ປອດ​ສິ່ງ​ເສດ​ເຫລືອ” ທັງ​ໝົດໃນ​ທົ່ວ​ປະ​ເທດ​./

KPL