ສາຍການບິນຫວຽດເຈັດ ສະເໜີປີ້ລາຄາພິເສດເປັນເວລາ 3 ວັນ ໃນທ້າຍເດືອນຕຸລາ
ຂປລ. ເພື່ອສະເຫລີມສະຫລອງການເປີດເສັ້ນທາງບິນໃໝ່ໃນທົ່ວພາກພື້ນອາຊີ-ປາຊີຟິກ ສາຍການບິນຫວຽດເຈັດ (Vietjet) ໄດ້ສະເໜີໂປຣໂມຊັນພິເສດ ປີ້ Eco-tickets ທີ່ເລີ່ມຕົ້ນພຽງແຕ່ 0 ໂດລາສະຫະລັດ (ບໍ່ລວມພາສີ ແລະ ຄ່າທໍານຽມ) ເປັນເວລາສາມມື້ ເລີ່ມແຕ່ວັນທີ 29 ຫາ 31 ຕຸລາ 2025. ປີ້ໂປຣໂມຊັນແມ່ນມີໃຫ້ຈອງຜ່ານ www.vietjetair.com ຫລື ແອັບພລິເຄຊັນ Vietjet Air mobile, ສາມາດໃຊ້ໄດ້ກັບທຸກເສັ້ນທາງບິນຂອງສາຍການບິນ, ລວມທັງຖ້ຽວບິນພາຍໃນປະເທດຫວຽດນາມ, ສໍາລັບໄລຍະເວລາເດີນທາງແຕ່ວັນທີ 1 ທັນວາ 2025 ຫາ 27 ພຶດສະພາ 2026 (ໄລຍະເວລາເດີນທາງສະເພາະອາດແຕກຕ່າງກັນໄປຕາມເສັ້ນທາງບິນ). ນັກທ່ອງທ່ຽວລາວສາມາດສວຍໂອກາດນີ້ ເພື່ອເພີດເພີນກັບການປະຢັດຄ່າໃຊ້ຈ່າຍຫລາຍສຳລັບ ຖ້ຽວບິນໂດຍກົງລະຫວ່າງວຽງຈັນ ແລະ ຮ່າໂນ້ຍ/ນະຄອນໂຮ່ຈີມິນ ຫລື ເຊື່ອມຕໍ່ຖ້ຽວບິນໄປຍັງຈຸດໝາຍປາຍທາງຊັ້ນນໍາໃນທົ່ວພາກພື້ນອາຊີ-ປາຊີຟິກ ສໍາລັບການພັກຜ່ອນທ້າຍປີ ແລະ ປີໃໝ່.
ນອກຈາກນັ້ນ, Vietjet ຍັງສະເໜີສ່ວນຫລຸດສູງສຸດ 20% ສໍາລັບປີ້ Business ແລະ SkyBoss ໃນທຸກວັນທີ 2 ແລະ ວັນທີ 20 ຂອງແຕ່ລະເດືອນ, ພ້ອມດ້ວຍໂປຣໂມຊັນພິເສດອີກຫລາກຫລາຍໃນວັນທີ່ມີຕົວເລກຄູ່ຕະຫລອດປີ. ໂປຣໂມຊັນນີ້ແມ່ນສືບເນື່ອງມາຈາກຜົນງານລ່າສຸດຂອງ Vietjet ທີ່ໄດ້ເສີມສ້າງການເປັນຜູ້ນໍາໃນພາກພື້ນອາຊີຕາເວັນອອກສຽງໃຕ້ ຂອງຕົນ. ໃນພິທີມອບລາງວັນທຸລະກິດອາຊຽນ (ASEAN Business Awards - ABA) 2025, ທີ່ຈັດຂຶ້ນພາຍໃຕ້ງານກອງປະຊຸມສຸດຍອດອາຊຽນຄັ້ງທີ 47 ທີ່ປະເທດມາເລເຊຍ, ສາຍການບິນດັ່ງກ່າວໄດ້ຮັບນາມວ່າ ຜູ້ຊະນະເລີດ (Grand Winner) ໃນໝວດໝູ່ການທ່ອງທ່ຽວ (Tourism category).ດ້ວຍການກ້າວຂ້າມຄູ່ແຂ່ງໃນພາກພື້ນ, Vietjet ໄດ້ຮັບກຽດໃນງານ ABA, ທີ່ຈັດຂຶ້ນຄຽງຄູ່ກັບກອງປະຊຸມສຸດຍອດອາຊຽນຄັ້ງທີ 47 ທີ່ປະເທດມາເລເຊຍ, ສຳລັບຮູບແບບສາຍການບິນຍຸກໃໝ່, ກອງເຮືອບິນທີ່ທັນສະໄໝ, ການບໍລິການທີ່ສ້າງສັນແລະ ການດຳເນີນງານທີ່ປອດໄພແລະມີປະສິດທິພາບ. ລາງວັນອັນຊົງກຽດນີ້ໄດ້ເນັ້ນໃຫ້ເຫັນບົດບາດຂອງ Vietjet ໃນການສົ່ງເສີມການທ່ອງທ່ຽວ, ການແລກປ່ຽນວັດທະນະທຳ, ແລະ ຄວາມຍືນຍົງ, ເປັນການສະເຫຼີມສະຫຼອງຜົນງານທີ່ໂດດເດັ່ນຂອງສາຍການບິນໃນການເຊື່ອມຕໍ່ອາຊີຕາເວັນອອກສຽງໃຕ້ກັບທົ່ວໂລກ. ທ່ານ Ho Ngoc Yen Phuong, ຮອງປະທານ ແລະ ຫົວໜ້າຝ່າຍການເງິນ (Chief Financial Officer) ຂອງ Vietjet, ໄດ້ກ່າວວ່າ: ດ້ວຍຄວາມປາຖະໜາທີ່ຈະເຮັດໃຫ້ການບິນເຂົ້າເຖິງທຸກຄົນໄດ້, Vietjet ຍັງສືບຕໍ່ຂະຫຍາຍເຄືອຂ່າຍການບິນຂອງຕົນ, ປະດິດສ້າງການບໍລິການແລະ ສົ່ງເສີມພາບພົດຂອງພາກພື້ນອາຊີຕາເວັນອອກສຽງໃຕ້ ທີ່ມີຄວາມຄຶກຄັກ ແລະ ມີພະລັງໃນເວທີສາກົນ.
ນອກຈາກນັ້ນ, ເພື່ອເປັນການສະເຫລີມສະຫລອງ, Vietjet ຍັງໄດ້ເປີດຖ້ຽວບິນປະຈໍາວັນ ດານັງ-ກົວລາລຳເປີ ເຊິ່ງເປັນເສັ້ນທາງທີສາມລະຫວ່າງຫວຽດນາມ ແລະ ມາເລເຊຍ. ເສັ້ນທາງບິນໃໝ່ນີ້ໄດ້ເຮັດໃຫ້ຄວາມສຳພັນດ້ານການທ່ອງທ່ຽວແລະການຄ້າເລິກເຊິ່ງຂຶ້ນ, ເປັນການຢໍ້າຄືນຄວາມມຸ່ງໝັ້ນຂອງ Vietjet ໃນການສົ່ງເສີມການເຊື່ອມຕໍ່ລະດັບພາກພື້ນທີ່ເຂັ້ມແຂງແລະຈະເລີນຮຸ່ງເຮືອງໃນທົ່ວອາຊີຕາເວັນອອກສຽງໃຕ້. Vietjet ສືບຕໍ່ຂະຫຍາຍເຄືອຂ່າຍສາກົນຂອງຕົນ, ເສີມສ້າງບົດບາດຂອງຕົນໃນຖານະເປັນຂົວຕໍ່ສໍາລັບການຄ້າໂລກ ແລະ ການແລກປ່ຽນວັດທະນະທຳ. ສາຍການບິນດັ່ງກ່າວຍັງຄົງຮັກສາການເຕີບໂຕທີ່ເຂັ້ມແຂງ ແລະ ມີການປະກົດຕົວໃນທົ່ວພາກພື້ນອາຊີ-ປາຊີຟິກ ແລະ ກໍາລັງກະກຽມການຂະຫຍາຍຕົວຕື່ມອີກໄປສູ່ຕະຫລາດທີ່ສໍາຄັນໃນເອີຣົບ ແລະ ອາເມລິກາ.