ສາຍການບິນຫວຽດເຈັດ ກາຍເປັນສາຍການບິນແຖວໜ້າຂອງອາຊີ
ຂປລ. ສາຍການບິນຫວຽດເຈັດ (Vietjet)ໄດ້ຢືນຢັນຕໍາແໜ່ງຂອງຕົນອີກເທື່ອໜຶ່ງ ໃນຖານະສາຍການບິນແຖວໜ້າຂອງອາຊີ ດ້ວຍການຄວ້າລາງວັນອັນຊົງກຽດ “ສາຍການບິນຊັ້ນນຳຂອງອາຊີ - ປະສົບການລູກຄ້າ 2025”ທີ່ພິທີມອບລາງວັນ World Travel Awards (WTA) ອັນມີຊື່ສຽງ ຈັດຂຶ້ນທີ່ຮ່ອງກົງ. ປີນີ້ງານດັ່ງກ່າວໄດ້ເຕົ້າໂຮມບັນດາຜູ້ນຳ ແລະ ຜູ້ຊ່ຽວຊານຈາກຂະແໜງການບິນ, ການທ່ອງທ່ຽວ, ແລະ ການບໍລິການຕ້ອນຮັບ ເພື່ອສະເຫີລມສະຫລອງຄວາມເປັນເລີດໃນການເດີນທາງ. ງານມອບລາງວັນ World Travel Awards ໄດ້ຮັບການຍອມຮັບຢ່າງກວ້າງຂວາງວ່າເປັນໜຶ່ງໃນກຽດຕິຍົດສູງສຸດຂອງໂລກ, ເປັນການຮັບຮູ້ເຖິງຜົນສຳເລັດທີ່ໂດດເດັ່ນ ໂດຍຜ່ານການລົງຄະແນນສຽງຂອງຜູ້ຊ່ຽວຊານໃນອຸດສາຫະກຳ ແລະ ນັກເດີນທາງທົ່ວໂລກ.
ທ່ານ Graham E. Cookeຜູ້ກໍ່ຕັ້ງ World Travel Awards,ໄດ້ກ່າວວ່າ: "Vietjet ມີມາດຕະຖານສໍາລັບການບໍລິການລູກຄ້າໃນຂະແໜງການບິນ ແລະ ຂ້າພະເຈົ້າດີໃຈທີ່ທັງວົງການທ່ອງທ່ຽວ ແລະ ສາທາລະນະຊົນ ໄດ້ຮັບຮູ້ເຖິງຄວາມເປັນເລີດນີ້ ໂດຍການລົງຄະແນນສຽງໃຫ້ເປັນ ສາຍການບິນຊັ້ນນຳຂອງອາຊີ –ປະສົບການລູກຄ້າ 2025.ຂະນະທີ່ ທ່ານ Nguyen Thanh Sonຜູ້ອຳນວຍການຝ່າຍບໍລິຫານຂອງ Vietjet,ໄດ້ກ່າວວ່າ: “ພວກເຮົາມີຄວາມປິຕິຍິນດີຢ່າງຍິ່ງທີ່ໄດ້ຮັບການຍອມຮັບຈາກ World Travel Awards ເປັນປີທີສາມຕິດຕໍ່ກັນ. ຄວາມສຳເລັດນີ້ເປັນຄວາມຈິງໃຈຕໍ່ຜູ້ໂດຍສານຫລາຍຮ້ອຍລ້ານຄົນ ແລະ ທີມງານ Vietjet ທັງໝົດ ທີ່ໄດ້ໃຫ້ການສະໜັບສະໜູນ ແລະ ໄດ້ເຮັດວຽກຢ່າງບໍ່ຮູ້ອິດເມື່ອຍ ເພື່ອສະໜອງປະສົບການການບິນທີ່ດີ. Vietjet ຈະສືບຕໍ່ຂະຫຍາຍເຄືອຂ່າຍທົ່ວໂລກຂອງຕົນເພື່ອສະໜອງການເດີນທາງທີ່ທັນສະໄໝ, ສະດວກສະບາຍແລະ ສ້າງຄວາມປະທັບໃຈ.
Vietjet ສືບຕໍ່ຍົກລະດັບປະສົບການຂອງຜູ້ໂດຍສານຜ່ານນະວັດຕະກໍາ, ການນຳສະເໜີຜະລິດຕະພັນ ແລະ ການບໍລິການໃໝ່ໆ ລວມທັງຊັ້ນ Business Class, ໂຄງການສະມາຊິກ SkyJoy, ການຊື້ເຄື່ອງບິນ, ໂຊລູຊັ່ນດິຈິຕອນ, ແລະ ຜູ້ຊ່ວຍທີ່ຂັບເຄື່ອນດ້ວຍ AI Amy. ສາຍການບິນດັ່ງກ່າວຍັງໄດ້ຮັບການຍອມຮັບຈາກອົງການຈັດຕັ້ງທົ່ວໂລກທີ່ມີຊື່ສຽງ ເຊັ່ນ Skytrax, Airline Ratings, ແລະ World Business Outlook, ນອກຈາກລາງວັນການບິນທີ່ສຳຄັນຕ່າງໆ Vietjet ໄດ້ດໍາເນີນການບິນດ້ວຍເຮືອຍົນທີ່ທັນສະໄໝໄປຍັງຫລາຍກວ່າ 170ເສັ້ນທາງພາຍໃນປະເທດ ແລະ ຕ່າງປະເທດ. Vietjetໄດ້ຂົນສົ່ງຜູ້ໂດຍສານຫລາຍກວ່າ 250ລ້ານຄົນ, ພ້ອມໃຫ້ບໍລິການການເດີນທາງທີ່ປອດໄພ, ລາຄາບໍ່ແພງ ແລະ ສ້າງແຮງບັນດານໃຈຢ່າງສະໝໍ່າສະເໝີ ທີ່ເຊື່ອມຕໍ່ຜູ້ຄົນ ແລະ ວັດທະນະທຳທົ່ວໂລກ. ດ້ວຍເຄືອຂ່າຍທີ່ເຕີບໂຕຢ່າງໄວວາ ເຊິ່ງເຊື່ອມຕໍ່ນະຄອນຫລວງວຽງຈັນ ໄປຫາ ນະຄອນໂຮ່ຈິມິນ ແລະ ເສັ້ນທາງສາກົນໂດຍກົງອື່ນໆ, VietJet ກໍາລັງນໍາພາປວງຊົນລາວໄປສູ່ຈຸດໝາຍປາຍທາງໃນຫວຽດນາມ ແລະ ອາຊີ-ປາຊີຟິກ.