ຂປລ.ວິທະຍຸ ກະຈາຍສຽງ ຫວຽດນາມ, ເມື່ອບໍ່ດົນມານີ້, ທ່ານ ນາງ ມາເຣຍ ຊາກາໂຣວາ(Maria Zakharova )ໂຄສົກ ກະຊວງ ການຕ່າງປະເທດ ຣັດເຊຍ ໃຫ້ຮູ້ວ່າ: ບັນດາ ການເຄື່ອນໄຫວ ເດີນສວນສະໜາມ ກ້ອນກຳລັງ ກອງພັນໃຫຍ່ ອະມະຕະ ໄດ້ດຳເນີນຢູ່ ຫລາຍກ່ວາ 30 ປະເທດ ໂດຍບັນດາ ນັກການທູດ ແລະ ຊາວຣັດເຊຍ ອາໄສຢູ່ຕ່າງປະເທດ ຈັດຂຶ້ນ ເພື່ອແນໃສ່ ຮັກສາ ຄວາມຈິງ ກ່ຽວກັບ ໄຊຊະນະ ອັນຍິ່ງໃຫຍ່ນີ້. ພ້ອມທັງ ກ່າວເນັ້ນໜັກຕື່ມວ່າ: ໃນທົ່ວໂລກ ບັນດາ ອົງການ ທູຕານຸທູດ ແລະ ຊາວຣັດເຊຍ ອາໄສຢູ່ ຕ່າງປະເທດ ໄດ້ຈັດຫລາຍການ ເຄື່ອນໄຫວຂຶ້ນ ເພື່ອແນໃສ່ ຍ້ອງຍໍ ສັນລະເສີນ ວິລະກຳ ຂອງລຸ້ນຄົນ ຜູ້ທີ່ຍິ່ງໃຫຍ່ ເຊິ່ງແມ່ນ ຜູ້ໄຊຊະນະ ລັດທິຟາດຊິດ ແລະ ບໍ່ອະນຸຍາດໃຫ້ ຫລົງລືມ ຄວາມຈິງ ກ່ຽວກັບ ໄຊຊະນະ ອັນຍິ່ງໃຫຍ່ນີ້./.

(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ

KPL