ສປ ຈີນ ສົ່ງດາວທຽມທົດລອງເຕັກໂນໂລຊີອິນເຕີເນັດ ຜ່ານດາວທຽມຂຶ້ນສູ່ອະວະກາດ
ຂປລ.ວິທະຍຸ ສາກົນ ແຫ່ງ ສປ ຈີນ, ວັນທີ 1 ເມສານີ້, ສປ ຈີນ ໄດ້ຍິງສົ່ງ ດາວທຽມ ທົດລອງ ເຕັກໂນໂລຊີ ອິນເຕີເນັດ ຜ່ານດາວທຽມ ຂຶ້ນສູ່ ອະວະກາດ ຢ່າງສຳເລັດຜົນ ດ້ວຍຈະຫລວດ ສົ່ງຍານຊາງເຈິ່ງ-2D ຫຼື CZ-2D ຢູ່ສູນສົ່ງດາວທຽມຈີວຊວນຂອງ ສປ ຈີນ. ປັດຈຸບັນ, ດາວທຽມ ໄດ້ເຂົ້າສູ່ ວົງໂຄຈອນ ຢ່າງສະດວກ, ເຮັດໃຫ້ ວຽກງານຍິງສົ່ງ ໄດ້ຮັບຜົນສຳເລັດ ຢ່າງຈົບງາມ. ດາວທຽມທົດລອງ ເຕັກໂນໂລຊີ ອິນເຕີເນັດ ຜ່ານດາວທຽມ ຕົ້ນຕໍ ຈະນຳໃຊ້ເຂົ້າ ໃນການທົດລອງ ແລະ ຢືນຢັນ ເຕັກໂນໂລຊີຕ່າງໆ ເຊັ່ນ: ການເຮັດໃຫ້ ອິນເຕີເນັດ ໂທລະສັບມືຖື ເຊື່ອມຕໍ່ກັບ ດາວທຽມໂດຍກົງ, ການເຊື່ອມໂຍງອິນເຕີເນັດ ຢູ່ເທິງຟ້າກັບ ພາກພື້ນດິນ ເຂົ້າເປັນອັນໜຶ່ງ ອັນດຽວກັນ ແລະ ອື່ນໆ./.
(ບັນນາທິການຂ່າວ: ຕ່າງປະເທດ), ຮຽບຮຽງ ຂ່າວໂດຍ: ສະໄຫວ ລາດປາກດີ