ຂປລ. ສຳນັກ​ຂ່າວ ຊິນ​ຮວາ ​ຂອງ ສປຈີນ ລາຍ​ງານ ​ຈາກ​ ນະຄອນຫລວງ ​ໂຕ​ກຽວ ປະ​ເທດ​ ຍີ່ປຸ່ນ ​ເມື່ອ​ບໍ່​ດົນ​ມນີ້, ສຳນັກງານ ​ກວດ​ຄົນ​ເຂົ້າ​ເມືອງ ​ຂອງ ຍີ່ປຸ່ນ ລາຍ​ງານ​ ຈຳນວນ ຊາວ​ຕ່າງປະ​ເທດ​ ທີ່​ອາ​ໄສ​ຢູ່​ ພາຍໃນ​ປະ​ເທດ ​ເພີ່ມ​ຂຶ້ນ ​​ຢ່າງ​ໜ້ອຍ 3.768.977 ຄົນ ຕາມ​ສະຖິຕິ​ໃນ​ທ້າຍ​ປີ 2024 ​ເພີ່ມ​ຂຶ້ນ 10,5% ເມື່ອທຽບໃສ່ ປີ 2023 ​ແລະ ​ເປັນ​ຕົວເລກ ສະຖິຕິ​ສູງ​ສຸດ ​ໃນປະ​ຫວັດ​ສາດ ຢ່າງຕິດ​ຕໍ່​ກັນ ເປັນປີ​ທີ 3.

​          ຕາມການວິເຄາະ ລະບຸວ່າ ຈຳນວນ​ ນັກ​ສຶກສາ ​ອາ​ໄສ​ຢູ່ ​​ໃນ ຍີ່ປຸ່ນ ປະມານ 402.000 ຄົນ, ຂະນະ​ທີ່ ຈຳນວນ​ ຜູ້​ຝຶກ​ງານ​ ດ້ານ​ເຕັກນິກ ລວມມີ ປະມານ 457.000 ຄົນ ​ແລະ ​ແຮງ​ງານ ​ທີ່ມີ​ທັກ​ສະ ສະ​ເພາະ 284.000 ຄົນ. ນອກຈາ​ກນີ້ ຜູ້ອາ​ໄສ​ຢູ່ຖາວອນ ກວມເອົາ​ກຸ່ມ​ໃຫຍ່​ທີ່​ສຸດ ​ ປະມານ 918.000 ຄົນ, ​ເພີ່ມ​ຂຶ້ນ 3% ເມື່ອທຽບໃສ່ປີຜ່ານມາ./

KPL